SAN LUCAS 17:22 - Hua̱ xasa̱sti talacca̱xlan quinTla̱tican Jesucristo

²² A̱li̱sta̱lh xlá̱ chuná̱ huaniko̱lh xli̱ma̱kalhtahuáka̱t: —Nalakchá̱n quilhtamacú̱ acxni̱ huixín naucxilhputuná̱tit na̱pi̱ makstum la̱ntla̱ quit, Xatalacsacni Chixcú̱, nacmimpalay laqui̱mpi̱ nactzucuy ma̱paksi̱nán, hua̱mpi̱ ni̱ naj caquintiucxílhtit.

SAN LUCAS 17:22 交叉參考

SAN LUCAS 5:35

Hua̱mpi̱ namín quilhtamacu̱ acxni̱ nasputa̱ taca̱tani, chu̱ yama̱ kahuasa̱ nama̱pa̱nu̱cán, xta̱chuná̱ la̱ntla̱ quit naquiakspulay; pus acxnicú̱ a̱ma̱ quilhtamacú̱ xli̱ca̱na̱ xlacán namakalhkajnanko̱y ma̱squi ni̱tí̱ cali̱ma̱paksi̱ko̱lh.

SAN MATEO 9:15

Jesús na̱má̱ kalhti̱ko̱lh: —Hua̱nti̱ putzako̱cani̱t laqui̱mpi̱ naanko̱y makpa̱xuhuako̱y c-tapu̱chuhuani, ¿pi̱ mini̱niy xlacán caj tali̱puhuá̱n antá̱ namaklatahuilako̱ya̱chá̱ xli̱makua antá̱ ta̱lahuilakó̱ yama̱ kahuasa hua̱nti̱ tapu̱chuhuama̱? Hua̱mpi̱ nalakchá̱n quilhtamacú̱ acxni̱ nasputa̱ pu̱tapu̱chuhu, chu̱ yama̱ kahuasa hua̱nti̱ tapu̱chúhualh mákat naán, chuná̱ la̱ntla̱ quit naquiakspulay; acxnicú̱ chú̱ xlacán nali̱puhuanko̱y, chu̱ namakalhkajnanko̱y.

SAN JUAN 13:33

Koxutaní̱n huixín quincamán, chú̱ luhua nia̱lh maka̱s cca̱ta̱lamá̱n. Huixín naquimputzayá̱tit, hua̱mpi̱ nia̱lh caquintiucxílhtit; na̱ chuná̱ chú̱ cca̱huaniyá̱n, xta̱chuná̱ la̱ cuaniko̱ni̱t xanapuxcun judíos, pi̱ huixín ni̱ lay catipítit anta̱ni̱ quit cama̱.

SAN MARCOS 2:20

Hua̱mpi̱ nachá̱n quilhtamacú̱ acxni̱ nasputa̱ pa̱scua̱, chu̱ yama̱ kahuasa naán mákat a̱lacatanu̱ xta̱chuná̱ la̱ntla̱ quit naquiakspulay, acxnicú̱ xlacán namakalhkajnanko̱y ma̱squi ni̱tí̱ xli̱ma̱paksi̱ko̱lh.

SAN JUAN 12:35

Huaniko̱lh Jesús: —Quit nactica̱li̱ma̱lacahua̱ni̱ya̱ncú̱ yuma̱ quixkakánat, hua̱mpi̱ nia̱lh luhua maka̱s quilhtamacú̱; pus huá̱ xpa̱lacata cca̱li̱huaniyá̱n, xli̱makua̱ huí̱ xkakánat, luhua cali̱pa̱huántit, chu̱ li̱huana̱ catla̱huántit, laqui̱mpi̱ ni̱tú̱ napuhuaná̱tit sa̱mpi̱ acxni̱ namín hora la̱ naca̱poklhuán, xli̱pacs hua̱nti̱ tla̱huanko̱y acxni̱ ca̱pucsua, xlacán ni̱ lay ta̱ksko̱y tiji.

SAN LUCAS 13:35

Pus hua̱ chú̱ nia̱lh maka̱s quilhtamacú̱ huata c-tlanca templo antá̱ xalá, ca̱ta caj chunatá̱ natamakaxtaka, chu̱ nia̱lh tí̱ tanu̱maj cati̱hua̱ antá. Huá̱ chuná̱ cca̱li̱huaniyá̱n pi̱ chú̱ la̱ntla̱ naán quilhtamacú̱ nia̱lh caquintiucxílhtit huixín hua̱nti̱ u̱nú̱ huilátit hasta acxni̱ nalakchá̱n quilhtamacú̱ la̱ntla̱ huixín nahuaná̱tit: ‘¡Luhua li̱pa̱xuhu cmakamaklhti̱ma̱hu hua̱nti̱ Quimpu̱chinacan Dios quinca̱ma̱lakacha̱nini̱tán!’”