Tait. 1:4 - Tampulma

⁴ Min la sɔbi tɔn nɔ a nyɛ mu be Taitus naa si funɛ su Koosa wuti ti a li mu biksi ni. I wa min la tiŋ Koosa nyinbaan. Ya kunyan Koosa awa Yesu Kristo naa funɛ yisi ya a li ya tum tagna ni, zi suŋi hinu a nyɛ hin bara sɔɔna.

Tait. 1:4 交叉參考

Luk 2:11

Dusum nɔwa ba lul bichɛla a li Devid tɔha Bɛtlihɛm ni. Waa la zi wa yisi ma a li ma tum tagna ni maa tiŋ Koosa. Waa ya ya kunyan Kristo.

Jɔn 4:42

Ba fun ŋɔ haan ti ni, “Ya se su un o biksi ti daha. A wa su un chenani i fun ŋɔ ya chen duŋduŋ daharɛ. Ya zimu di wutirɛ Koosa fun tum un di o wa yisi tɛɛnɛ nɔ maga nara tum tagna a li ba.”

Room 1:12

Chen yaali ni, ya maga zi kotiu a suŋi dɔŋa. Chenani mu se su Koosa zi kpami mau. Chenani ma gbanko se su un zi kpami minu.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

2 Kɔr. 12:18

Mu funɛ sumi Taitusu di o la ma wati. O fun la nɔɔni, mu fun tum o wa ya niinbe digi ma wati. Taitus funɛ di mauu? Ma wa zim di chenani mu wa Taitus bambe lisi awa chenani yaa tum, ya kibɛgimnɛɛ?

2 Kɔr. 2:13

Amaa o funɛ muksi minu kinkan mu vɛ koti a dɛu Taitus dooni. Chendaha mu vɛ nyɛn Troas tima wati a vusi a kaali Masɛdonia pulum.

2 Kɔr. 4:13

Ba funɛ sɔbiu a li Koosa sɛm tɔn ti ni a ŋɔ, “Min funɛ ŋɔ Koosa ni domi mu si su un.” O siim weri ti funɛ nyɛ ya se su un, chen ni ya zi biksi narau o wɛ.

2 Kɔr. 7:6

amaa Koosa naa la belimi ninamsɛ chen, waa funɛ tum Taitus di o wa kpami ya.

2 Kɔr. 8:16

Ya pɛgi Koosau di Taitus fun kpak un o bambi ni a suŋi ma a chi chenani ya kpak un a li ya bambe ni nan.

2 Kɔr. 8:23

Nandigi wa pɛɛsi ma nara nama wɛ, ŋɔ ba di mu wa Taitus la tum tum bɛgim. Ma bu ŋɔ ba di Yesu nitiŋɛ ba naa nyɛn bar kurgɛ ni, funɛ lisi nara balɛ ta di ba wa chiŋi ba bar chiŋɛ ni. Ba tuma la nyɛ Yesu Kristo wa jirima kinkan.

2 Kɔr. 8:6

Chendaha yaa sumi Taitus naa piin piili di o la ma papaha ti, di o suŋi ma a kpa o maga a nyɛ un. Mu zimu di maa ya nannɛ, domi maa daŋni ma suŋi ma dɔŋtimwa kinkan.

Gal. 2:3

Taitus naa funɛ nyɛn mu wati, funɛ ya Girik timwa, amaa ba wa fun muksi un di ba teŋ un.

Gal. 3:26

Chenani ma se su Yesu Kristo nyɛ ma ya Koosa bisa.

Gal. 3:28

Ma naa ya Ju tima awa ma naa vɛ ya Ju tima, ma naa ya yosa awa ma naa vɛ ya yosa, ma nibaala awa ma nihaana, ma maga ya nibɛgimnɛ, domi ma wa Yesu Kristo ya nibɛgimnɛ.

Ɛfɛ. 1:2

Ya kunyan Koosa awa ya kunyan Yesu Kristo kisuŋi ma aa kinyɛ ma bara sɔɔna.

Kɔl. 1:2

Mu wa ya niinbe, Timoti, zaami ya dɔŋtima ma naa ya Koosa nara a li Kɔlɔsɛ ni aa tiŋ Kristo nɛnɛ. Ya kunyan Koosa kisuŋi ma a kinyɛ ma bara sɔɔna.

1 Tim. 1:12

Mu zaami ya kunyan Yesu Kristo, domi o funɛ lisi minu di mu ya o tumtumna a kpa o kpok ti a nyɛ min di muu tum o tuma.

2 Tim. 1:1

Mu waa, Pɔɔl, naa Koosa fun lisi di mu ya Yesu Kristo nitumi a tum di mu la ŋɔ nara ni o miisa naa o piin kpa nyɛ ya wɛ, domi ya wa Yesu Kristo ya nibɛgimnɛ.

2 Tim. 1:2

Mu la sɔbi tɔn nɔ a nyɛ mu be daŋni Timoti naa si funɛ su Yesu a li mu biksi ni. Ya kunyana Koosa awa ya kunyan Yesu Kristo suŋi hin a kpak hin siki aa nyɛ hin bara sɔɔna.

2 Tim. 4:10

Dimas naa la daŋni tɛɛnɛ nɔ maga kina, funɛ gil minu a kaali Tɛsalɔnika. Krɛsɛns funɛ a gbau a kaali Galesia pulum. Taitus ka kaali Dalmesia pulum.

Tait. 1:3

O biksi ti funɛ sogliu. Saha naa o fun lisi, Koosa fun kpa un a li gbampulim a nyɛ o ya o laaboor weri ti. Koosa naa la yisi nara a li ba tum tagna ni, o funɛ kpa unu a du min di mu biksi nara o wɛ.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

2 Pita 1:11

ka ya kunyan Yesu Kristo zi la ma du koor naa nyɛnɛɛ hali saha naa vɛ kpak bɔ, ni. Waa funɛ yisi ma a li ma tum tagna ni maa tiŋ un.

2 Pita 2:20

Nara wa zim ya kunyan Yesu Kristo a nyɛ o yisi ba a li tɛɛnɛ nɔ tim maga tiŋi ni ka ba burgi a zu tɛɛnɛ nɔ tim tum tagna ni a nyaŋi ba, chenani ba nyɛn taginɛɛ a kaali chenani ba fun nyɛn.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

2 Pita 3:2

Mu daŋni maa lisi sɛm naa Koosa witinsi ta fun sɛm saha digi wɛwa awa chenani ya kunyana naa funɛ yisi ya a li ya tum tagna ni yaa tiŋ un, fun a biksi o nitumɛ. Ba fun kpa chenani ba nu a wa biksi ma.

1 Jɔn 5:14

Ya kpak bambe kpok di ya sumi un kin naa nyɛ o tuha sɔɔni, o zi nu ya watiu.

Juud 1:3

Mu bi daŋnɛ, mu funɛ daŋni mu sɔbi a sɛm ma chenani Koosa fun a yisi ma awa ya a li ya tum tagna ni yaa tiŋ un. Lalaknɔ o lawa mu sɔbiu a kpami ma ma kpak laaboor weri naa ya fun biksi ma Koosa wɛ chen nɛnɛ. Waa funɛ kpa o wuti nɔ a nyɛ o nara ni bu bɛgim.