Danieli 9:21 - Tshwa Bible

²¹ ina, na nza ha wulawula mikombelweni, Gabrieli a wanuna loyi nzi nga mu wonile kuranga lomu muwonisweni, i lota na a puruma hi xihatla, a ta nzi khumba hi xikhati xa munyikelo wa laha gambyeni.

Danieli 9:21 交叉參考

1 Tihosi 18:29

Va lo simama va maha lezo kala ku hunza hlikanhi ku ya chikela xikhatini xa muphahlelo wa gambo; kanilezi cima a va zwangi gezu, ne ni ku kuma hlamulo, hambu ku wona nchumu. Ekso. 29:39; Mitse. 28:3

1 Tihosi 18:36

Zonake hi xikhati xa ku nyikela a muphahlelo wa gambo, muprofeti Elija i lo tshinela laha kusuhani, aku: Jehova, Nungungulu wa Abrahama, na Isaka, na Israeli, a zi tibyiwe inyamutlha lezaku wena u Nungungulu wa ka Israeli, ni lezaku mina nzi nanza ga wena, ni lezaku mina nzi mahile lezi hi kota ya kuleletela ka wena! Ekso. 3:6; Mat. 22:32

Tisimu 103:20

Khesani Jehova, nwina tingelosi takwe, Nwina tinhenha leʼta ntamu, mu mahako kulaya kakwe, Hi kuzwa a gezu ga mhaka yakwe.

Tisimu 104:4

U maha timheho tiva zirunwa za wena, Malangavi ya nzilo hi malanza ya wena.

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Eksodusi 29:39

A yivana yinwe u ta yi nyikela ni mixo, a yinwani u yi nyikela laha gambyeni.

Isaya 6:2

Hehla kakwe ku wa yimile a maserafima. A ginwe ni ginwani gi wa hi ni ntlhanu wa tipapa ni linwe; hi tipapa timbiri ma lo khubhunyeta a tinghohe ta wona, hi timbiri ma khubhunyeta mikonzo, hi timbiri ma puruma ha tona.

Ezekieli 1:11

A tinghohe ta zona ni tipapa ta zona ti wa tsawukene le hehla; a xinwe ni xinwani xi wa hi ni tipapa timbiri ti tlhangeneko, ni tipapa timbiri leti ti nga khubunyeta a mimiri ya zona.

Ezekieli 1:14

A zivangwa zi hanyako zi lo tsutsuma, na zi tlhela zi wuya a ku fanana ni kukwezima ka xingwalangwanza.

Ezekieli 14:14

hambu loku a vavanuna lava vanharu, a va Noa na Danieli na Joba, va wa tshamile xikari ka gona, va wa ta ponisa a wutsumbu gabye ntsena hi kululama kabye, ku wula Hosi Jehova.

Danieli 10:10

Nzi lo khumbiwa hi canja, legi gi nga nzi khizamisa hi madzolo ya mina ni mandla ya mina.

Danieli 10:16

Languta a wo kari a fananako ni vana va vanhu i lo khumba a milomu ya mina; zonake nzi lo vulula a nomu wa mina nzi wulawula ka loyi a nga yimile mahlweni ka mina, nziku: Hosi yanga, a muwoniso lowu wu nzi bayisile, laha kaku a nza ha hi na ntamu.

Danieli 10:18

Zonake nzi lo khumbiwa kambe hi loyi a fananako ni munhu, a nzi tiyiseta,

Danieli 8:16

Nzi lozwa a gezu na gi humela laha Congweni wa Ulai, na gi vitana, giku: Gabrieli, tlhamusela inaloyi a muwoniso lowu a wu wonileko.

Danieli 8:18

Laha a nga wulawula na mina, nzi lo titivala, a nghohe ya mina na yi hi lahasi. Kanilezi i lo nzi khumba a nzi yimisa.

Mateu 27:46

Hi hora ya wuntlhanu ni mune, Jesu i lo vitana hi gezu ga hombe, aku: Eli, Eli, lama sabaktani? Lezo hi ku ngalo: Nungungulu wa mina, Nungungulu wa mina, u nzi tsikele yini? Tis. 22:1; Maheb. 5:7

Luka 1:19

A ngelosi yi mu hlamula, yiku kakwe: Nzi mina Gabrieli, loyi a yimako mahlweni ka Nungungulu; nzi lo runwa a ku ta wulawula na wena, ni ku ku byela a mahungu laya yo saseka. Dan. 8:16; Maheb. 1:14

Luka 1:26

Hi hweti ya wuntlhanu ni yinwe a ngelosi Gabrieli yi lo runwa hi Nungungulu a kuya mutini wa le Galilea, wu vitwako Nazareta,

Mitiro 10:3

Hi siku go kari i lo wona muwoniso hi hora ya wuntlhanu ni mune, a ngelosi ya Nungungulu na yi enghena ka yena, yiku ngalo kakwe: Korneliu!

Mitiro 10:9

Hi manziko wa kona, kota lezi va nga ha hi ndleleni, na va tshinela mutini, Pedro i lo kanziha hehla ka yindlu a ku ya khongela; ku wa hi hora ya wuntlhanu ni yinwe. Tis. 55:17; Xip. 11:5

Mitiro 12:7

Languta, a ngelosi ya Hosi yi lo yima kakwe, ni kuwonekela ku woninga lomo ndlwini; yi lo mu dukunya Pedro laha reveni, yi mu vuxa, yiku; Hatlisa u suka; ni mangenje ma lowa hi le mandleni yakwe. Maheb. 1:14; Xip. 5:19

Mitiro 3:1

Pedro na Johani a va kari va kanziha vaya tempeleni hi xikhati xa kukhongela, xi nga hi 3 horas wa gambo:

Maheberu 1:14

Xana tona tontlhe a hi mimoya yi tirako; leyi yi rumiwako a ku tirela lava va ta ngaga a tshomba ya kuhanyiswa ke? Mat. 18:10; Lu. 1:19; Miti. 12:7; Rom. 8:17; Jak. 2:5; 1 Ped. 3:7

Maheberu 1:7

Loku a wula hi tingelosi aku ngalo: I maha tingelosi takwe tiva timheho, Ni malanza yakwe mava malangavi ya nzilo. Tis. 104:4

Kuvululelwa 9:17

Le xiwonisweni nzi lo wona mahaxi ni lava va nga ma khilele kota lezi: a vavanuna va wa hi ni zikatawu zo pswhuka za xiketse laha zifuveni khwatsi i nzilo, ni za wukuxe khwatsi i jakinte, ni zo balala khwatsi i solufa; a tihloko ta mahaxi ti wa kotisa a tihloko ta tinghala; ku huma nzilo ni musi ni solufa hi lomu kanwini ka wona. 1 Kro. 12:8; Isa. 5:28, 29