रोमियों 5:6 - राना थारु नयाँ नियम

⁶ काहेकी जब हम निर्बल रहएं, तओ ख्रीष्ट ठिक समयमे दुष्ट आदमीनके ताहीं मरो।

परमेस्वर को सच्चो वचन

⁶ जब हम हबऊ बगैर सहारा के रहैं, मसीह बौ समय पापिन के ताहीं मर गौ जोकै परमेस्वर चुनी रहै।

रोमियों 5:6 交叉參考

रोमियों 11:26

बहे तरिकासे पुरए इस्राएल देशके आदमी उद्धार पामंगे; जैसे पबित्र-शास्त्रमे लिखो हए, “मुक्तिदाता यरूशलेम सहरसे आबैगो, और बा याकूबको बंशसे अधर्म हटाबैगो।

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

रोमियों 4:5

पर जौन परमेश्वरको कृपा पानके ताहीं काम नाए करत हए, बल्कि दोषीन्के निर्दोष ठहिरान बारो परमेश्वरमे बिश्वास करत हए कहेसे बोके परमेश्वर अपने अग्गु धर्मी घोषित करैगो।

रोमियों 5:10

काहेकी जब हम परमेश्वरके दुश्मन रहएं तओ बाको लौंणाको मृत्युके द्वारा बा हमरे सँग मेलमिलाप करी, जहेमारे हम नेहात्तओ जा जान सकत हएं, कि अब जबकी हमर बाके सँग मेलमिलाप हए, तओ बा हमके बचाबैगो। काहेकी ख्रीष्ट जिन्दा हए।

रोमियों 5:7

एक धर्मी आदमीके ताहीं मरन मुस्किल हए। सायद हुइ सकत हए, कि कोइ नेहात्तओकमे कोइ अच्छो आदमीनके ताहीं मरनके तयार हुइजए हए।

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

रोमियों 8:32

परमेश्वर अपने लौंणाके अपने ताहीं फिर नाए धरी, पर बाके हमर ताहीं अपने दुस्मनन्के सौँपदइ। बा हमएं बे सब चीजमे फिर अनुग्रह करैगो जो बा हमसे प्रतिज्ञा करी रहए।

रोमियों 8:34

कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

गलातियों 2:20

जा अइसो रहए, जैसे मए ख्रीष्टके सँग क्रूसमे मरीगओ, और अब मए जिन्दा नाए हओं, पर ख्रीष्ट मोएमे जीइत हए; जैसे मए अब जिइरहो हओं। अब मए परमेश्वरको लौंणामे भरोसा करके जीइ रहो हओं, जो मोसे इतनो जद्धा प्रेम करत हए, कि बा मेरे ताहीं अपनी ज्यान दइदइ।

गलातियों 4:4

पर जब बो समय आओ जोको योजना परमेश्वर बनाइ रहए, तओ परमेश्वर अपनए अपनो लौंणाके जा संसारमे पठाइ, और एक बैयर बाके जनम दइ, और बा एक यहूदी समुहके रुपमे जन्मो रहए और मोशाको नियम कानुनके पालन करत रहए।

इफिसियों 5:2

ख्रीष्टको उदाहरणके पालन करके दुस्रेन्के प्रति प्रेमसे भरो भओ जीबन जीबओ, जौन तुमसे प्रेम करी और तुमर पापनके उठानके ताहीं अपनएके बलिदान करके दइदइ। और परमेश्वर जा कामसे खुसी रहए, काहेकी बो बलिदान बाके ताहीं सुगंधित धुपके समान रहए।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

1 थेसलोनिकी 5:9

काहेकी परमेश्वर हमके जाकेमारे नाए चुनी, कि अपने दिक्कसे हमएं दण्ड देबए। बल्कि हम अपने प्रभु येशू ख्रीष्टके द्वारा उद्धार पानके ताहीं छानेगए हएं।

1 तिमोथी 1:9

हम जा फिर जानत हएं, कि मोशाको नियम कानुन धर्मी आदमीनके ताहीं नाए बल्कि बे आदमी जो परमेश्वरको नियम कानुनके अनदेखी करत हएं, और जाको आज्ञापालन नाए करत हएं। और बे आदमी, जो परमेश्वरके आराधना नाए करत हएं, और जो पापी हएं। और बे आदमी, जो अशुद्ध हएं और अपबित्र हएं बे परमेश्वरको आदर नाए करत हएं। और बे आदमी, जो अपने अइयादौवाको और आदमीनको हत्या करत हएं,

तीतुस 2:12

परमेश्वरको अनुग्रहके कारण, परमेश्वर हमके सिखात हए, कि हम अइसो ब्यबहार नाए करएं, जो ब्यबहार परमेश्वरके खुसी नाए बनात हए। और जौन चीजके पानके गैर-बिश्वासीनको इच्छा रहात हए, उइसो चीजको इच्छा हमके नाए करन पणत हए। और हम संसारमे हएं कहेसे बुद्धिमान और धार्मिकतासे परमेश्वरके खुसी बनानको ब्यबहार करन पणत हए।

हिब्रू 8:3

सबए प्रधान यहूदी पुजारी पाप क्षमाके ताहीं भेँटी और बलिदान चढान नियुक्त भए होत हएं। जहेमारे हमर प्रधान पुजारी ख्रीष्टके फिर पाप क्षमाके ताहीं कुछु चीज चढान जरुरी हए।

1 पतरस 1:20

जा संसारके सृष्टि होनसे अग्गु, येशू ख्रीष्ट मुक्तिदाता होबैगो कहिके परमेश्वर समयसे पहिलीए अठोट करी रहए। पर बा जे अन्तिम दिनमे जा संसारमे तुमर फाइदाके ताहीं आओ।

2 पतरस 3:7

पर परमेश्वर बहे बचनसे बादर और पृथ्वी अभौफिर अस्तित्वमे धरे हए, ताकी बिनके आगीमे नष्ट करपाबए। बाको आज्ञा नाए मानन बारे आदमीनके बा न्याय और नष्ट करन बारो दिनके ताहीं बचाए पणे हए।

यहूदा 1:15

बा सबए आदमीनको न्याय करैगो और सबए अधर्मी आदमीनको करोभओ सबए अनैतिक और दुष्ट काम और बाके बिरुद्धमे पापी आदमीनको बोलो भओ अपमानित शब्दनको दण्ड देबैगो।”

यहूदा 1:18

बे कहीं रहएं, “अन्तिम समयमे, हुवाँ बे आदमी रहामंगे, जौन प्रभु और बाके आदमीनको गिल्ला करंगे। जे बेही आदमी हएं, जौनको जीबन अपनो अभिलाषाके अधिनमे हएं, जौननके परमेश्वर स्वीकार नाए करत हए।”

यहूदा 1:4

मए जा लिखनडटो हओं, काहेकी झुटो शिक्षा सिखान बारे कोइ परमेश्वरको आज्ञा नाए मानन बारे कुछ आदमी तुमर बीचमे चुप्पएसे घुसँगे। जे आदमीनसे परमेश्वर बहुत पिढी अग्गु पबित्र-शास्त्रमे कही रहए, कि बा सजाए देबैगो। बे गलत अनैतिक काम करन बहाना बनानके ताहीं परमेश्वरको अनुग्रहके बारेमे हमर सन्देशके बदली हएं। बे हमर अकेलो मालिकके और प्रभु येशू ख्रीष्टके फिर अस्वीकार करत हएं।