तीतुस 3:9 - राना थारु नयाँ नियम

⁹ पर मुरखसे बाद-बिबाद, और पुर्खनको लम्बी सुची, बिरोध और लडाइ जो मोशाको नियम कानुनके बारेमे होएं बिनसे दुर रहो; काहेकी बे बेकार और फाइदा देन बारे नाए हएं।

परमेस्वर को सच्चो वचन

⁹ लेकिन बेबकूफी कानूनी तर्क, परखन की लम्बी सूची, और बे लड़ाई, झगड़ा, जो व्यवस्था के बारे मैं हैं बे सबसे बचैं, काहैकि बे बेकार हैं।

तीतुस 3:9 交叉參考

1 कोरिन्थी 13:2

और अगर मए परमेश्वरको सन्देशके घोषणा करत हओं, और सब रहस्य और सब ज्ञानके बुझतहओं, और हियाँतककी मोएमे पहाडन्के इतएसे उतए करनको परमेश्वरमे मजबुत बिश्वास हए पर अगर मोएमे प्रेम नाए हए कहेसे मिर बिरकुल कोइ मोल नाए हए।

1 कोरिन्थी 8:1

अब बो प्रश्नके बारेमे, जौन बात तुम अपन चिट्ठीमे लिखे रहओ: का मूर्तिनके अग्गु बलि चढाओ भओ खानु बारी चीजके खान सही हए? हम जान्त हएं, कि हम सबके ठिन ज्ञान हए: ज्ञानसे घमण्ड आत हए, पर प्रेमसे उन्नति होत हए।

1 तिमोथी 4:7

झुठे कहानीमे समय बर्बाद मत् करीए, जो कहानी परमेश्वरके सम्मान नाए देत हएं। और तए परमेश्वरको दओ भओ जीबन जीइनके ताहीं अपनएके लगातार तालिम दिए।

2 तिमोथी 2:14

जे बातके अपने बिश्वासीनके घरी-घरी सिखा, जो मए तोके बताओ हओं। और परमेश्वरके एक साक्षीके रुपमे धरतए तोके उनके चेतावनी देन चाहो, कि बे शब्दके अर्थके बारेमे बिबाद नाए करएं। जे प्रकारके बिबाद कोइके मदत नाए करत हए। बल्कि जा बेहीं आदमीनको बिश्वासके नुक्सान पुगात हए, जो जाके सुन्तहएं।

2 तिमोथी 2:16

पर अधर्मी और फाल्तु बात करनसे बचो रहो; काहेकी व्यर्थ बातके मत् सुन, जो परमेश्वरसे कोइ सम्मान नाए देतहए। अइसे मेलके बात आदमीनके परमेश्वरसे और जद्धा दुर जानको कारण बानत हए।

2 तिमोथी 2:23

पर नाए जानन बारो मुरख बातसे दुर रहो; काहेकी तए जानत हए, कि जे बातसे लडाइ होत हएं।

तीतुस 1:14

और बे यहूदीनको झुठी कहानीमे और पुर्खन्को लम्मो सूचीमे ध्यान देनके बन्द करएं। और तए बे आदमीनको शिक्षासे दुर रहीए, जौन सच्चो शिक्षासे दुर हुइगए हएं।

याकूब 4:1

तुमर बीचमे लडाइ और झगडा कहाँसे आत हएं? का बेहीं खराब इच्छासे आत हएं, जो तुमर भितर लणत हएं?