Luk 10:2 - Tampulma

² O fun ŋɔ ba, “Kikumɛ damata funɛ nyɛn a daŋni kumi, amaa tumtumsi tama funɛ nyɛn. Ma sumi kikumɛ ta tiina di o kpa tumtumsi nidamata a wa gbaari ba ni.

Luk 10:2 交叉參考

1 Tɛs. 5:12

Mu niinbisa, yaa sumi mau di ma nyɛ ba naa ya kunyan ti fun lisi di ba ya ma nihɛɛta chen, wa jirima. Ba waa la tum o tuma kinkan ma wati a la nyini ma.

Maak 16:15

O funɛ nyɛn ba wati chene, o fun ŋɔ ba, “Ma si aa la tɔsa naa maga nyɛn tɛɛnɛ nɔ ni a la sɛm Koosa laaboor weri ti a nyɛ nara maga ni.

2 Tim. 4:5

Amaa ii kpak o wuti ti nɛnɛ saha maga. I di namsi aa kibiksi Koosa laaboor weri ti wɛ a nyɛ nara ni aa kitum i tuma nɛnɛ a nyɛ un.

2 Tɛs. 3:1

Mu niinbisa, maa sumi Koosa a nyɛ ya di ya koti a mɔɔli Koosa laaboor weri ti bawu maga ni, chen ni nidamata se zi su unu a chi chenani maa ya chen.

Maak 13:34

O zi wa chi baal naa funɛ si di o la tɔ digi a biksi o tumtumsi maga tum naa ba zi tumu a ŋɔ o dam niili ni di o il o dam ti nɛnɛ a nyɛ un.

1 Tim. 4:10

Chendaha yaa tum ya tuma kinkan a nyɛ Koosa ni, domi ya kpak bambi bɛgimu un ni. O nyɛnu a daŋni o yisi nara maga a li ba tum tagna ni baa tiŋ un. O piin ya chenu a nyɛ ya naa se su un ni.

Tuma 22:21

Mu kunyan ti fun bukoo ŋɔ min, ‘Mu kaa tum hin i la ba naa vɛ ya Ju tim watɛɛ a li tɔ bar bole ni. Adaha kila.’ ”

Tuma 20:28

Waa funɛ nyɛ o be sou a nyɛ ya, chen ni ya zi kotiu a bur a tiŋ un a ya o nara. O siim weri ti funɛ lisi ma di ma ya Yesu nitiŋɛ ba naa funɛ nyɛn Ɛfɛsus ni, nihɛɛta. Ba waa chi piisisa ka ma ka chi ba nigbaŋɛ. Ma kpak Yesu nɛnɛ, chen ni ma zi kotiu a kok ba.

Tuma 13:4

Koosa siim weri ti fun ŋɔ Barnabas awa Sɔɔl ni di ba la tɔhɔn naa ba yir Selusia a la zu arŋa a la Saiprus pulum naa ni go chen.

Tuma 13:2

Wuzu digi Yesu nitiŋɛ ta funɛ jɛɛmi ya kunyan ti a la vɔu nɔ, Koosa siim weri ti fun ŋɔ ba, “Min funɛ lisi Barnabas awa Sɔɔl di ba tum tum digi a nyɛ min. Ma waligi ba a nyɛ min.”

Tuma 11:19

Ju tim ta funɛ kpu Stivin a nyɛ Yesu nitiŋɛ ba naa nyɛn Jɛrusalɛm ni, na namsi, ba nidamata fun pisi a kaali bar bole. Ba bɔnɛ fun kaali Fonisia pulum awa tɔhɔn naa ba yir Antiɔk. Bɔnɛ ka zu arŋa a kaali pulum naa ba yir Saiprus ka ni go un. Ba maga fun kpa Koosa laaboor weri ti a biksi Ju tim ta duŋduŋ.

Tuma 8:4

Yesu nitiŋɛ ba naa funɛ pisi chen fun kaali tɔ damata a la biksi nara Koosa laaboor weri ti wɛ.

Luk 9:1

Wuzu digirɛ Yesu fun yir o gantɛl tiŋsa fidalɛ ta ba wa o wati. Waa funɛ nyɛ ba kpok di ba duŋni alizin tagna a li nara ni a kitiibi ba wichɔɔrsa.

Maak 16:20

O gantɛl tiŋsi ta ka fun si a kaali bar damata aa la sɛm Koosa laaboor weri ti a nyɛ nara ni. Koosa fun suŋi ba ba koti a tum tum kpoka aa gbaari, chen ni nara zi zimu di ba sɛm ta ya wutirɛ.))

Mat. 20:1

“Koosa koor ti chi ŋmaha tiinne. Chɔɔsa fun pisi, o li a gba di o dɛu tumtumsa ba la par o ŋmaha.

Filip. Tima 2:25

Mu lisi di o deŋlu di mu tum ya niinbe Ɛpafrodaitus ma wati lalaknɔ. Ma funɛ tum unu di o wa suŋi min. O funɛ kpaŋi o titiu kinkan di o wa min kitum bar nɔ nɛnɛ.

Filip. Tima 2:21

Ba naa kaɛɛ bar nɔ, ba baga nyɛn ba titi kinnɛɛ. Ba baga wa to Yesu Kristo kina ni.

1 Kɔr. 12:28

Koosa nyɛ ma nibɛgim bɛgim tum naa ma zi tum. Koosa nitumɛ ta ya ba naa funɛ te ma suwachak. O witinsa ba naa la mɔɔli o laaboor weri ti, tiŋ o nitumɛ tawa. Koosa nibiksɛ ta gbanko tiŋ ba warɛ. Ba naa la tum alaazibu tuma gbanko tiŋ Koosa nibiksɛ tawa. Ba naa la tiibi nara awa ba naa la suŋi nara, ba gbanko tiŋ ba warɛ. Ba naa ya ba nihɛɛta aa kpami nara ka ba naa la sɛm sɛm kurgɛ gbanko tiŋ ba warɛ.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

Filip. Tima 2:30

Waa chiŋi ma bar chiŋɛ ni a tum tuma a nyɛ Kristo ni a suŋi min. Hali o fun la zu bar tagna ni a daŋni o sou.

Ju 3:6

Amaa Kristo naa ya Koosa be, waa ya dam ti tiina. Ya kpak un nɛnɛ a nyɛ chenani ya kpak bambi bɛgim un ni ya ya jirima kin, ya ya o dam walɛwa.

1 Tɛs. 2:9

Mu niinbisa, ma lisi chenani ya funɛ tum saha maga hali a wa ku, chen ni ya zi kotiu a biksi ma Koosa laaboor weri ti a ta bu muksi ma diwe daha.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

Faili. 1:1

Mu waa, Pɔɔl, naa ba fun tɔ dɛ domi mu ya Yesu Kristo sɛhɛra tiinnɛ, awa ya dɔŋtiin, Timoti, zaami hinu. Min, Pɔɔl, la sɔbi tɔn nɔ a nyɛ i waa hin Failimɔn ni. I wa ya tum Yesu Kristo tumwa.

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.