तीतुस 1:5 - राना थारु नयाँ नियम

⁵ मए जाकेमारे तोके क्रेट टापूमे छोडके आओ, ताकी तए हुवाँ हमरे काम पुरा करपाबए, और क्रेट टापूके हर सहरमे मण्डलीको अगुवाके नियुक्त करए, जैसे मए तोके करनके निर्देश दओ हओं।

परमेस्वर को सच्चो वचन

⁵ मैं तोकै क्रेते मैं जौ बजह से छोड़कै आओ ताकी तैं बची बातन को सुधार करै और मेरी आग्या के जरिया कलीसिया मैं बड़े-बूढ़ेन कै चुनै। मेरे निर्देस याद रखैं:

तीतुस 1:5 交叉參考

प्रेरित 11:30

और अइसे उठाओ भओ रुपैया बे यरूशलेम सहरके मण्डलीके अगुवनके ताहीं बारनाबास और शाऊलके हातमे पठाए दइं।

प्रेरित 14:23

और बे, हरेक मण्डली समुहसे उनके ताहीं मण्डलीको अगुवा नियुक्त करीं, और बे उपवास सहित प्राथना करके उनके प्रभु येशूमे सौँपदइं, जौनमे बे बिश्वास करी रहएं।

प्रेरित 2:11

क्रेट टापूके आदमी और अरब देशके आदमी फिर हएं। हम चहुँ यहूदी होएं चहुँ यहूदी धर्म लएभए औरे जातके आदमी हएं, जे परमेश्वरको करन बारो शक्तिशाली चमत्कारके बारेमे बोलो भओ अपनो-अपनो भाषामे सुनरहे हएं।”

प्रेरित 27:12

जाडोको समय बितानके बो बन्दरगाह अच्छो फिर नाए रहए। जहेमारे बहुत जैसे आदमी कोइ हालतमे फिर हुवाँसे जाएके फोनिक्स सहरमे पुगनके कोसिसमे रहएं। क्रेट टापूमे भओ बो फोनिक्स सहरमे दक्खिन-पछार और सिरे-पछार घेन घुमो भओ बन्दरगाह रहए।

प्रेरित 27:13

दक्खिन घेनसे धिरे-धिरे हबा चलन लागो। सबए आदमी सोचीं, कि योजना अनुसार बे फोनिक्स बन्दरगाह पुगेहएं, जहेमारे लंगार निकारीं और पानीजहाजके क्रेट टापूके किनारे-किनारे हुइके लैगए।

प्रेरित 27:21

आदमी खानु नाखाए बहुत दिन हुइगओ रहए। पावल सबके अग्गु ठाणके कही, “ददाभइयओ, तुमके मिर बात सुन्देनके रहए और क्रेट टापूसे अग्गु बढनके नाए रहए। बो बेला मिर कहीभइ बात सुन्दित्ते कहेसे नए त अइसो दुख पैते नए त कोइ चीजको नाशए हुत्तो।

प्रेरित 27:7

हबा अग्गुसे चलनके कारणसे बहुत दिनतक धीरे-धीरे जाएके लदबद क्नीडस सहर ढिँगै आएपुगे। जब हम हुवाँ पुगे, तओ हबा हमके अग्गु जानए नाए दइ। बहेमारे हम क्रेट टापूको आड लैके सालमोने कहान बारो ठाउँके किनारे हुइके चलेगए।

1 कोरिन्थी 11:34

अगर कोइ भुखो हए कहेसे, बो अपने घरमे खाएलेबए, ताकी जब तुम इकट्ठा होत हओ, तओ तुम ढंगसे ब्यबहार करैगे और परमेश्वर तुमर न्याय नाए करैगो। जब मए आमंगो तओ मए तुमके औ निर्देश देमंगो।

1 कोरिन्थी 14:40

जो कुछ फिर तुम आराधनाके समयमे करत हओ बे सब बात पुरा इमानदारीसे और ब्यबस्थित ढंगसे करोजाए।

1 कोरिन्थी 4:17

जहेमारे मए तिमोथीके तुमर ठिन पठाओ हओं जो प्रभुमे मिर प्रिय और बिश्वासयोग्य लौंणा हए, और मए हर ठिहा हर एक मण्डलीमे शिक्षा देए अनुसार, तुम येशू ख्रीष्टमे कैसो ब्यबहार करत हओ कहिके बो तुमके याद दिलाबैगो।

कलस्सी 2:5

काहेकी अगर मए तुमसे दुर हओं, कहेसे फिर मए तुमर बारेमे सोँचतए रहात हओं, और मए जा देखके बहुत खुसी हओं, कि तुम कित्नो नियममे रहात हओ, और ख्रीष्टमे तुमर बिश्वास कित्नो बलियो हए।

1 तिमोथी 1:3

हे तिमोथी, जैसे तए जानत हए, कि एफिसस सहरमे कुछ अइसे आदमी हएं जो गलत सन्देश देत हएं। बे झुठो कहानी और पुर्खनको लम्बी सुची सिखानमे ध्यान देनके बन्द करएं। जब मए एफिसस सहर छोडके माकेडोनिया परदेशमे जानके ताहीं तयार रहओं। तओ मए तोके एफिसस सहरएमे रहानके ताहीं कहो रहओं और बे आदमीके जा बतानके ताहीं कहो, कि बे झुठी सन्देश देनके बन्द करएं। जब बे अइसियए बात सिखात हएं तओ आदमी उनके बारेमे बिबाद करत हएं। जाको परिणाम जा हए, कि बे झुठे गुरु बो कामके नाए कर रहे हएं, जो परमेश्वर उनके दइ रहए, जौनसे बे सिरफ परमेश्वरमे भरोसा करके कर सकत हएं।

2 तिमोथी 2:2

तए मोके बहुत आदमीनके अग्गु ख्रीष्टके बारेमे सन्देशके सिखात सुनो हए। जहेमारे मए चाँहत हओं, कि तए फिर अन्य बिश्वासीनके सन्देश सिखाए, जोके उपर तए भरोसा करत हए, और बे दुस्रेनके फिर जा सन्देश सिखानके योग्यके होमंगे।

तीतुस 1:12

क्रेट टापूको एक जनै आदमीके, जोके टापूके आदमी बोके बुद्धिमान मानत हएं और बो कही हए, “क्रेट टापूके आदमी हमेसा ठगत हएं। बे जंगली जानबरके हानी ब्यबहार करत हएं। बे अल्छी हएं और हमेसा बहुत जद्धा खानु खात हएं।”