SAN MATEO 5:44 - Tepehua Pisaflores

⁴⁴ Pero kit'in klajunaw: K'ajamap'aynit'iti masi yu jantu tala'ts'imputunan, [uxitnan oxi kajaxa'alat'it an yu wa xkayaj tajunan, oxi k'ajala'ts'int'it an yu wa taxkayan] chi k'ajalhit'ap'aynit'iti an yu wa talhitama'chapuyan,

SAN MATEO 5:44 交叉參考

SAN LUCAS 23:34

An Jesús nawlh: ―KimPay, k'ajamala'mixinin, mu wa jantu tak'atsay tuchini ta'ilhtuycha. Chi talamala'pitsilhcha an ixla'ch'it an Jesús, wa ta'amanalh suerte.

SAN JUAN 13:34

Iklaxta'niyaw ani sast'i lhamap'a'sin: Li k'alamap'aynip'axat'it. Tacha kit'in iklamapayniyaw.

LOS HECHOS 16:28

Pero an Pablo p'asi xa'alalh, juniy: ―¡Jant'u t'ani k'a'ilht'uk'a, mu iktanuma'ojo!

LOS HECHOS 7:60

Chi istso'ottayka, p'asi chiwinilh najun: ―Jamach'alhkat, jant'u k'ajalhak'ap'up'ininini ani tala'alhin. Akxni chunchacha nawlh, nilhcha.

ROMANOS 12:14

K'ask'init'iti an Dios li oxi katatawilh an yu wa talhitama'chapuyan. K'ajalhisk'int'iti li oxi katatawilh chi jantu kajaxta'nikalhi tanlhun la'lhima'alh'ajna yu jantu oxi.

1 TESALONICENSES 5:15

K'alhak'ap'up'it'iti li jantu xamati'ini wa katalamapusp'itnicho'olhcha lhi'ay junita, yu si laj'oxi tanlhuni k'ala'ilht'unit uxitnan, chi jantu wa siya uxitnancha, ta lhichuxi oxi k'aja'ilht'unit tu'u'.

1 PEDRO 2:23

Akxni xkayaj ixtajuniy, yucha jantu xkayaj ixja'alhtajiy. Akxni ixtamama'alh'ajniy, yucha jantu tu'u ixjapume'e'sway, yucha, yucha an Diosi ixmakawni'ojoy, mu yucha oxi lats'awalay an tanlhun.

1 PEDRO 3:9

Li xamati ta'ilhtuniyan yu jantu oxi tu'u, uxitnan jant'uch'a ch'uni k'a'ilht'ut. Chi li xamati tamamaxaniyan, uxitnan t'uch'a k'amamaxanit. Uxitnan yu oxi tu'u k'amap'usp'itt'it, mu an Dios tat'asanin li k'ala'a'it yu oxi tu'u'.