APOCALIPSIS 10:1 - Hua̱ xasa̱sti talacca̱xlan quinTla̱tican Jesucristo

¹ A̱li̱sta̱lh chu̱ cucxilhpá̱ cha̱tum tlanca tali̱pa̱hu ángel, luhua tlihuaka, ti̱ xta̱ctama̱chi̱ c-akapú̱n hasta ca̱tiyatna, xmima̱ c-xlacni puclhni; c-xakxe̱ka̱ xuilánilh kantum li̱lakati̱t cha̱macxcúlit, chu̱ c-xlacán luhua li̱lakáti̱t xlakskoy xta̱chuná̱ chichiní, chu̱ xaklhtantú̱n xta̱chuná̱ xtasiyuy la̱ntla̱ acxni̱ li̱pe̱cua̱ lamama lakskoy tlanca lhcúya̱t.

APOCALIPSIS 10:1 交叉參考

SAN MATEO 17:2

Acxni̱ chú̱ aya xcha̱nko̱ni̱t c-xokspun ka̱stí̱n caj xacstucán xlaya̱kó̱, antá̱ chú̱ c-xlacati̱ncán yama̱ kalhatutu xli̱ma̱kalhtahuáka̱t Jesús luhua caj tanuj tasíyulh, talakpali̱ko̱lh la̱ntla̱ xtasiyuy ankalhí̱n. La̱ntla̱ c-xlacán luhua li̱pe̱cua̱ xma̱lakachixi̱nán xta̱chuná̱ la̱ntla̱ chichiní, cha̱nchu̱ hua̱ xlháka̱t hua̱ntu̱ xlhaka̱ni̱t Jesús, luhua tlayajua̱ xtasiyuy xta̱chuná̱ la̱ntla̱ xkakánat.

APOCALIPSIS 5:2

Caj xamaktum cúcxilhli̱ cha̱tum tlanca tali̱pa̱hu ángel hua̱nti̱ xli̱pixcha̱tlanca̱ xkalhasquini̱nama̱ xuan: “¿Tí̱ cahuá̱ nata̱ksa̱hu hua̱nti̱ mini̱niy naxti̱ta̱cti̱niy hua̱ntu̱ li̱sellartlahuacani̱t yuma̱ libro̱ laqui̱mpi̱ tla̱n nama̱lakapitziy?”

APOCALIPSIS 4:3

Cha̱nchu̱ ti̱ xlacui̱ yama̱ xama̱paksi̱na lactáhui̱lh, luhua xta̱chuná̱ xlakskoy la̱ li̱lakati̱t chíhuix hua̱ntu̱ huanicán jaspe, usu la̱ cornalina chíhuix, chu̱ c-xli̱kalhtlanca̱ xli̱makstiliy li̱lakati̱t cha̱macxcúlit hua̱ntu̱ luhua tla̱n xtasiyuy kampa̱katzi colores tlayaj xma̱lakxkaka̱nani̱t xta̱chuná̱ lakslipua chíhuix hua̱ntu̱ huanicán esmeralda.

APOCALIPSIS 8:13

A̱li̱sta̱lh chu̱ cúcxilhli̱ tantum tlanca picha̱hua̱ hua̱ntu̱ xkoslahuaca̱ ca̱u̱ní̱n, chu̱ ckáxmatli̱ la̱ntla̱ xli̱akapixcha̱tlanca̱ xchihui̱nama̱, chu̱ chuná̱ huá̱: “¡Ca̱na̱ koxutaní̱n ti̱ lama̱kó̱ ca̱tuxá̱huat, sa̱mpi̱ li̱pe̱cua̱ namín tapa̱tí̱n acxni̱ nama̱macasa̱ni̱ko̱y xtrompetajcán yama̱ kalhatutu ángeles hua̱nti̱ tzanka̱ko̱y, ni̱ a̱sunuko̱y trompeta!”

APOCALIPSIS 1:7

¡Cacatzí̱tit pi̱ Cristo mimaj nahuán c-xlacni puclhni! Chu̱ acxni̱ namín, xli̱pacs tachixcuhuí̱tat naucxilhko̱y, hasta na̱ naucxilhko̱y yamá̱ hua̱nti̱ makni̱ko̱ni̱t, chu̱ ta̱pa̱lhtucuko̱lh; chu̱ hasta ma̱squi xli̱pacs ti̱ lama̱koj nahuán c-xli̱ca̱tlanca ca̱tuxá̱huat naucxilhko̱y la̱ntla̱ namimpalay, na̱ nali̱puhuaxni̱ko̱y, chu̱ nalaktasako̱y acxni̱ naucxilhko̱y pi̱ mima̱, caj xpa̱lacata̱ xtape̱cuacán sa̱mpi̱ catzi̱ko̱y pi̱ ni̱tlá̱n hua̱ntu̱ xtlahuaniko̱ni̱t.

LOS HECHOS 26:13

Antá̱ chú̱ xacama̱ quit, chu̱ a̱makapitzi̱n ti̱ quinta̱amakó̱, actzú̱ xuani̱t aya xaccha̱na̱hu, pala ca̱tastúnut xuani̱t, acxni̱ caj xamaktum lam minchá̱ xkakánat c-akapú̱n, chu̱ quinca̱lacatahuacakó̱n yama̱ xkakánat, luhua tlihuaka xuani̱t ni̱ xahua̱ la̱ chichiní.

SAN LUCAS 21:27

Acxnicú̱ chú̱ natasiyuy la̱ntla̱ quit, Xatalacsacni Chixcú, cta̱ctama̱chi nahuán c-akapú̱n c-xlacni aktum puclhni, chu̱ na̱ cli̱mímaj nahuán xli̱pacs quili̱makatlihuaka, chu̱ tlanca xkakánat.

APOCALIPSIS 18:1

A̱li̱sta̱lh cucxilhpá̱ cha̱tum ángel hua̱nti̱ xta̱ctama̱chi̱ c-akapú̱n hasta ca̱tiyatna; yuma̱ ángel xkalhi̱y tlanca li̱tlihuaka, xa̱huá̱ li̱ma̱paksí̱n, chu̱ xli̱ca̱tlanca ca̱tuxá̱huat li̱ca̱makaxkakako̱lh xmakaxkaká̱nat tu̱ xkalhi̱y acxni̱ chilh.

APOCALIPSIS 18:21

Na̱ acxnitiya̱ cúcxilhli̱ cha̱tum tlihuaka ángel chaxli̱ aktum tlanca chíhuix xta̱chuná̱ xachihuix tlanca pu̱squiti, chu̱ lhkan máca̱lh c-ta̱kaya̱huaná, chu̱ chuná̱ huá̱: “Xta̱chuná̱ la̱ntla̱ laktzánka̱lh yuma̱ chíhuix, na̱ chuná̱ nalaktzanka̱ya̱ huix tlanca tali̱pa̱hu ca̱chiqui̱n Babilonia, chu̱ nia̱lh niucxni̱ catiucxilhpalaca̱.

APOCALIPSIS 20:1

A̱li̱sta̱lh cúcxilhli̱ cha̱tum ángel pi̱ xta̱ctama̱chi̱ c-akapú̱n, xlá̱ xli̱mima̱ xallave yama̱ pu̱lhma̱n tzanká̱nat xta̱chuná̱ la̱ pozo hua̱ntu̱ ni̱ kalhi̱y xtampú̱n, chu̱ makatu xmacán xli̱chipati̱lhay kantum cha̱tlanca cadena.