Levi 26:1 - Tshwa Bible

¹ Mu nga ti maheli zifananiso za vanungungulu; mu nga ti yimiseli xifananisoxi vatlilweko, ni timhinga; ni lomu tikweni ga nwina mu nga yimisi a ribye legi gi nga ni xifananiso mu khizama ka gona, hakuva hi mina Jehova, Nungungulu wa nwina.

Levi 26:1 交叉參考

2 Tihosi 17:10

Va lo ti yimisela a zifananiso za Axtarte lomu matshanwini wontihe ya zitsunga zo leha, ni lahasi ka tontlhe tisinya to nyuka.

2 Tihosi 17:16

Va lo tsika yontlhe milayo ya Jehova Nungungulu wabye, va wumba zifananiso za marole mambiri, va ti mahela a zifananiso za Axtarte, va khizama mahlweni ka wontihe mabandla ya tilo, va khozela Baali.

2 Tihosi 17:8

Va lo lanzela a mikhuwo ya matiko lawo Jehova a nga ma hlongola mahlweni ka vanana va ka Israeli, ni mikhuwo ya tihosi ta ka Israeli leyi ti yi mahileko.

Tisimu 78:58

Va lo mu zangarisa hi matshamu yabye ma tlakukileko, Va vuxa xiluse xakwe hi zifananiso zabye. Deut. 32:16, 21

Tisimu 97:7

Ngha va wiswa tingana lava va khozelako zifananiso, Lava va ti kulisako hi vanungungulu va mawunwa. Mu khizameleni nwina vanungungulu nwentlhe! Ekso. 20:3; Maheb. 1:6

Eksodusi 20:2

Hi mina Jehova, Nungungulu wa wena, loyi a ku humesileko tikweni ga Gipite, a ndlwini ya wukhumbi.

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Eksodusi 23:24

U nga khizameli vanungungulu vabye, u nga va khozeli, u nga mahi mikhuwo yabye; kanilezi u ta va daya vontlhe, u khungumula zifananiso zabye zontlhe.

Eksodusi 34:17

U nga ti maheli nungungulu loyi a nyekisilweko.

Isaya 2:20

A ka siku lego a vanhu va ta hoxa ka mabhonyani ni ka makhoha a zifananiso zabye za siliva ni za nzalama, lezi va nga ti mahela kasi ku zi khozela;

Levi 19:4

Mu nga khizameli zifananiso, ge hambu ku ti mahela zifananiso zi chululweko. Hi mina Jehova, Nungungulu wa nwina.

Levi 25:55

Hakuva vanana va ka Israeli malanza ya mina; a malanza ya mina lawa nzi nga ma humesa tikweni ga le Gipite. Hi mina Jehova, Nungungulu wa wena.

Levi 7:33

A nʼwana Aroni loyi a ta nga nyikela a nkhata ni mafura ya muphahlo wa kurula, hi yena a ta nga nyikiwa a nenge wa xinene a kuva xiavelo xakwe.

Mitsengo 33:52

mu ta hlongola vontlhe vaaki va tiko mahlweni ka nwina, mu hangalasela zontlhe zifananiso zabye, mu lovisa zontlhe zifananiso zabye zi nyekisilweko; mu khungumulela wontihe matshamu yabye ma tlakukileko. Ekso. 23:32; Deut. 7:2

Mitiro 17:29

Lezi hi nga pswalo wa Nungungulu, ngha hi nga alakanyi lezaku a wuNungungulu gi fanana ni nzalama, ni siliva, kutani ribye, zi nga zilo zi vatlilweko hi wumeseri ni kutlhariha ka vanhu.

Deuteronome 27:15

Khombo a give ka munhu loyi a mahako xifananiso xi vatlilweko, hambu lexi xi nyekisilweko, xi nga manyala ka Jehova, a ntiro wa mandla ya vanhu, a xi yimisa wutshanwini gi fihleleko! A vanhu vontlhe va ta hlamula, vaku: Amen!

Deuteronome 5:6

Hi mina Jehova Nungungulu wa wena, loyi a ku humesileko tikweni ga Gipite a ndlwini ya wukhumbi.

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Valamuli 18:30

A vanana va ka Dani va lo ti yimisela a xifananiso lexo xo vatliwa. Jonatani nʼwana Gerexome wa Mosi, zinwe ni vana vakwe, va lo maha vapristi va lixaka la ka Dani kala siku ga ku khomiwa va yiswa wukhumbini. Ekso. 2:22; 1 Tih. 12:30; 2 Tih. 17:23