रोमियों 3:30 - राना थारु नयाँ नियम

³⁰ काहेकी एकए परमेश्वर हए, जो खतना भएन बारेनके और खतना नाएभए बारेनके बिनको बिश्वासके आधारमे धर्मी ठहिरात हए।

परमेस्वर को सच्चो वचन

³⁰ काहैकि एकै परमेस्वर है, और बौ अपने बिस्वास के आधार मैं खतना करान बारे यहूदियन कै अपने संग रखैगो, और गैर यहूदिन कै उनके बिस्वास के जरिया धर्मी ठहरागो।

रोमियों 3:30 交叉參考

रोमियों 2:26

अगर खतना रहित आदमी नियम कानुनके नियमके पालन करत हए तओ परमेश्वर अइसे आदमीके बहे आदमी कता देखत हए जौनको खतना भओ हए।

रोमियों 2:27

तुम खतना करेभए यहूदी, खतना नाए करेभए गैर-यहूदीनसे दोषी ठहिरेजाबैगे। काहेकी तुम मोशाको लिखो भओ बातके और खतना पाएके फिर नियम कानुनके पालन नाए करत हओ। पर खतना नाए लगाएसे फिर, गैर-यहूदी कानुनको पालन करत हएं।

रोमियों 3:22

अइसियए परमेश्वर, येशू ख्रीष्टमे बिश्वास करन बारे सबएके धर्मी ठहिरात हए। काहेकी सब आदमी एक समान हएं।

रोमियों 3:28

जहेमारे हम जानत हएं, कि हम येशू ख्रीष्टमे सिर्फ बिश्वासएसे परमेश्वरके सँग धर्मी ठहिरत हएं, जा नाएकी मोशाको नियम कानुनके पालन करनके कारण।

रोमियों 4:16

जहेमारे आदमी बिश्वासके द्वारा परमेश्वरको प्रतिज्ञा प्राप्त करीं। अइसो जाकेमारे होत हए, ताकी बाचा अनुग्रहसे प्राप्त होबए। तओ अब्राहामके सारे सन्ताननके बो बाचा प्राप्त हुइ सकत हए। जा सिरफ उनके ताहीं इकल्लो नाए जो मोशाको नियम कानुनके अधिन रहात हएं बल्कि हर बे आदमीनके ताहीं हए जो अब्राहाम जैसो बिश्वाससे जितो हए, जो हम सबजनैको पुर्खा हए।

रोमियों 4:9

तओ जा धन्य बचन, का खतना बारेनके ताहीं इकल्लो हए या बिना खतना बारेनके ताहीं फिर? हम बहे कहिरहे हएं जो पबित्र-शास्त्र कहात हए, “परमेश्वर जो कही बोके उपर अब्राहाम बिश्वास करी, और परमेश्वर बोके धर्मी घोषित करी।”

गलातियों 3:20

परमेश्वर अपनए अब्राहामके सँग एक बाचा करी रहए। जहेमारे, कोइ मध्यस्थको जरुरी नाए हए।

गलातियों 3:28

काहेकी हम सब येशू ख्रीष्टमे अपनो भरोसा धरे हएं, जाकेमारे परमेश्वर हम सबके एक बरोबर देखत हए। जहेमारे ग्रीक भाषा मस्कन बारे समुह और यहूदीमे कोइ अन्तर नाए हए; नए कोइ कमैया, नए छुटकारा बारे; नए कोइ पुरुष, नए बैयर; काहेकी तुम सब येशू ख्रीष्टमे एक हओ।

गलातियों 3:8

और परमेश्वर पबित्र-शास्त्रमे बहुत पहिले कही हए, कि परमेश्वर गैर-यहूदीनके बिश्वासके द्वारा अच्छो समाचारसे धर्मी ठहिराबैगो, जा होनसे पहिलीए परमेश्वर अब्राहामके जा अच्छो बचनके पबित्र-शास्त्रमे बताए दइ रहए, कि “तेरे द्वारा, सब जातिके आदमी आशिष पामंगे।”

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

1 तिमोथी 2:5

काहेकी सिरफ एकए परमेश्वर हए, जो परमेश्वर और आदमीनके बीचमे मेलमिलाप करबाए सकत हए। बा येशू ख्रीष्ट हए, जो एक आदमीके रुपमे जनम लइ।