तीतुस 3:1 - राना थारु नयाँ नियम

¹ बिश्वासीनके याद करबा, कि हाकिम और अधिकारीके आदर करएं, और उनकी आज्ञा मानएं, और सब जनै एकदुस्रेके ताहीं अच्छे काम करनके ताहीं तयार रहाएं।

परमेस्वर को सच्चो वचन

¹ अपने लोगन कै याद दिला कि सासकन और अधिकारिन के अधीन रहामैं, और उनकी सुनैं, हर एक अच्छे काम के ताहीं तैयार रहामैं।

तीतुस 3:1 交叉參考

मत्ती 22:21

बे बासे कहीं, “रोमको महाराजा कैसरको।” तओ बा बिनसे कही, “जहेमारे जो रोमको महाराजाको हए, बे रोमको महाराजाके देओ, और जो परमेश्वरको हए बो परमेश्वरके देओ।”

1 कोरिन्थी 15:58

जहेमारे हे मेरे प्यारे बिश्वासी ददाभइयओ, अपने बिश्वासमे मजबुत रहाबओ, और प्रभुके ताहीं जो तुम करत हओ बोमे हमेसा बढतए जाओ, काहेकी तुम जा जानत हओ, कि जो काम तुम प्रभुके ताहीं करत हओ बो बेकार नाए होबैगो।

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

फिलिप्पी 1:11

और येशू ख्रीष्टके द्वारा तुममे धर्मी काम दिखाइ पणए, जोसे परमेश्वरको महिमा और स्तुति होत रहाबए।

कलस्सी 1:10

हम प्राथना करत हएं, कि तुम प्रभुके आदर देन बारो जीबन जिइ पाबओ, और सब बातमे प्रभुके खुसी बनाए पाबओ। और तुम लगातार सब मेलके अच्छे काम कर पाबओ, और तुम परमेश्वरके बारेमे औ जद्धा जान पाबओ।

1 तिमोथी 2:2

राजनके ताहीं और बे सब आदमीनके ताहीं प्राथना करओ जो सरकारी अधिकारमे हएं, ताकी बे हमके शान्ति और सुरक्षासे रहानमे मदत करएं, ताकी हम परमेश्वरके आराधना करपामएं और दुस्रेनसे हमेसा ठिक ब्यबहार करएं।

1 तिमोथी 4:6

अगर तए सब बिश्वासी ददाभइयनके लगातार जे बातको शिक्षा देतए रएहए कहेसे तए ख्रीष्ट येशूको एक अच्छो सेवक ठहिरैगो। और परमेश्वर तोके बिश्वास और अच्छो शिक्षाके माध्यमसे तालिम देबैगो, जौन शिक्षाके तए पालन करो हए।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।

2 तिमोथी 1:6

जहेमारे मए तोके याद करात हओं, कि परमेश्वरको बरदानके फिरसे प्रज्वलित कर, जो परमेश्वरद्वारा तोके तओ मिलो गओ हए, जब मए तेरे मुणमे अपनो हात धरो।

2 तिमोथी 2:14

जे बातके अपने बिश्वासीनके घरी-घरी सिखा, जो मए तोके बताओ हओं। और परमेश्वरके एक साक्षीके रुपमे धरतए तोके उनके चेतावनी देन चाहो, कि बे शब्दके अर्थके बारेमे बिबाद नाए करएं। जे प्रकारके बिबाद कोइके मदत नाए करत हए। बल्कि जा बेहीं आदमीनको बिश्वासके नुक्सान पुगात हए, जो जाके सुन्तहएं।

2 तिमोथी 2:21

अइसियए, जो बिश्वासी अपनएके बे सब खराब कामके अलग करैगो, तओ बाको जीबन पबित्र रहबैगो और बो मूल्यवान भाणा-बर्तन कता होबैगो जो खास अबसरके ताहीं इस्तमाल करोजात हए, और जहेमारे बो अपनो मालिकके ताहीं उपयोगी होबैगो।

तीतुस 1:16

बे झुठे गुरु कहात हएं, कि हम परमेश्वरके जानत हएं, पर उनको ब्यबहार स्पष्ट रुपसे दिखात हए, कि बे परमेश्वरके नाए जानत हए, काहेकी बे घिनौने और आज्ञा नाए मानन बारे हएं, और बे कुछ अच्छो करनके लायक नाए हएं।

तीतुस 2:14

येशू ख्रीष्ट अपनएके हमरे फाइदाके ताहीं बलिदान करदइ। ताकी हम अधर्म कामसे छुटकारा पामएं, और हमके नैतिक रुपसे शुद्ध करपाबए। और ताकी हम बाके अपने खास आदमी बन जाएं, जो भले काम करनके ताहीं पुरी तरिकासे समर्पित होत हएं।

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

तीतुस 3:8

जा एक सच्ची कहानी हए, जो मए हबए तोके बताओ हओं। और मए चाँहत हओं, कि तए जे बातके बारेमे पक्का रुपसे बिश्वासीके सिखा, जाकेमारे कि जौन परमेश्वरमे बिश्वास करीहए, ताकी बे अच्छे काम करनके ताहीं अपनो समय देनमे ध्यान लगामएं। जा शिक्षा सबके ताहीं अच्छी हए, और फाइदा बाली बात हए।

2 पतरस 1:12

मए तुमके जे बातके बारेमे घरी-घरी सम्झातए रहानके कोसिस करत हओं, होन त तुमके बे बातके बारेमे पहिलीए पता हए और तुम पक्का हओ, कि बे बात सच्चे हएं।

यहूदा 1:5

तुम जे सब बात एकचोटी जाने रहओ, तहुँफिर अभए मए तुमके याद दिबान चाँहत हओं। प्रभु इस्राएलीनके गुलाम बननसे छुणाइ और बिनके मिश्रदेश मैसे बचाएके लाइ, पर पच्छु बामे बिश्वास नाए करन बारे सबएके बा मरुभूमिमे मारी।