Danieli 10:1 - Tshwa Bible

¹ Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 10:1 交叉參考

Genesisi 41:32

A miloro leyo yi wuyetilwe ka Faro, hakuva i mhaka yi tiyisilweko hi Nungungulu, na Nungungulu i ta hatlisa ku maha lezo zilo.

2 Kronekele 36:22

Zonake hi lembe go ranga ga kufuma ka Kurusi a hosi ya le Persia, kasi ku fela ku tatiseka a gezu ga Jehova a gi wulileko hi nomu wa Jeremia, Jehova i lo vuxa a mbilu ya Kurusi a hosi ya le Persia, aba hungu ka wontihe mufumo wakwe ni ku tsala aku: Ezra 1:1; Isa. 44:23

Ezra 3:7

Va lo nyikela a mali ka vavatli va maribye ni timhanze, va nyikela a zakuga ni zakunwa, ni mafura ka vaSidoni ni va le Tire, kasi vona va fela ku va nehela a tisinya ta sedare hi le Lebanoni, tita le Jopa hi bimbi, khwatsi hi lezi va nga wa vumelwe hi Kurusi a hosi ya le Persia.

Ezra 4:3

Kanilezi Zerubabeli, na Jexua, ni tinwani tihosana ta vadadani va ka Israeli, va te ngalo kabye: Nwina a mu zi koti ku aka zinwe na hina a yindlu ya Jehova Nungungulu wa hina; hi hina hoce hi ta nga aka a yindlu ya Jehova Nungungulu wa ka Israeli, khwatsi hi lezi ku leletelweko hi Kurusi a hosi ya le Persia.

Ezra 4:5

va lo xavelela a masingalakati lezaku va juwungela kuxuva kabye, va maha lezo wontihe masiku ya kuhanya ka Kurusi a hosi ya le Persia, kala masikwini ya kufuma ka Dariusi a hosi ya le Persia.

Ezra 6:14

A masingalakati ya vaJuda va lo aka na va tsakile, na va tiyiswa hi kuprofeta ka muprofeti Hagai na Zakaria nʼwana Ido. Va lo aka va mbheta, khwatsi hi kuleletela ka Nungungulu wa ka Israeli ni kuwula ka Kurusi na Dariusi, na Artaxerxesi a hosi ya le Persia.

Ezra 6:3

Ka lembe go ranga ga kufuma ka Kurusi, hosi Kurusi i lo leletela xungetano ni yindlu ya Nungungulu ya le Jerusalema, lezaku yi aketwa, kasi kuva laho va ta nga nyikela kona a miphahlo; ni xiseketelo xa kona a xi aketwe. A kuleha ka yona ku tava 60 wa mikono, a kuanama ku tava 60 wa mikono.

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Danieli 1:17

A majaha laya ya mune Nungungulu i lo ma nyika a wutivi ni kupimisisa mitsalweni yontlhe ni wutlhari. Danieli i wa pimisisa miwoniso yontlhe ni miloro.

Danieli 1:21

Danieli i lo simamisa kota lezo kala a lembe legi hosi Kurusi a nga sangula ku fuma ha gona.

Danieli 1:7

Kanilezi a nduna ya mithenwa yi lo va chula mavito manwani: Danieli ava Beltexazzari, Hanania ava Xadrake, Mixaeli ava Mexake, na Azaria ava Abed-nego.

Danieli 10:14

Makunu nzi tile ku ta ku byela lezi zi ta nga maheka ka tiko ga wena masikwini yo gumesa, hakuva muwoniso wa masiku ya le kule.

Danieli 11:2

Makunu nzi ta ku byela a zinene. Ka ha ta huma tihosi tinharu le Persia; a ya wumune yi tava ni kufuma ku hunza tona tontlhe. Loku a titshomba takwe ti mu nyikile a ntamu, i ta vuxa vontlhe a ku yalwa ni tiko ga maGreki.

Danieli 12:4

Kanilezi wena Danieli, hlayisa a timhaka leti, u lema a bhuku kala xikhatini xa magumo. Vanyingi va ta gi hlotisisa, kasi wutivi gi enzeleka.

Danieli 12:9

Yena aku: Famba Danieli, hakuva a timhaka leti ti hlayisilwe, ti lemiwa kala xikhatini xa kugumesa.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Danieli 4:8

Hi kugumesa ku lota mahlweni ka mina Danieli, a vitwako Beltexazzare, gi nga vito ga nungungulu wa mina, loyi a moya wa vanungungulu va basileko wu nga ka yena. Nzi lo hlawutela a noro, nziku:

Danieli 5:12

A hosi yi lo mu chula a vito ga Beltaxazzare, hakuva Danieli i wa hi ni moya wu nene, ni wutivi, ni kupimisisa, ni ntamu wa ku tlhamusela miloro ni mifihlakalo, ni ku tlhamusela a timhaka to nonoha. Makunu vitanisa Danieli, i ta ta ku tlhamusela.

Danieli 5:17

Danieli a hlamula aku ka hosi: Tshama ni zinyikiwo za wena, u nyika michachazelo ya wena ka munwani. Hambulezo, nzi ta gonzela hosi a mutsalo, nzi mu tivisa a tlhamuselo wa wona.

Danieli 6:28

Zinghaho Danieli i lo vuvuma a kufumeni ka Dariusi ni kufumeni ka Kurusi a muPersia.

Danieli 8:16

Nzi lozwa a gezu na gi humela laha Congweni wa Ulai, na gi vitana, giku: Gabrieli, tlhamusela inaloyi a muwoniso lowu a wu wonileko.

Danieli 8:26

A muwoniso lowu wu wulilweko wa mixo ni gambo ngwa lisine; kanilezi wu hlayise, hakuva ngwa masiku ma ha tako.

Luka 1:20

Languta, u tava mbeveve u nga zi koti ku wulawula, ku kala ku chikela a siku lego lezi zi ta nga maheka ha gona, hakuva a ku kholwangi hi timhaka ta mina, leti ti ta nga tatiseka xikhatini xa tona.

Kuvululelwa 19:9

Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16