1 Mɛlkizidɛk funɛ ya Koosa naa zenee, dam kɔkɔɔra a nyɛn saha digi. O funɛ ya tɔhɔn naa ba yir Selɛm, koorre. Wuzu digi Abraham fun la chem laal a kpu koorsa. O funɛ nyɛn nyinbaan ni a la dama chen, Mɛlkizidɛk fun la chem un a sumi Koosa a du un ni.
Yesu fun ŋɔ alizin tagin ti ni di o li baal ti ni. O fun tɛsi kinkan a pɛɛsi un, “I waa Yesu, Koosa zen be, baŋnɛ i daŋni n wati? Kinyini Koosa a gil mu muksi.”
O fun tiŋ ya wa Pɔɔl gantɛl a tɛsi a la ŋɔ, “Nara nama ya Koosa zen tumtumsiwa. Ba waa funɛ mɔɔli ma a li chenani Koosa zi wa yisi ma a li ma tum tagna ni ma tiŋ un.”
Abraham fun purigi o kina maga fi fi a lisi a digi a nyɛ un. Mɛlkizidɛk sɔn, o mun ya, ‘koor naa tum o tuma a deŋli’. O gbanko funɛ ya Selɛm tim koorre. Sɔn ti mun ya, ‘koor naa kpak bara sɔɔna awa nara ni’.
Nandigi wa zim doonani o nyan awa o niina akoo o nawaalsa nyɛn. Nandigi wa zim saha naa ba fun lul un akoo saha naa o fun sou. Waa ya Koosa dam kɔkɔɔra hali saha naa vɛ kpak bɔ, a chi Yesu naa ya Koosa be chen.
Mɛlkizidɛk wa fun ya Livai bi lulɛ digi, amaa Abraham funɛ purigi o kina maga fi fi a lisi a digi a nyɛ un. Doone Mɛlkizidɛk fun sumi Koosa a du Abraham naa funɛ la chenani Koosa fun vɔu di o nyɛ un ni.
