Danieli 1:8 - Tshwa Bible

⁸ Danieli i lo funga mbilwini yakwe lezaku a nga ta ti nyenyezisa hi zakuga za hosi, hambu hi vinya legi yi nwako gona. Hikwalaho i lo kombela ka nduna ya mithenwa lezaku a nga kurumetwi ku ti nyenyezisa.

Danieli 1:8 交叉參考

1 Tihosi 5:5

Makunu languta, mina nzi lava ku akela a vito ga Jehova Nungungulu wa mina a yindlu, khwatsi hi lezi Jehova a wulileko ka dadani wa mina Davida, aku: A nʼwana wa wena loyi nzi ta nga mu yimisa xitshanwini xa wena xa wukosi, hi yena a ta nga akela a vito ga mina a yindlu.

Tisimu 106:28

Va lo namarela ka Baal-Peor, Vaga miphahlo ya vafileko. Mitse. 25:2

Tisimu 119:106

Nzi hlambanyile, nza zi tiyisa Lezaku nzi ta hlayisa a zilayelo za wena zi lulamileko.

Tisimu 119:115

Sukani ka mina, nwina vobiha, A kuva nzi hlayisa a zileletelo za Nungungulu wa mina.

Tisimu 141:4

U nga kuceteli mbilu ya mina kubiheni, Yi maha mitiro yo biha zinwe ni vamahi va kubiha, Nzi ngagi hi malongo yabye.

Mavingu 23:3

U nga naveli kuga kakwe ko nanziha, akuva zakuga za kukhohlisa.

Danieli 1:5

A hosi yi lo leletela lezaku siku ni siku va nyikiwa a zakuga za hosi ni vinya legi a nwako yena; va wundliswa lezo xipimo xa malembe manharu, kasi loku ma mbhelile malembe lawo va ta zi tiva ku tirela hosi.

Danieli 5:4

Va lonwa vinya va dumisa a vanungungulu va nzalama, ni va siliva, ni va suku, ni va xiketse, ni va tisinya, ni va maribye.

Mitiro 11:23

Laha a nga wa chikele kona, a wona lezi zi mahilweko hi tipswalo ta Nungungulu, i lo tsaka; a va khongotela vontlhe lezaku ngha va namarela ka Hosi hi kutiyisa ka mbilu.

Mitiro 15:20

kanilezi va tsaleliwa lezaku va tsika a manyala ya zifananiso, ni kubhaya, ni lezi zi fileko hi ku tlimbiwa, ni nkhata. Gen. 35:2; Ekso. 20:3; 1 Kor. 6:9; Levi 3:17; 1 Ped. 4:3

1 Va le Korinte 7:37

Kanilezi loyi a tiyisileko a mbilwini yakwe, na a nga kurumetwi hi nchumu, kanilezi a hi ni ntamu ku maha kuranza kakwe, loku a pimile mbilwini yakwe a ku hlayisa a nʼwana wakwe wa xisati le kabye, i maha khwatsi.

2 Va le Korinte 9:7

A munwe ni munwani a nyike kota lezi a xuvako mbilwini yakwe; na a nga karateki, kutani ku kurumetwa; hakuva Nungungulu wa ranza loyi a nyikako na a xalele. Ekso. 25:2; 35:5; Deut. 15:7; Rom. 12:8

Deuteronome 32:38

Va kwihi a vanungungulu lava va ngaga mafura ya miphahlo yabye, Lava va nganwa a vinya ga minyikelo yabye? A va suke va mu hlanguta, A va mu vikele! Vala. 10:14