3 Chi li ijkamala'pitsiniya an jakilhpatinin chux yu iklhit'ajun para li ka'alilhi yu kata'ulh chi li akma'axta'lhi an kilakatunaj para li kala'xawakalh, pero li jantu iklhit'ajuni jamapayninti, jantu tu'u kilhitapalhni.
Chux an yu ta'ilhtuy yu'uncha ma wa kajapula'ts'inkalhcha. Palaycha laj'o'xapa'ay jaxt'a'ani talakma'stumpatawk'ay, yu puwilh ixchiwinti Dios, chi an ixla'la'ch'itk'an la'lhmancha palayi lachaj talakstamuk'ay jaxpatanti hilo yu lajk'usi.
An Jesús mu alha'asmat'acha, juniy: ―Ts'an'aniyanka la'atami yu k'a'ilht'u: K'ast'a'o chux an yu lhit'a'un chi k'ajaxt'a'nincha an jakilhpatinin. Ch'unch'a k'alhits'uk'uya'acha laj'oxi mintanlhun an lakt'iyan. Chi k'at'ana'acha, ak'inch'a'o'aya'acha.
Wa chuncha an Zaqueo tayalh, chi juniy an Jamach'alhkat Jesús: ―Jamach'alhkat, an paytat kintanlhun ajkaxta'niyacha an jakilhpatinin, chi li xamati tu'u ik'o'xcho'ota, a't'at'i akmapusp'itnicho'oya'.
Pero an Pablo kinta'alhtajin: ―¿Tasu li laj'alhunatcha, chi kilama'anta'oxila'alhiniyawcha? Kit'in iktapujuyi masi li akinch'i'ulakalh u masi sta akima'nikalh an Jerusalén, ixlakata an Jamach'alhkat Jesús.
Jant'u t'u'u k'a'ilht'ut yu wa k'ap'ulaxt'uk'utcha u wa k'ap'u'ayajk'ats'atcha. An tanlhun k'a'ilht'ut laka jakilhpatinijk'atsat, chi atamjtamin uxitnan an ali'in k'ajala'ts'int'it tachanu palay talhitapalay.
Mu masi lhitapalaycha lanani li lay ilhtukan tachapun kilakatunajk'an, li p'as ch'a'o'akan an Dios, yucha para chux tanlhuni lhitapalay, mu yucha kintajunani li kalhitsukuyawi jatsukunti yu chaway chi yu mimpalhtachalh.
Jant'u k'ak'iklak'a'it'iti wa tanlhuncha tipaspit lhamap'a'sin yu jantu lhitala'si. Palay oxi li an kijalhunutk'an k'ut'ilhi kawalh la ixjamapayninti an Dios, walh jantu li wa xalhamap'a'sincha wayt, mu yu yucha xalhamap'a'sin jantu a'tam tu'u lhitapalay.
