रोमियों 16:7 - राना थारु नयाँ नियम

⁷ भइया एन्ड्रोनिकस और बहिनीया युनियस जो मेरे यहूदी सँगी हएं, और मेरे सँग कैदी रहएं और ख्रीष्टसे चुनेभए चेला द्वारा बे बहुत सम्मानित हएं, और मए बिश्वासी बननसे पहिले बे बिश्वासी बने गए रहएं, उनके मिर नमस्कार हए।

परमेस्वर को सच्चो वचन

⁷ अन्द्रुनीकुस और यूनियास कै जो मेरे हितुआ-नातेदार हैं, और मेरे संग कैदखाना मैं गै रहैं, प्रेरित होन मैं खूब नाओं बारे हैं, और मोसे पहले मसीह बन गै रहैं, उनकै नमस्ते।

रोमियों 16:7 交叉參考

यूहन्ना 14:20

जब मए मारके जिन्दा हुइके लौटके आमंगो तओ तुम जान लेबैगे, कि मए मिर दौवामे हओं और तुम मोएमे और मए तुमरमे हओं।

यूहन्ना 15:2

अगर एक हँगा जो मोएमे जुणो हए, पर फरा नाए देतहए कहेसे बोके काट डारत हए, और जो फरा देतहए बोके छानदेत हए ताकी और फरा फराबए।

यूहन्ना 6:56

मिर शरीर खान बारो और मिर बलिदानको खुन पिन बारो मोएमे रएहए, और मए बोमे रएहओं।

रोमियों 16:10

अपेल्लेसके, जो जा स्पष्ट करीहए, कि बो ख्रीष्ट प्रति कित्नो इमान्दार हए, बोके फिर नमस्कार हए। अरिस्तोबुलसको परिवारके नमस्कार हए।

रोमियों 16:11

मेरे सँगी यहूदी हेरोदियनके नमस्कार हए। नर्किसको परिवारके जो प्रभुमे बिश्वासी हएं, उनके नमस्कार हए।

रोमियों 16:21

मेरे सँग काम करन बारो तिमोथी, और मिर नतेदार लुकियस, यासोन और सोसिपात्रो जो मेरे सँगी यहूदी आदमी हएं, बे तुमके नमस्कार पठाइ हएं।

रोमियों 16:3

येशू ख्रीष्टको काम करत पेती मेरे सँग काम करन बारे प्रिस्‍किला और बोक लोगा अकिलासके मिर नमस्कार हए।

रोमियों 16:6

तुमर ताहीं बहुत मेहेनत करन बारी मरियमके मिर नमस्कार हए।

रोमियों 16:8

एम्प्लीआतस, प्रभुमे मिर प्यारोके नमस्कार हए।

रोमियों 16:9

उर्बानस, ख्रीष्टमे हमर सँगए-सँग काम करन बारो, और मिर प्यारो सँगी स्ताखुसके नमस्कार हए।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

रोमियों 8:11

अगर तुममे परमेश्वरको आत्मा बास करत हए, जौन ख्रीष्ट येशूके मरो भओ मैसे जिन्दा करी कहेसे, बा जौन ख्रीष्ट येशूके मरो भओ मैसे जिन्दा करी, बा तुमर नाशवान शरीरके फिर जिन्दा करैगो जो आत्मा तुमरमे बास करत हए।

रोमियों 9:3

मए त हियाँतक फिर चाँहन सिक्तो, कि मेरे यहूदी बिश्वासी ददाभइया और मेरे अपने जातिके ताहीं परमेश्वर मोहीके सराप देबए और ख्रीष्टसे अलग होओं।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

2 कोरिन्थी 12:2

ख्रीष्टमे मए एक जनै आदमीके चिन्हत हओं, जो चौधा बर्ष अग्गु स्वर्गतक उठाओ लैगओ। जा घटना घटत पेती बो अभौफिर शरीरमे रहए कि नाए रहए कहिके सो मए नाए जानत हओं, पर परमेश्वर पक्का करके जानत हए।

