Tait. 2:2 - Tampulma

² Kibiksi nibaal hɛɛta di ba ta nyɔ sin aa dɛɛsi. O lawa ba ya nɛha timau awa bambe tima, chen ni nara zi nyɛ ba jirimau. Kibiksi ba di ba se su Yesu kinkan a kidaŋni nara maga a kidi ba namsi.

Tait. 2:2 交叉參考

Maak 5:15

Ba fun wa na baal naa alizin tagna kinkan fun kani un ni chen laari gar a kani Yesu wati. O wa fun bu a zu galɛŋa. Hansura fun kpak ba.

Luk 8:35

Tɔhɔn ti tima fun li a wa Yesu wati di ba la na kin naa yɛɛ. Ba fun wa na baal naa alizin tagna kinkan fun kani un ni chen laari gar a kani Yesu suwachak ni. O wa fun bu a zu galɛŋa. Hansura fun kpak ba.

Tuma 24:25

Pɔɔl fun ŋɔ ba chenani ba naa se su Yesu fun kpaŋi ba titi di ba tum tum were a nyɛ un a ya bambe tima. O gbanko funɛ ŋɔ bau chenani Koosa zi wa di tɛɛnɛ nɔ tim maga sɛriau wuzu digi. Pɔɔl sɛm ta fun nyɛ hansura kpak Filiks ka o ŋɔ un, “O magu. Kila. Mu wa na nyinbaan, mu zi yir hinu i wa sɛm ya gbaari.”

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

1 Kɔr. 15:34

Ma bur wa ma nɛha ni a gil ma tum tagna. Ma bɔnɛ wa fun zim Koosa nɛnɛ. O wa kpak ma hiisaa?

1 Kɔr. 9:25

Nar la buksi chɔchɔha, o yaa kpak o titirɛ a li kina maga ni. O yaa chɔu di o la di nyuchik naa ba yaa kpa a chik o nyuha. Nara yaa chɔu a la di ba la di papaha. Chen papaha ti wara vusi a la chɔk, amaa ya waa chɔu di ya la di papaha naa la zi vɛ wa chɔki.

2 Kɔr. 5:13

Ya la sɛm nan, ma bɔnɛ baa di yaa zu galɛŋwaa? Ya zuɛɛ, ya daŋni ya nyɛ Koosa wa jirimarɛ daha. Ma bɔnɛ baa di ya kpak alaafɛuu? Ya kpakɛɛ, o ya ma daharɛ.

Gal. 5:23

a ya jɛrgɛ tima, aa ya bambe tima. Ma nyɛ o suŋi ma di ma nyɛn nan, nandigi wa fun sɔbi chiksɛ di ma gil tum were na maga.

Filip. Tima 4:8

Mu niinbisa, ma nyɛ mu lagmi a nama maga a ŋɔ ma. Ma yaa lisi kin naa ya wuti a kpak jirima a deŋli a chaani a wer. Kin nawara nara pɛgi, maa lisi a wɛ.

1 Tɛs. 5:6

O wa werwa ya chɔ do a chi ba naa vɛ zim Yesu la chɔ do chen. Ma nyɛ ya si a si chiŋi a ta zɔɔli a chi ba naa nyɔ sin aa dɛɛsi.

1 Tɛs. 5:8

Ya chi fitin tima, ma ta nyɛ ya dɛɛsi chen. Ma nyɛ ya se suuli a kidaŋni nara a kpak bambi bɛgim di Koosa zi yisi yau a li ya tum tagna ni hali a wa peti. Ya ya chen ni, sintana wa zi nyaŋi ya.

1 Tim. 1:10

a la tum chɔkumsi tuma a daŋni ba wa ba dɔŋtima nibaala kichɔ, a kpaksi nara a la yogli a la sɛm nusun sɛma a la chɔk nara sɔna a la tum tum naa vɛ tiŋ wuti nyinbaan biksi ti.

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

1 Tim. 1:5

Mu ŋɔ hin nannɛ, chen ni ya tusa zi chaaniu ka ya kpak tuha bɛgim wa Koosa ni ka ya se su un wuti ya daŋni nara maga.

1 Tim. 3:11

Nisuŋi naa ya nihaan, o lawa o kpak nara jirimau a kpak o titi nɛnɛ a ya wuti tiina a li kina maga ni. O ta lɔ nara gantɛl.

1 Tim. 3:2

O lawa o kpak sɔn weriu nara wati a kpak nihaan bɛgim duŋduŋ a kpak o titi nɛnɛ a ya bambi tiina a tiŋ nɛnɛ a la hɔɔra a du o dam ni a koti aa biksi nara.

1 Tim. 3:4

a koti a nyini o walɛ nɛnɛ a nyɛ o bisa tiŋ o nɔ aa nyɛ un jirima.

1 Tim. 3:8

O lawa Yesu nitiŋɛ nisuŋɛ kpak nara jirimau a tum ba tuma a li ba bambe ni. Ba gbanko ta nyɔ sin a dɛɛsi a kidaŋni ba ya malɛ tima.

1 Tim. 5:1

Ta zulimi nihɛɛ, amaa sumi un a chi o ya i nyana. Kisɛm sɛma bunɔɔna wati a chi ba ya i niinbisa,

Tait. 1:13

O sɛm ta ya wutirɛ. I lawa i burgi Yesu nitiŋɛ ta nyuunau wa kpok ni, chen ni ba zi kpak Koosa wuti tiu nɛnɛ.

Tait. 1:8

O lawa o la nara a du o dam niu aa kidaŋni o tum tum were saha maga. O lawa o ya nɛha tiinau a ya nibin weri naa tiŋ Koosa nɛnɛ a ya bambi tiina.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

Faili. 1:9

Muu daŋni hinu. Chendaha mu sumi hin di i suŋi min. Kilisi di mu ya nibaalhɛɛrɛ ka ba fun kpa min la tɔ dɛ domi mu ya Yesu Kristo sɛhɛra tiinnɛ.

1 Pita 1:13

Adaha ma saksi chenani ma lisi a ya bambe tima a kpak bambi bɛgim a li chenani Koosa zi wa suŋi ma. O be Yesu Kristo wa bur wa nara suwachak ni, Koosa zi ya chenu.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.

1 Pita 5:8

Ma dɔm sintana chi gbogumta naa la gba a la wire. O yaa dɛu nandigirɛ di o kpak a se. Chendaha ma ya bambi tima a kidoso aa il.

2 Pita 1:6

a ya bambe tima a kidi ma namsi, a tiŋ un nɛnɛ,