Levi 7:13 - Tshwa Bible

¹³ I ta neha kambe a zibaba zi nga ni comelo, zinwe ni xifuyo xa muphahlo wa kurula muphahlweni wakwe wa ku khesa.

Levi 7:13 交叉參考

Amosi 4:5

Mahani miphahlelo ya kubonga hi lezi zi comelweko, muba nyiwo hi minyikelo leyi yi mahiwako hi kuxuva ka munhu; hakuva mu ranza lezo, nwina vanana va ka Israeli, ku wula Hosi Jehova. Levi 2:11; 7:12

Levi 23:17

Mu ta neha zibaba zimbiri za munyikelo wa ku nziwitela, na zi hi lezi zi humako mitini ya nwina, na zi hi za tipimo timbiri ta wukhume ta efa ga mapa yo saseka lezi zi bhikilweko ni comelo; hi yona mihanzu yo ranga ya Jehova.

1 Timote 4:4

Hakuva zontlhe zi vangilweko hi Nungungulu zi nene, a ku na nchumu lexi xi faneleko ku nyenyiwa loku xi amukelwa hi kubonga; Tit. 1:15

Mateu 13:33

I lo kanela munwani mufananiso kabye, aku: A mufumo wa tilo wu fanana ni comelo, lexi a nga xi teka wasati, a xi chela lomo ka zipimo zinharu za mapa, ma kala ma vita wontihe. Lu. 13:20

Levi 2:12

Mu ta zi neha ka Jehova zinwe ni munyikelo wa mihanzu yo ranga, kanilezi ngha zi nga hiswi laha alatini, khwatsi hi munyikelo wa masema yo nanziha. 2 Kro. 31:5

Levi 23:18

Mu ta nyikela zibaba, zinwe ni ntlhanu wa ziyivana ni zimbiri za lembe ginwe a wukale, lezi zi nga hiko na bawa, ni role, ni tihamba timbiri ta munyikelo wa kuhiswa wa Jehova, zinwe ni minyikelo ya zakuga ni zakunwa; ziva muphahlo lowu wu hiselwako Jehova, lowu wu nga ni masema yo nuhela ka Jehova.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.