Ɛfɛ. 2:3 - Tampulma

³ Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

Ɛfɛ. 2:3 交叉參考

Maak 4:19

amaa ba tɛɛnɛ nɔ wi yaalɛ awa ba malɛ daŋni kinkan awa ba wi lise maga wa zu ba bambe ni a chɔk laaboor weri ti, chen ni o wa kikoti a lul ba tusa ni.

Jɔn 1:13

Chenani ba yaa lul ba bichɛsa, o wa nyɛ ba ya Koosa bisa. O wa fun ya nibinsa tutɔrɛ di o burgi ba nyana. O ka ya o tutɔrɛ di o burgi ba nyana.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Tuma 14:16

Hali wa zinan waa nyɛ nara maga jɛɛmi a li chenani baa daŋni ni.

Room 1:24

Chendaha Koosa fun kpa ba a ta di ba tiŋ ba titi daŋnɛ a tum tum tagna a tum dɔŋa aa du dɔŋ ni.

Room 11:30

Ma wa fun te tiŋ Koosa nɔ, amaa lalaknɔ o funɛ kpak ma sikiu, domi Ju tim ta wa fun tiŋ o nɔ.

Room 13:14

Ma burgi chenani ya kunyana Yesu Kristo du. Ma ta tiŋ ma titi daŋnɛ a tum tum tagna.

Room 2:14

Ba naa vɛ ya Ju tima, ba wa la o chiksɛ ta. Amaa ba bambe nyɛ ba tum chenani o chiksɛ ta ŋɔ di baa tiŋ, ba titi bambe la nyɛ ba chiksɛ.

Room 5:10

Ya funɛ ya Koosa dɔmawa, amaa lalaknɔ o be ti nyɛ ya wa Koosa kpak nɔ bɛgim o sou daha. Koosa funɛ lɛli un a li o sou ni. Chendaha ya gbanko kpak bambi di o zi wa yisi yau a li ya tum tagna ni hali o wa peti.

Room 5:9

O sou daha, o funɛ nyɛ Koosa wa nyinbaanu di o ta bu na ya galimsa. Chendaha ya koti a kpak bambi kinkan di Kristo zi yisi yau a li Koosa paan ni awa chenani o zi lɛrgi ya diŋsau.

Room 6:12

Ma ta tiŋ ma titi daŋnɛ a nyɛ tum tagna nyaŋi ma.

Room 7:18

Mu zimu di tum were wa nyɛn mu gantɛl tuha wɛ ni hali tama. Saha maga mu yaa daŋni muu tum tum werewa a luk ku.

Room 9:22

Chen vɛɛna, Koosa funɛ daŋni o biksi nara o kpokre awa chenani o na paan a du ba ni a lɛrgi ba diŋsa. Saha ti funɛ telu di o deŋlu di o wa chɔk ba, amaa o funɛ kpak ba kanyitau a vusi.

1 Kɔr. 4:7

Anti ŋɔ ma di ma kaali ma dɔŋtima? Koosa funɛ nyɛ ma kin naa maga ma kpak. A maga li Koosa watɛɛ, ka yɛrɛ maa daŋni sɔn di ma titi kpokre ma kpak a nan?

2 Kɔr. 7:1

Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

Gal. 3:22

Ba fun a sɔbi a li Koosa sɛm tɔn ti ni di tɛɛnɛ nɔ tim maga na galimsa ba tum tagna daha. Chendaha ba naa se su Yesu Kristo, la Koosa papaha naa o fun vɔu a nyɛ Abraham ni chen.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Kɔl. 1:21

Saha digi ma wa fun a zim Koosa a la tum tum tagna a la lisi lise tagna. Chendaha ma fun a ya o dɔma.

1 Tɛs. 4:13

Mu niinbisa, ya daŋni maa zim wutirɛ ba naa funɛ siti chen wɛ, chen ni ma tusa wa zi wa chɔk a chi ba naa vɛ kpak bambi bɛgim a li Yesu ni chen.

1 Tɛs. 5:6

O wa werwa ya chɔ do a chi ba naa vɛ zim Yesu la chɔ do chen. Ma nyɛ ya si a si chiŋi a ta zɔɔli a chi ba naa nyɔ sin aa dɛɛsi.

1 Tim. 6:9

Amaa ba naa la daŋni ba ya malɛ tima, sintana zi wa zaamsi bau a mo ba lo a li ba womsa awa ba tum tagna daŋni ni, chen ni ba zi wa chɔku kinkan.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

1 Pita 1:14

Saha naa ma fun zɛ zim un, ma funɛ tiŋ ma tutɔ daŋnirɛ. Ma ta tiŋ chen lalaknɔ, amaa maa tiŋ Koosa nɔ nɛnɛ.

2 Pita 2:14

Saha maga ba dɛu nihaana a daŋni ba, chen ni ba wa ba zi tum chɔkumsi tumau. Baa tum tum tagniwa a vɛ puŋi. Ba kpa ba naa vɛ kpak kpok a mo ba lo. Ba ya se timwa kinkan. Chendaha Koosa fun ŋɔ nɔ a nyɛ ba.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

1 Jɔn 2:16

Kin nawara nibinsa bara daŋni awa kin nawara ba se daŋni awa kin nawara ba daŋni ba kpak a na sɔn, a nama wa ya ya kunyana Koosa kina. A ya tɛɛnɛ nɔ tim maga kinawa.

1 Jɔn 2:8

Amaa o vɛɛn ya chiksi falirɛ, domi lalaknɔ birsa saha kaalu, ka chaani saha ka wa di o wa chiŋi o bar chiŋi ni. Yesu wa ma tiŋ chiksi fali nɔwa.