SAN JUAN 1:30 - Tepehua Pisaflores

³⁰ Yucha an yu ijkuniy akxni iknajun: “Ixli'astan kit'in, kamina pumatam lapanak yu palay lhitapalay, mu yucha p'ulhnajcha ixt'ajun.”

SAN JUAN 1:30 交叉參考

SAN MATEO 3:11

Kit'in sawalh, wa laka xkani ijkama'paxay yu jantucha ali katita'ilhtulh ixtala'alhink'an, pero an yu astan mintachalh yucha palay ay, kit'in jantu, yucha kajama'paxanana la ixTakuwin Dios chi laka jikmi, yucha jantu ikt'acha'ani masi wa aklakch'apalhi'anilhcha ixwarachi.

SAN LUCAS 3:16

Pero an Juan jajuniy: ―Kit'in wa laka xkani klama'paxayaw, pero kamina pumatam yu palay ay, kit'in jantu, yucha katama'paxayan la ixTakuwin an Dios chi laka jikmi, yucha jantu ikt'acha'ani masi wa ak'o'x'otnilhcha ixwarachi.

SAN JUAN 1:15

An Juan lhichiwinilh ixnajun: ―Yucha aniya an yu xaklalhixa'alayaw, akxni xaklajunaw: “Yu aminta ixli'astan palay lhitapalay, mu yucha o'sliyancha ixt'ajun, kit'in astani ikt'ajun.”

SAN JUAN 1:27

Yucha yu kamina ixli'astan, yucha masi wa ak'o'x'otnilhcha ixwarachi jantu ikt'acha'an.

SAN JUAN 1:31

Kit'in wachu jantu xakmispay, pero para li katamispalhi an jamacha'an Israel, xliyu kit'in xajkama'paxanancha lakaxkan.

SAN JUAN 10:41

Ixluwk'ani ixtala'cha'an, chi ixtanajun: ―Chun sawalh, masi an Juan jantu tu'u masulh yu la'lhi'a'nin, pero tacha an lhichiwinilh ani lapanak chun sawalh.