SAN JUAN 11:54 - Tepehua Pisaflores

⁵⁴ Xliyu an Jesús jantucha ixjatalakasuniya an judiojnin, taxtulhcha an xalakaat'un Judea, alhcha tanchun la'acha'an junkan Efraín, waniy tan wa jaxixnintacha. Anchacha jat'atamakawlh an ixt'alhtanan.

SAN JUAN 11:54 交叉參考

SAN JUAN 10:40

Ampalhcha ixtapiktutam an ayxkan tan junkan Jordán, tan ixlip'ulhnaj ixjama'paxanan an Juan, anchacha tamakawchalh.

SAN JUAN 18:20

An Jesús alhtaylh juniy: ―Kit'in chux lakamunulhpa ixlitalakasuni xajkaxa'alay. Jantu tu'u yu wa la'asa'nik'acha akchiwinilh, o'sliyan li tan pulakchiwin ch'a'a chi laka laktajtani xakmasuy, tan tata'ayxto'ojoy an judiojnin.

SAN JUAN 7:1

Ixli'astan an Jesús, xalakaat'un Galileajcha ixt'awnachalh, mu jantu ixtawlhputuni xalakaat'un Judea, wa xliyu an judiojnin wa ixtama'niputun.

SAN JUAN 7:10

Pero ixli'astan akxni ta'alhcha an ixjat'ala'awnin, wachucha alhi an laka k'atan, wa la'asa', jantu xamati mak'atsaanilh.

SAN JUAN 7:13

Pero masi chunchacha, jantu xamati ts'awj ixlichiwiniy an Jesús, mu ixjatalhamnikani an judiojnin.

SAN JUAN 7:4

Mu jantu xamati lapanaki li yu lakask'in li kamispakalh, tan wa la'asa'nik'acha kalak'ilhtulh tu'u'. Li lak'ilht'uycha ani tanlhun, k'alak'ilht'ucha tan ixlitalakasun.