22 Wa chuncha, tajuniy: ―¿Pus tisu uxint'icha? Mu ajkamak'atsaaniyawi tichini uxint'icha an yu kintamala'achatacha'an. ¿Tisu uxint'icha kilajunawi?
Pus talhisakmiy tajuniy: ―¿Pus tisu uxint'icha? ¿Uxint'i Elías? Yucha najun: ―Jantu, jantu kit'ini Elías. ―¿Uxint'i yu lhich'iwiniy ixchiwinti Dios? Yucha ja'alhtaypalh: ―Jantu.
An Juan ja'alhtaylh: ―Kit'ini an chiwinti an yu ixchiwiniy p'as an tan wa sa' junita, tan ixnajun: “K'alats'awalat'iti an ixtij an Jamach'alhkat Cristo.” Tacha an nawlh Isaías, yu ixlichiwiniy ixchiwinti Dios.
