Jems 4:11 - Tampulma

¹¹ Mu niinbisa, ma ta sɛm wu tagna a nyɛ dɔŋ ni. Ba naa la sɛm sɛm tagna a nyɛ ba niinbisa ni a la di ba sɛria, chen tima sɛm sɛm tagna a nyɛ Koosa chiksɛ ta ni a la di o sɛria. Maa di Koosa chiksɛ ta sɛria ti, ma wara tiŋ a.

Jems 4:11 交叉參考

Luk 6:37

“Ma ta na ma dɔŋtima galimsa, chen ni Koosa gbanko wa zi na ma galimsa. Maa gil ma dɔŋtima tum tagna a nyɛ ba, Koosa gbanko zi gil ma tum tagna a nyɛ ma.

Room 2:1

I dɔŋtiina tum tum tagna ka i di un sɛria, i wa zi koti a ŋɔ wu digi. I tum galimsau a du i titi ni. Tum tagna naa i fiksi un chen, ii gbanko tum chene vɛɛna.

Room 2:13

Nara funɛ nu o chiksɛ ta duŋduŋnɛ, ba galimsa ti ha vɛɛn nyɛn o watiu. Amaa ba naa ka tiŋ a nɔ, o wa zi bu na ba galimsa.

Room 7:7

O ya chen, yɛrɛ ya kaa ŋɔ? Chiksɛ ta awa tum tagna nitumɛ ya kibɛgimnɛɛ? Aai. Chiksɛ ta fu vɛ waali, mu fu wa zi zim di muu tum tum tagniwa. Chiksɛ ta wa fun biksi min di mu ta ya si tiina, n fu wa zi zim chen.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

2 Kɔr. 12:20

O muksi minu mu wa wa ma wati, ma bɔnɛ wa zi tiŋ chenani mu daŋni maa tiŋ. Ma zi wa di dɔŋa wa amɔrɛu a kpak dɔŋa handɔta a na paan a du dɔŋ ni a ya se tima a kichɔk dɔŋ sɔna a kilɔ dɔŋ gantɛla a zer ma titi a vɛ tiŋ ma nihɛɛta nɔɔna. O du chen, ma wa zi daŋni chenani mu wa ma zi nyɛn.

Ɛfɛ. 4:31

Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

1 Tim. 3:11

Nisuŋi naa ya nihaan, o lawa o kpak nara jirimau a kpak o titi nɛnɛ a ya wuti tiina a li kina maga ni. O ta lɔ nara gantɛl.

2 Tim. 3:3

Ba zi vɛ ba dɔŋtimau a ya bambi kpok tima a ya tuha sa tima a chɔk ba sɔna a kitum chi garaŋzur tuma aa du ba ni. Ba zi ha tum wereu,

Tait. 2:3

Kibiksi nihahɛɛta gbanko di baa tum tum were, chen ni ba dɔŋtima zi nyɛ ba jirimau. Biksi ba ba ta chɔk ba dɔŋtim sɔna a ta nyɔ sin aa dɛɛsi. O lawa nihahɛɛti ta biksi nihaana baa tum tum wereu,

Jems 1:16

Mu bi daŋnɛ, ma ta mur ma titi.

Jems 1:19

Mu bi daŋnɛ, ma lisi nan. Ma num wa Koosa sɛm nuuli ni, amaa ma ta num wa sɛmi ni aa ta na paan a du nara ni.

Jems 1:25

Diga ti biksi ya chenani Koosa chiksɛ ta du. A weru hali a wa peti a biksi ya chenani ya zi gil ya tum tagna. Nibine nu Koosa chiksɛ ta a yaa lisi a naa la zi koti a yisi nara a li ba tum tagna ni wɛ a la tiŋ a a vɛ sugli, Koosa zi wa nyɛ un tu sɔɔnau a li tum naa o tum chen ni.

Jems 2:8

Maa tiŋ Koosa koor chiksɛ naa ba fun sɔbi a li o sɛm tɔn ti ni chen, nɛnɛ di ma daŋni dɔŋa a chi ma titi, chen weru.

Jems 5:10

Mu niinbisa, ma lisi Koosa witinsa ba naa funɛ nyɛn saha digi, a sɛm Koosa sɛm ta chen. Ma lisi chenani ba fun kpak kanyita a li ba namsi ni. Ma gbanko kpak chen kanyita.

Jems 5:7

Mu niinbisa, ma kpak kanyita hali ya kunyan ti wa bur wa. Nipari kpak kanyitarɛ a pɔ doon bumi awa doon naa tiŋ gantɛl ka o zi kum kiparɛ.

Jems 5:9

Mu niinbisa, ma ta zulimi dɔŋa, chen ni Koosa wa zi wa di ma sɛria. O zi wa di ma sɛriau lalaga.

1 Pita 2:1

Kin nama daha, ma kpa ma tum tagna maga a ta. Ma ta suni wɛ a nyɛ dɔŋ ni a ta kpak handɔta a du dɔŋ ni a ta pini dɔŋ zoma.