Tuma 1:7 - Tampulma

⁷ Yesu fun ŋɔ ba, “Mu nyana duŋduŋ zim saha naa kin na zi ya. O wa ya di ma nisa nyɛn dooni.

Tuma 1:7 交叉參考

Mat. 24:36

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Maak 13:32

“Nandigi wa zim saha naa n waa nibine be waali ti wuzu. Hali mu wa Koosa malaikasi ta gbanko wa zim. Mu kunyana Koosa duŋduŋ zimɛɛ.

Maak 10:40

Amaa mu mun nindil nikani awa mu mun ningal nikani, Koosa piin lisi ba a chiŋsiu, chen ni ba zi wa kani dooniu. N waa laata dɔ ba lisi.”

Ɛfɛ. 1:10

Saha naa o fun lisi chen wa tel, o zi lagmi kin nawara maga o fun a naamiu, buudaha kina awa tɛɛnɛ nɔ maga kina, a nyɛ Yesu Kristo di a maga koora.

Luk 21:24

Ba nidamata zi wa sitiu a li yo ti ni. Ba zi wa kpaksi ba bɔnɛu kpok ni a kaali bar boli pulumsa. Ba naa vɛ zim Koosa zi wa chɔk Jɛrusalɛmu a kpalimi dooni hali Koosa wa ŋɔ di ba li.”

2 Tim. 3:1

Kinu mu sɛma. Tɛɛnɛ nɔ maga saha wa dugli o peti, o zi wa bɔmu kinkan nara wati.

1 Tim. 6:15

Koosa naa zenee a dɔ kina maga a ya koorsa maga kaŋkoora, waa la zi tum un saha naa o daŋni.

Tuma 17:26

Koosa funɛ te naami nibaal bɛgimnɛ. O tuhu nɛɛ nibinsa maga li a purigi a pisi a su tɛɛnɛ nɔ maga. O fun te lisi ba bar nyɛni wɛ awa saha naa ba zi li dooni a zi naami ba.

Mat. 20:23

Yesu fun ŋɔ ba, “Wutirɛ namsi naa mu kaa wa namsi chen, ma gbanko zi wa namsi chenu. Amaa mu mun nindil nikani awa mu mun ningal nikani, Koosa piin yisi ba a chiŋsiu, chen ni ba zi wa kani dooniu. N waa laata dɔ ba lisi.”