SAN MATEO 26:45 - Tepehua Pisaflores

⁴⁵ Wa chuncha jala'cha'ampalh an ixt'alhtanan, jajuniy: ―¿Jast'aknant'awnatka ch'i laklht'at'ayatka'? Chilhcha panch'e'ex, an isTs'alh Lapanak kama'axta'kanacha la ixmakak'an an la'ma'lhta'alhinin.

SAN MATEO 26:45 交叉參考

SAN MATEO 26:18

Yucha jajuniy: ―K'ala'p'inchi'it tichi lapanak an la'acha'an, k'a'una'it: An Maestro najun: “Waniycha kimpanch'e'ex, an la mincha'a akmak'ataniya an paxku ali an kint'alhtanan.”

SAN MATEO 26:2

―K'ats'ayatcha li wa la'at'uycha wilhchani ts'an'ay ixk'atan paxku, an isTs'alh Lapanak kama'axta'kanacha para li katamakxtukmuk'alhcha laka Cruz.

SAN MATEO 26:44

Pus jamakawlh, a'tam ampalh, ixlipu'a't'utucha alh tapaynini'. Wanajcha yu chiwinti nawpalh.

SAN MATEO 26:46

K'alaj'ost'ayatcha, ka'awcha, jo', mintacha an yu akima'axt'a'a'.

SAN MARCOS 14:35

Lanancha ma'ati alh, lilijcha tatso'ottalh chi tamuntitachalhcha, tsukulhcha tapayniy, najun li sna ma layi kamala'pusunikalh an makxkay panch'e'ex yu ixmininita akxni.

SAN LUCAS 22:53

Pero mu lhilhiji xaklapaxt'o'aw an laka tajtan, walh chi akxni jantu kilach'apayajuw. Pero chaway chilhcha mimpanch'e'exk'an para li k'a'ilht'ut'it, chi yucha an jatats'isnicha ch'alhkatnan.

SAN JUAN 12:23

An Jesús jajuniy: ―Chilhcha panch'e'ex li an yu isTs'alh Lapanak kijunchilh kala'ayakanacha.

SAN JUAN 12:27

’Chaway wanaj jantu k'is oxi ijk'atsan la kintak'atsan. ¿Chi tasicha aknawna'a? ¿Aknawna: “KimPay ak'ima'osunini ani tacha ijk'atsan, aknawna'”? ¡Kit'in yuchacha ikla'minta ani!

SAN JUAN 13:1

Akxni jantuka' ixchin ixk'atan Paxku, an Jesús ixk'atsaycha li chilhcha ixpanch'e'ex para li ani lakamunulhpa tan ixt'ajun kala'ancho'oyacha an ixPay, chi mu ixjamapayniya an yu ixtat'alhtanan ani lakamunulhpa, sta wa nilhcha jamapaynilh.

SAN JUAN 17:1

Akxni chunchacha chiwin'olh an Jesús, tala'st'alhcha an lakt'iyan, najun: ―KimPay, an panch'e'ex chilhcha. K'amasut'icha aminTs'alh li ay, para li aminTs'alh wachucha kamasuni li ayk'at'i.