2 कोरिन्थी 5:17

जहेमारे अगर कोइ ख्रीष्टमे बिश्वास करत हए कहेसे बो नयाँ स्वभाब पाइहए। पुरानो बितिगओ हए, देखओ नयाँ स्वभाब आइगओ हए।

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

गलातियों 1:22

पर ख्रीष्टमे बिश्वासी जो यहूदिया परदेशके मण्डलीमे रहात रहएं, बे मोके कभु भेँटी नाए रहएं।

गलातियों 2:2

और मए हुवाँ गओ, काहेकी परमेश्वर मोके जानके कही रहए। और जब मए हुवाँ रहओं, तओ मए अगुवनसे व्यक्तिगत रुपसे मिलो, और गैर-यहूदीनके अच्छो समाचारके बारेमे बताओ, ताकी अइसो नाए होए, कि जो मए करत रहओं या जो मए करतए आएरहो हओं, बोको कुछ परिमाण नाए निकरए।

गलातियों 2:6

फिर यरूशलेम सहरकी मण्डलीके अगुवा जो सन्देश मए सिखात रहओं, बोके बदलनके ताहीं मोके मजबुर नाए करीं। मोके जा बातसे कोइ फरक नाएहए, कि बे अगुवा कौन हएं।

गलातियों 5:6

अगर तुम ख्रीष्ट येशूके चेला हओ तओ जा बातसे कोइ फरक नाए पणत हए, कि तुमर खतना भओहए या नाए भओहए, पर जरुरी बात जा हए, कि हम ख्रीष्टके हमर मुक्तिदाताके रुपमे बिश्वास करत हएं। और हम परमेश्वर और दुस्रे आदमीनके प्रेम करत हएं।

गलातियों 6:15

काहेकी नए त खतना, और नए त बेखतना कुछु जरुरी नाए हए, पर जरुरी जा हए, कि “का हम नयाँ सृष्टिमे परिबर्तन भएहएं?”

इफिसियों 2:10

काहेकी येशू ख्रीष्टके सँग एकतामे हुइके हम नयाँ आदमी हुइके अच्छो-अच्छो काम करएं कहिके परमेश्वर हमके बनाइ। और हमर ताहीं करन बारो बो, अच्छो काम परमेश्वर पहिलीयएसे तयार करे हए।

कलस्सी 4:10

अरिस्‍तार्खस जो मेरे सँग जेलमे हए, और यूहन्ना मर्कूस जो बारनाबासको भइया लगत हए। मए जानत हओं, कि तुमके पहिलीयए यूहन्ना मर्कूसके बारेमे एक चिट्ठी मिलो हए, कि अगर बो तुमर ठिन आए, तओ बोसे अच्छेसे स्वागत करीयओ।

फिलेमोन 1:23

इपाफ्रास, जो मिर सँग जेलमे हए, काहेकी बो येशू ख्रीष्टको सेवा करत हए, बो तोके अभिबादन पठाइ हए।

1 यूहन्ना 4:13

जासे हम जानन हएं, कि हम परमेश्वरके सँग एकजुटमे रहात हएं, और परमेश्वर हमर सँग एकजुटमे रहात हए, काहेकी बा अपनो पबित्र आत्मा हमके दइ हए।

1 यूहन्ना 5:20

और जा फिर जानत हएं, कि येशू ख्रीष्ट परमेश्वरको लौंणा जा संसारमे आइगओ हए और बा हमके बुद्धि दइ हए, कि हम सच्चो परमेश्वरके चिन्हएं, और हम सच्चो परमेश्वरके सँग एकजुटमे हएं काहेकी हम परमेश्वरके लौंणा, येशू ख्रीष्टके सँग एकजुटमे हएं। बहे सच्चो परमेश्वर हए और बा कभी फिर नाश नाए होन बारो जीबन देतहए।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।