Danieli 12:6 - Tshwa Bible

⁶ A munwe wabye i te ngalo ka loyi a nga ambele a tinguwo ta wukene, a nga hi le hehla ka mati ya congo: A magumo ya masingita laya ma tata rini?

Danieli 12:6 交叉參考

Tisimu 74:9

A ha ha zi woni a zikombiso za hina, A ka ha hi na muprofeti; Xikari ka hina a nga kona a tivako lezaku ku tava kala rini. Ezek. 7:26; Am. 8:12

Ezekieli 9:2

Languta, ku lota ntlhanu wa vavanuna ni munwe hi tlhelo ga nyangwa ya le hehla, yi ngomamako Nwalungu; a munwe ni munwani na a khomile a mutsayi canjeni gakwe. A munwe wabye i wa ambele a tinguwo ta wukene na hi ni zo tsala ha zona na zi bohilwe laha reveni gakwe. Va lo enghena, va yima kusuhani ni alati ga suku. Ezek. 8:3; Kuv. 15:1, 6

Danieli 12:5

Laha mina Danieli nzi nga cuwuka nzi lo wona a vambiri vanwani va nga yimile laha Congweni, munwe hi tlhelo ga seno ni munwani hi tlhelo ga seniya.

Danieli 12:8

Nzi lo zizwa, kanilezi a nzi zi pimangi. Zonake nziku: Hosi yanga, a zilo lezi zi ta gumesisa kuyini?

Danieli 8:13

Zonake nzi lozwa a ngelosi na yi wulawula, ni yinwani ngelosi yi lo wutisa leyi yi nga kari yi wulawula, yiku: Zi ta simama masiku mangani lezi hi zi wonako muwonisweni hi tlhelo ga munyikelo wa kuhiswa wa simasima ni xihambunyeto lexi xi hahlulako, ni lezaku a wutshamu ga kubasa ni butho zi nyikelwa ku kanzihelelwa hi mikonzo?

Danieli 8:16

Nzi lozwa a gezu na gi humela laha Congweni wa Ulai, na gi vitana, giku: Gabrieli, tlhamusela inaloyi a muwoniso lowu a wu wonileko.

Mateu 24:3

Na a tshamile xitsungeni xa maoliva, a vapizani va lota kakwe na va hi voce, va taku: Hi byele a xikhati zi ta nga maheka ha xona lezi zilo, u hi tivisa ni xiwoniso xa kuwuya ka wena ni xa kugumesa ka tiko.

Marku 13:4

vaku: Hi byele, zi ta maheka rini lezi ke? Xi tava xiwoniso muni xi ta nga komba lezaku xi tshinele xikhati xa kutatiseka ka zontlhe lezi ke? Mat. 24:3; Lu. 21:7

Va le Efesusi 3:10

Nungungulu i wa xuva lezaku a wutlhari gakwe ga ginyingi gi fela ku tiviswa hi bandla ka mintamu ni tihosi ta le tilweni, 1 Kor. 2:7; 1 Ped. 1:12; 3:22

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

Kuvululelwa 15:6

Ku lo huma a ntlhanu wa tingelosi hi timbiri hi lomu tempeleni, na ti hi ni ntlhanu wa zixaniso ni zimbiri; ti wa ambele tinguwo to basa ta wukene, na ti bohile a mabhandi ya nzalama zifuveni za tona. Ekso. 28:6, 8; Ezek. 44:17

Kuvululelwa 19:14

Ni mabutho ya le tilweni ma lo mu lanzela, na ma khilele mahaxi yo basa, na ma ambele a tinguwo to saseka ta wukene ti basileko tiku pa. Mat. 28:3; Xip. 14:20

Kuvululelwa 6:10

Va loba huwa hi gezu ga hombe, vaku: Hosi yo basa ni ya zinene, ku ta kala rini u nga lamuli u photela a nkhata wa hina ka lava va akileko misaveni ke? Ekso. 19:6; 1 Ped. 2:5, 9