Luk 3:3 - Tampulma

³ Jɔn fun gba a go nyabaan naa duglɛ mɔɔga naa ba funɛ yir Jɔɔdan chen jibaŋa. O funɛ biksi nara a ŋɔ ba, “Ma bur a li ma tum tagna ni, chen ni mu zi kotiu a chaksi ma wa ni ni. Ma ya chen, Koosa zi gil ma tum tagni tau a nyɛ ma.

Luk 3:3 交叉參考

Mat. 3:11

N kpa nire a chaksi ma bara a biksi nara di ma gil ma tum tagna. Naa nyɛn n gantɛl ni aa wa, o ka zi wa kpa Koosa siim weri a du ma ni a chaasi ma a chi din zaamsɛ salma. Waa ya nihɛɛ a kaali min. N kpurɛu di mu fiisi o natausa a nyɛ un.

Luk 1:16

O zi wa nyɛ Ju tim nidamata bur wa tiŋ ba kunyana Koosau.

Luk 1:77

Hin la zi ŋɔ o nara ni di ba gil ba tum tagna a bur tiŋ Koosa, o zi yisi bau.

Luk 4:1

Yesu funɛ li Jɔɔdan mɔɔga ti ni, Koosa siim weri ti fun si un ni a kpa un kaali kɔha.

Jɔn 1:28

Jɛrusalɛm tim ta funɛ wa Jɔn wati, waa funɛ chaksi nara wa ni ni a li tɔhɔn naa ba yir Bɛtani ni chen. O nyɛn Jɔɔdan mɔɔga ti jibaŋ bar boli nɛɛ.

Jɔn 3:26

Ba fun wa ŋɔ Jɔn ni, “Ya kunyana, i lisi baal naa funɛ nyɛn i wati a li Jɔɔdan mɔɔga jibaŋ kinkin ti ni awa chenani i fun ŋɔ ya o wɛuu? Nidamata fu zi wa i watiu i chaksi ba, amaa ba ka kaali o watɛɛ di o chaksi ba.”

Tuma 13:24

Jɔn fun te biksi ba di o lawa ba gil ba tum tagnau a bur tiŋ Koosa a nyɛ o chaksi ba wa ni ni, ka Yesu zi wa.

Tuma 19:4

Pɔɔl fun ŋɔ ba, “Jɔn funɛ chaksi ba naa gil ba tum tagna a bur tiŋ Koosa chene. O gbanko funɛ biksi Ju tim ta di ba nyɛ ba se wa su naa tiŋ o gantɛl a wa chen. Chen tiina ya Yesu.”

Tuma 22:16

Ta bu nyɛ ya chiŋi aa pɔɔli. Si a nyɛ mu kpa Yesu sɔn a chaksi hin wa ni ni, chen ni Koosa zi chaksi i bambiu a gil i tum tagna a nyɛ hin.’ ”