Danieli 11:30 - Tshwa Bible

³⁰ Hakuva a mataru ya le Kittimu ma tata ma talwa naye; hikwalaho i ta mbhela ntamu, a tlhelela nzhako. I ta engeta a zangarela a xivumelwano xi basileko a maha kuranza kakwe, a tlhela a zwanana ni lava va tsikileko a xivumelwano xi basileko.

Danieli 11:30 交叉參考

Genesisi 10:4

a vana va Javani hi Elixa, na Tarxixi, na Kitime, na Dodanime.

1 Kronekele 1:7

A vana va Javani: Elixa, na Tarxixi, na Kitime, na Rodanime.

Nehemia 6:12

Nzi lo ehleketa nzi wona lezaku i wa nga rumiwangi hi Nungungulu; kanilezi i wa profeta kasi ku nzi vukela. I wa rengelelwa hi Tobia na Sanballati.

Isaya 23:1

Tlhavani nkosi nwina mataru ya le Tarxixi, Hakuva gi hahlulwe, a ka ha hi na yindlu, a nga kona loyʼa enghenako; A mhaka leyi yi tivekisilwe yi sukela Kittimu. Jer. 47:4; Zak. 9:2

Isaya 23:12

Aku: Cima u nga ta ha tsaka kambe, Wena mubulwa wu tsimbeketilweko, a nhwana Sidoni. Suka, u tlhatukela Kittimu, Leyo na konawu u nga tava na kurula.

Jeremia 2:10

Hi nga pelani muya zihlaleni za Kitimu, mu ya wona; Rumelani Kedari, mu hlotisisa khwatsi; Mu wona loku a xilo xa kunghahi xi wa sina xi mahekile.

Ezekieli 27:6

Va mahile a makasiya ya wena hi mikuhlu ya le Baxani, a zitshamu za wena zi mahilwe hi timhonzo ta tindlovu ti nameketilweko hi sinya ya le zihlaleni za Kittimu.

Danieli 11:28

I ta tlhelela tikweni gakwe ni nhunzu yo tala; lomu mbilwini yakwe i ta boha xikungo xo vukela a xivumelwano xi basileko, ni loku a xi tatisile i ta tlhelela tikweni gakwe.

Danieli 11:29

Hi xikhati xi yimisilweko i ta tlhela a wuya Dzongeni; kanilezi legi khati gi nga ta fanana ni leʼgo ranga.

Danieli 7:25

I ta wulawula magezu yo vukela Loyi a Hunzeleleko Kutlakuka, a xanisa a vobasa va Loyi a Hunzeleleko Kutlakuka. I ta xuva ku hunzula a masiku ma basileko ni nayo; a vobasa va ta nyikelwa mandleni yakwe hi xikhati ni zikhati ni khihlanya ga xikhati.

Mitsengo 24:24

A mataru ma tata hi le Kitimu, Ma ta ta hlokisa Axur, ma hlokisa Eberi; Na yenawu i ta lobyiswa.

Mateu 24:10

Kwalaho ku ta khubeka vanyingi; va ta nyiketana ni ku vengana.

Kuvululelwa 12:12

Hikwalaho, tsakani nwina matilo, na nwina lava mu tshamako ka wona. Kanilezi nwina misava ni bimbi mu na ni khombo, hakuva Satani i relele ka nwina, na a zangarile nguvu, hakuva wa zi tiva lezaku a xikhati lexi xi mu saleleko xi tsongwanyani. Tis. 96:11; Xip. 8:13; 10:6