15 Ama̠ko̠lh fariseos tzúculh takalhasquín lácu chú tla̠ná xli̠lacahua̠nán. Xlá chiné ca̠huánilh: —Cha̠tum chixcú quili̠lacatláhualh actzu̠ pu̠tlú̠n, y acxni̠ clakachákalh la̠nchú aya tla̠n clacahua̠nán.
Kalhasquimpá a̠má chixcú hua̠nti̠ lakatzí̠n xuani̠t: —Chi̠nchú huix, ¿lácu huana xpa̠lacata a̠má chixcú hua̠nti̠ ma̠lacatla̠ntí̠n? —Aquit clacpuhuán pi̠ ma̠x profeta —kalhtí̠nalh xlá.
