3 Koosa siim weri ti fun nyɛ malaika ti zer min a la nyabaan. Sel zen sɛm naa funɛ kpak nyuuna nɔpɛ awa nyindaasa fi funɛ nyɛn dooni. Ba fun sɔbi sɛm nawara la pini Koosa zoma kidamata a du un ni ka sakaal tiin ti fun zini un.
Ba funɛ wa li ni ti ni, ya kunyana Koosa siim weri ti fun vaan zer Filip a kaali, chen ni baal ti wa zi bu na un. Baal ti fun bu zu o loori munzuha ti a la wa tu sɔɔn kinkan ni.
Tum tagna tiin nɔ zi wa ŋɔu di kinkin naa nibinsa jɛɛmi ya yɔrirɛ, a ŋɔ di o ya nibin zenne a kaali ba maga. Hali o zi la zu Koosa bar jɛɛmi damau a kani a ŋɔ di o ya Koosarɛ.
Ba fun kpa tiisi zen chɛnɛ lɛ a nyɛ haan ti ni di o za a la nyabaan ti, chen ni ba zi nyini un dooni a kok un a li sel ta ni bunsa tora awa pɛnsa nɔra.
Dana zen digi funɛ gbaari un ni a li buudaha ni. Sel zen sɛm funɛ nyɛn doon. O funɛ kpak nyuuna nɔpɛ awa nyindaasa fire a chiksi koorsa nyuchigsa nɔpɛ.
O funɛ niŋi kibilima awa kisɛmwa a laari tula kina naa ba kpa salma awa buŋkul lilɛ a kɔɔri, kidamata. O funɛ kpak salma gbaŋa a li o nin ni a kpa kidoŋa a li o sakaal tum ni a du un ni.
Ba naa nyɛn dooni wa bura yausi ba salma, aniita, buŋkul lilɛ, buŋkul were, gar kurgɛ a naa ya kisɛma awa kibilima, kin nawara ba kpa daasa awa bɔl nyin wa sulmin wa lugɛ wa buŋkul zen a kɔɔri ka a malɛ kpok.
Ba zi ŋɔ dɔŋ niu, “Yɛrɛ o du un ni? Ba naa funɛ nyɛn dooni, fun laari gar kurgɛ a naa ya kisɛma awa kibilima a di tula naa ba kpa salma awa buŋkul lilɛ wa buŋkul were a kɔɔri.
Koosa siim weri ti fun nyɛ malaika ti zer min a la zini bi ziŋziŋi nyuha. O fun biksi min Jɛrusalɛm fali naa Koosa fun lisi a nyɛ o titi ni ka o li o tɔhɔn ti a tu wa tɛɛnɛ nɔ maga.
