रोमियों 10:18 - राना थारु नयाँ नियम

¹⁸ पर मए जा पुँछत हओं, “का इस्राएल देशके आदमी ख्रीष्टके बारेमे सन्देश नाए सुनीं?” नेहात्तओ बे सुनीं हएं काहेकी पबित्र-शास्त्रमे लिखो हए, “बाको बचन पुरा पृथ्वीमे और पृथ्वीमे हर ठिहतक पुगीगए हएं।”

परमेस्वर को सच्चो वचन

¹⁸ लेकिन मैं कहथौं, का बे नाय सुनीं? सुनीं तौ जरूरै हैं, काहैकि सास्त्र मैं लिखो है, “उनकी अबाज पूरी पृथ्वी मैं, और बाके बचन दुनिया की छोर ले पुग गै हैं।”

रोमियों 10:18 交叉參考

मत्ती 24:14

और राजाको जा अच्छो समाचार सारा संसारमे सब जाति-जातिके आदमीनके ताहीं गवाहीके ताहीं परचार करो जएहए, ताकी सबए देशके जा स्वीकार करनके मौका मिलए।”

मत्ती 26:13

नेहात्तओ, मए तुमसे कहात हओं, सारा दुनियामे जहाँ जा अच्छो समाचार परचार हुइहए, जा बैयर जो करीहए, बोको चर्चा बक सम्झनाके ताहीं करोजएहए।”

मत्ती 28:19

जहेमारे तुम जाएके सब जाति-जातिके आदमीके चेला बनाओ; और बिनके पिता, पुत्र, और पबित्र आत्माके नाउँमे बप्तिस्मा देओ,

मत्ती 4:8

फिर शैतान येशूके एक उँचो पहाडमे लैजाएके संसारको सब राज्य और संसारको सम्पति येशूके दिखाइ,

मर्कूस 16:15

तओ येशू उनसे कही, “संसारमे हर ठिहामे जाओ और सब आदमीनके बीच अच्छो समाचार परचार करओ।

मर्कूस 16:20

और चेला सब ठिहामे गए और जाएके आदमीनके बीच अच्छो समाचारको परचार करीं। प्रभु बिनके मदत करी और जा शक्तिशाली चमत्कारके दिखाइ, कि बाको बचन सच्चो रहए। आमेन।

प्रेरित 1:8

पर जब पबित्र आत्मा तुमरमे आबैगो तओ तुम शक्ति पाबैगे, और तुम यरूशलेम सहरमे और पुरो यहूदिया परदेशमे और सामरिया परदेशमे और बाँकी पुरो संसार तक आदमीनके मिर बारेमे बताबैगे।”

प्रेरित 26:20

पर पहिले दमस्कस सहरमे, यरूशलेम सहरमे और सबए यहूदिया परदेशमे और अन्यजातिनके फिर, पाप करन छोडके परमेश्वर घेन घुमओ और दण्डसे बचनके ताहीं अइसे काम करओ। और तुम नेहात्तओ अपन मन बदलके पाप करन छोड देओ कहिके मए परचार करो।

प्रेरित 28:23

तओ पिच्छु बे यहूदी पावलको बातके सुननके दिन तोकीं। तुको भओ दिनमे पहिलेसे जद्धा यहूदी इकट्ठा हुइके पावलको डेरामे आए। बो दिन पावल सुबेरेसे संझी तक परमेश्वरको राज्यके बारेमे शिक्षा दइ। पबित्र-शास्त्रमे मोशाको नियम कानुन और अगमबक्तनको लिखो भओ बात लैके पावल येशूके बारेमे सम्झातए बिनके बिश्वासमे लानके कोसिस करी।

रोमियों 1:8

पहिले मए तुम सबके येशू ख्रीष्टके द्वारा अपने परमेश्वरके धन्यबाद देत हओं, काहेकी येशू ख्रीष्टमे तुमर बिश्वासको बारेमे बहुत ठाउँमे आदमी बात करत हएं।

रोमियों 15:19

पबित्र आत्मासे मोके दओगओ शक्तिसे मए अचम्मोके काम और चमत्कार करत हओं। जहेमारे जहाँ फिर मए यरूशलेम सहरसे लैके इल्लुरिकन परदेश तक गओ हओं, मए हुवाँ सब आदमीनके येशू ख्रीष्टके बारेमे अच्छो समाचार सुनाओ हओं।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

कलस्सी 1:6

जो तुमर ठिन पुगोहए, और जैसे पुरो संसारमे फैलरहो हए। और बहुतसे आदमी बिश्वासी हुइरहे हएं, उइसीयए जौन दिनसे तुम बो सन्देशके सुने, परमेश्वरको अनुग्रहके बारेमे सच्चो सन्देशके पुरो रुपसे बुझे, जा तुमर बीचमे अइसियए हुइ रहो हए, जब तुम पहिलो चोटी सन्देश सुने।

1 थेसलोनिकी 1:8

काहेकी तुमर हियाँसे केबल माकेडोनिया परदेश और अखैया परदेशमे इकल्लो प्रभुको बचन नाए सुनाओ गओ, पर हर ठाउँमे जहाँ हम जात हएं, हुवाँ हम आदमीनके, परमेश्वरमे भओ तुमर बिश्वासके बारेमे हमके बतात पात हएं। जहेमारे, हम दुस्रे जनैनके तुमर बारेमे कुछ फिर बतानको जरुरी नाए हए।