Maak 6:3 - Tampulma

³ O laata funɛ ya bugilsal a nyɛn bar nɔ ni chenn? O niina laata ya Mɛri chenn? Jems, Josɛf, Judas awa Simɔn laata ya o niinbisa chenn? Ya wa o toosa laata lagmi nyɛnn?” Ba wa un wa fun lɛm dɔŋ ni, domi ba funɛ zim unu.

Maak 6:3 交叉參考

Mat. 11:6

Ba naa vɛ beeli mu wɛ, ba tusa sɔɔnɛu.”

Mat. 12:46

Yesu funɛ sɛm chene, o niina awa o niinbisa fun wa tel a wa chiŋi dam ti dentil ni a tum nara di ba zu a yir un.

Maak 15:40

Nihaana ba naa funɛ tiŋ un a la suŋi un Galili pulum ni chen, gbanko bɔnɛ funɛ chiŋi bar boli ni a nyini chenani la ya. Ba bɔnɛ sɔna funɛ ya Salome, Mɛri Magdala, awa Mɛri, Jems awa Josɛs niina. Nihaan damata funɛ tiŋ un a la Jɛrusalɛm. Ba gbanko funɛ nyɛn dooni.

Maak 3:18

O gbanko funɛ lisi Andiru, Filip, Batɔlɔmi, Matiu, Tɔmas, awa Jems, Alfius be, Tadius, Simɔn naa o pulum wɛ fun nyɛn o bambi ni,

Luk 2:34

Simiɔn fun a sumi Koosa di o suŋi ba, a ŋɔ be ti niin ni, “Koosa funɛ tum i be nɔu di o wa chɔk Ju tim ba naa vɛ un a yisi ba naa la un a li ba tum tagna ni. Lalaknɔwa o nyɛn, Koosa zi muksi nara magau ba lisi chenani ba daŋni. Nidamata zi vɛ unu,

Luk 7:23

Ba naa vɛ beeli mu wɛ, ba tusa sɔɔnɛu.”

Luk 8:20

Nandigi fun wa ŋɔ un di o niina awa o niinbisa nyɛn dentil ni a pɛɛsi o wɛ.

Jɔn 14:22

Baal digi funɛ nyɛn doon. O sɔn ya Judas, amaa o laata fun ya Judas Iskariɔt. O fun ŋɔ Yesu ni, “Mu kunyana, yɛrɛ i kaa ya a kpa i titi a biksi ya a ta kpa i titi a biksi tɛɛnɛ nɔ tim maga?”

Jɔn 6:42

Ba fun ŋɔ dɔŋ ni, “Baal nɔ, laata ya Yesu, Josɛf be ti, chenn? O nyana awa o niina laata ya zim chenn? Ka yɛrɛ o sɛm di o funɛ li Koosa tɔhɔn tirɛ?”

Tuma 1:13

O nitumɛ ta sɔna funɛ ya Pita, Jems, Jɔn, Andiru, Filip, Tɔmas, Bartɔlɔmi, Matiu, Jems, Alfius be, Simɔn naa pulum kina nyɛn o bambi ni, awa Judas, Jems be. Ba fun la zu ba bar chɔɔli naa zɔŋ dɛ digi nyuhu ni.

Tuma 12:17

O fun kpa o nin a ya ba ba gil chɛɛma a ŋɔ ba chenani ya kunyan ti yisi un a li dɛ naa ba tɔ nara chen ni. O fun ŋɔ ba, “Ma la ŋɔ Jems awa Yesu nitiŋɛ ta chenani yɛɛ.” Doone o fun gil ba a kaali bar digi.

1 Kɔr. 1:23

Amaa ya wa la biksi ba Yesu daakakli ti siwi ti wɛ duŋduŋ. Chen ya tuzɔgrɛ Ju tim ta wati, a vɛɛn ya yɔri a li ba naa maga vɛ ya Ju tim wati.

1 Kɔr. 9:4

Kristo nitumɛ ta kpak nyinbaan di nara nyɛ ba diwe awa kinyɔɔli ba tum daha. Mu wa kpak chen nyinbaan?

Gal. 1:19

Yesu nitumɛ ta maga ni, mu funɛ pu Jems naa ya ya kunyan ti niinbe, duŋduŋnɛ.

1 Pita 2:4

Ma wa dugli ya kunyan ti wati. O chi buŋkul naa Koosa fun lisi di o ya kizen a li o dam ni, amaa nisalɛ funɛ vɛ unu a ta. O kpa o mi fali ti a nyɛ ma.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.