Mitsengo 10:9 - Tshwa Bible

⁹ Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.

Mitsengo 10:9 交叉參考

Genesisi 8:1

Na Nungungulu i lo alakanya Noa, ni zihari zontlhe, ni zifuyo zontlhe zi nga hi lomu tarwini; na Nungungulu i lo maha mheho yi pupuxa hehla ka misava, kasi a mati ma bohla.

2 Kronekele 13:12

Makunu langutani, Nungungulu i na hina a hi rangela, zinwe ni vapristi vakwe, ni mipunzu leyi Va bako kasi ku mu hangalasa. O, va ka Israeli, mu nga hlomi yimpi muiwa na Jehova Nungungulu wa vararu va nwina, hakuva cima mu nga ta hlula.

2 Kronekele 13:14

A xikhati lexi a va ka Juda va nga cuwuka le nzhako, va lo kuma lezaku ku wa hi ni yimpi le mahlweni ni le nzhako kabye. Zonake va lo rila ka Jehova, a vapristi vaba mipunzu.

Tisimu 106:4

Jehova, nzi alakanye hi tipswalo leti u mahelako vanhu va wena, U nziha a kuhanyisa ka wena,

Tisimu 106:42

A valala vabye va lo va tsimbeketa, Va tsongahatiwa canjeni gabye.

Tisimu 136:23

Loyi a nga hi alakanya kutsongahatweni ka hina, Hakuva a wuxinji gakwe ga kala kupinzuka. Ekso. 2:24; 3:7

Isaya 18:3

Nwina nwentlhe vaaki va matiko, Vanhu vontlhe va misava, Cuwukani loku a nghapa yi tlakuswa hehla ka zitsunga; Ni loku paratana wu biwa, ingisani!

Isaya 58:1

Kanyuluka hi ntamu, u nga tsetsi a gezu ga wena; Tlakusa a gezu ga wena giku khwatsi i mpunzu, U tlhatlhambutela ka tiko ga mina a kuhambunyeta ka gona, Ni ka yindlu ya ka Jakobe a zionho zabye.

Jeremia 4:19

Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 4:21

Nzi ta wona a nghapa kala rini, Ni kuzwa a gezu ga mpunzu ke?

Jeremia 4:5

Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

Jeremia 49:2

Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Jeremia 6:17

Nzi vekile varinzeli xikari ka nwina, nziku: Ingisani a gezu ga mpunzu. Kanilezi va hlamule, vaku: Hi nga ta gi ingisa.

Ezekieli 7:14

Va bile mpunzu, va longisile zontlhe, kanilezi a nga kona a yako yimpini; hakuva a zanga ya mina yi hehla ka xidlemo xabye xontlhe.

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Levi 23:24

Byela vanana va ka Israeli, uku: Hi hweti ya wuntlhanu ni timbiri, hi siku go ranga ga hweti gi tava siku ga kuhumula, ximuse lexi xi ta nga tivekiswa hi kubiwa ka mimpunzu, hi ntlhangano wa kubasa.

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Zefania 1:16

I siku ga mpunzu ni nyandayeyo zi vukelako a miti yi bhiyelweko ni makhokhola ma tlakukileko.

Mitsengo 31:6

Zinghaho Mosi i lo rumela yimpini zinwe na Finiasi a nʼwana wa mupristi Eliazare zinwe ni zibya zo basa, ni mimpunzu yo vuma.

1 Va le Korinte 14:8

Loku a mpunzu wu hi ni pfumawulo lowu wu nga tibyiwiko, himani a ta nga hloma a kuya yimpini ke?

Deuteronome 20:1

Loku wena u hloma yimpi ku yalwa ni valala va wena, loku u wona mahaxi ni tikareta ni vanhu vo tala ku hunza wena, u nga va chavi; hakuva Jehova Nungungulu wa wena i zinwe na wena, yena loyi a ku humesileko tikweni ga le Gipite.

Joxua 6:5

Laha va ta ngaba a mipunzu va lehisa, loku muzwa a kuvuma ka mipunzu vontlhe va ta kanyuluka hi gezu ga hombe, ni khokhola ga muti gi tawa hasi, zonake a vanhu va ta enghena, loyi ni loyi aya mahlweni kakwe.

Valamuli 10:12

A vaSidoni, ni vaAmeleki, ni vaMaoni va lo mu xanisawu; mu lo rila ka mina, nzi mu tlhatlhisa mandleni yabye.

Valamuli 10:8

Gwalego lembe va lo xanisa a vanana va ka Israeli va va tsimbeketa, 18 wa malembe na va xanisa vontlhe va ka Israeli lava va nga le tlhatukweni wa Jordani, lomu tikweni ga vaAmori, legi gi nga le Gileade.

Valamuli 2:18

Loku Jehova a va vuxele valamuli, i wa tshama ni mulamuli munwe ni munwani a va hlanguta valaleni vabye masikwini ya mulamuli loye, hakuva Jehova i wa va zwela wusiwana zirilweni zabye, lezi va nga wa tshekulela hi vaxanisi vabye.

Valamuli 3:27

Laha a nga wa chikele, i loba a mpunzu le xitsungeni xa ka Efraime, a vanana va ka Israeli va lo relela naye hi le xitsungeni, na a rangile mahlweni kabye.

Valamuli 6:34

A Moya wa Jehova wu lota ka Gideoni. I loba a mpunzu, a vanhu va Abiezeri va tsombana khatiginwe kakwe. 2 Kro. 24:20; Lu. 24:49

Valamuli 6:9

Nzi mu tlhatlhisa canjeni ga vaGipite, ni canjeni ga vontlhe vaxanisi va nwina, nzi va hlongola mahlweni ka nwina, nzi wuya nzi mu nyika a tiko gabye.

1 Samueli 10:18

aku ka va ka Israeli: Jehova Nungungulu wa ka Israeli i ngalo: Mina nzi humesile Israeli le Gipite, nzi mu ponisa canjeni ga vaGipite, ni canjeni ga tontlhe tihosi leti ti nga wa mu xanisa.