JɔnN Deesi 3:3 - Tampulma

³ Ma lisi chenani ma fun te nu Koosa laaboor weri ti a nyɛ ma se su un. Ma kpak un nɛnɛ a gil chenani ma vɛ tiŋ min nɛnɛ. Ma vɛ si chiŋi a kpak si sɛm a tiŋ min nɛnɛ, mu zi wa wa ma watiu ka ma vɛ zim mu wɛ. Mu waali ti zi chi chenani ŋmɛɛr ya wa ŋmɛ kina chen.

JɔnN Deesi 3:3 交叉參考

Mat. 25:13

Yesu funɛ sɛm peti, o fun ŋɔ o gantɛl tiŋsi ta ni, “Maa saksi. Ma wa zim saha naa mu kaa bur wa.”

Maak 13:33

Ma il a kisaksi ma kina, chen ni o wa zi wa jɛri ma. Ma wa zim saha naa chen zi wa ya.

Maak 13:36

Maa il nɛnɛ, chen ni ma kunyan ti wa zi wa wa ka ma chɔ do.

1 Tɛs. 5:2

Ma titi yaa zim di a wuzu naa ya kunyan ti kaa wa bur wa, o waa chi chenani ŋmɛɛr yaa wa dusum chene.

1 Tim. 6:20

Timoti, kiil kin tima mu fun kpa a du i nin ni chen. Ta lagmi ba naa la sɛm di ba biksi nara chenani ba zi wa zim Koosa. Ba biksi ti ya yɔrirɛ. Saha maga nara nama di ba titi womsi amɔrɛrɛ a la sɛm sɛm tagna.

2 Tim. 1:13

I funɛ nyɛn mu wati, mu fun a biksi hin Koosa wuti wɛ di ii tiŋ un. Lalaknɔ kpak mu wuti biksi nɔ nɛnɛ. Nyɛ i si yaa su Yesu Kristo aa kidaŋni nara nɛnɛ, domi o wa ya ya nibɛgimnɛ.

Ju 2:1

Chendaha o lawa ya kpaku nɛnɛ a li wuti biksi naa ya fun a nu a gbaari ni. Ya ya chen, ya wa zi a bur Koosa wuti nyinbaan ti ni.

2 Pita 1:13

Amaa mu ha vɛɛn nyɛn bar nɔ nan, o deŋlu di mu sɔbi tɔn nɔ a nyɛ ma, chen ni ma zi bukoo kilisi a wɛu.

2 Pita 3:1

Mu bi daŋnɛ, nɔnɔ ya tɔn bilɛ tiina mu sɔbi a nyɛ ma. Tɔna lɛ na tuha, mu daŋni maa lisi tu chaan kina wɛwa.

2 Pita 3:10

Ya kunyan ti wa wa, o kaa wa chi chenani ŋmɛɛr ya wa chene. Chen wuzu ti wa tel, o zi jimu a chi dinful. Buudaha zi wa nyigmiu ka din wa di tɛɛnɛ maga.

JɔnN Deesi 16:15

Maa nu chenani ya kunyana ŋɔ ma. O ŋɔ, “Mu zi bur wau ka ma vɛ zim mu wɛ a chi ŋmɛɛr. Chenani Koosa bu vɛ na ma galimsa chi ma gatiwa. Ma doso a kilaari a saha maga, chen ni mu wa wa, ma wa zi kpak bar kpal a chiŋi ma na hiisa nara suwachak ni.”

JɔnN Deesi 2:5

Ma lisi chenani o fun te du a bur kuwa mu wati. Ma vɛ di ma wa zi bur wa, mu zi bur wa ma watiu lalaga a wa zer ma fitin bar chiŋsi a chɔk un.

JɔnN Deesi 22:7

Yesu ŋɔ ma, “Ma nu mu sɛm na. O wa zi vusi ka mu bur wa. Ba naa maga se su chenani mu sɔbi a li tɔn nɔ ni, ba tusa zi sɔɔni.”

JɔnN Deesi 3:11

Mu zi bur wau lalaga. Ma kpak chenani ma tiŋ min nɛnɛ, chen ni nandigi wa zi lisi Koosa mi fali naa mu zi kpa a nyɛ ma, a li ma ni.

JɔnN Deesi 3:19

Mu zulimi ba naa maga mu daŋni a biksi ba ba tum tagna. Ma gil chenani ma funɛ tum a kpak si sɛm awa mu tiŋi ni.

JɔnN Deesi 3:2

Ma kaa tiŋ chen, o wa zi vusi ka ma bur mu tiŋi ni. Ma si chiŋi a kpak si sɛm a tiŋ nɛnɛ, chen ni ma zi peti tum naa Koosa fun kpa nyɛ ma di ma tumu.