प्रकाश 7:14 - राना थारु नयाँ नियम

¹⁴ और मए बोसे कहो, “हे स्वामी, मए नाए जानत हओं पर तए जानत हए।” बो मोसे कही, “जे सेते लत्ता पैँधेभए आदमी बेहिं हएं, जौनको मृत्यु कष्टको भयानक समयमे भओ रहए। जे बे आदमी हएं, जौन थुमाके खुनसे अपनएके सफा बनाए लइ हएं।”

परमेस्वर को सच्चो वचन

¹⁴ मैं जबाब दौ, मालिक, “मोए नाय मालुम, तहीं जानथै।” बौ मोसे कही, “जे बे लोग हैं जो भयानक जुलम से सई सलामत निकर आए हैं। जे अपने चोंगा मेम्ना के खून मैं धोएकै सफेद करी हैं।

प्रकाश 7:14 交叉參考

मत्ती 24:21

काहेकी बो समयमे अइसो महासंकट हुइहए, जो दुनियाको उत्पत्तिसे हबएतक नाए भओ हए, नत कभु हुइहए।

मर्कूस 13:19

काहेकी बे दिनमे, अइसो महासंकट आएजएहए, कि परमेश्वरको करोभओ सृष्टिके सुरुवातसे लैके हबएतक अइसो नए भओहए नए त कभु हुइहए।

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

प्रेरित 14:22

और बे हरेक गाउँमे भए प्रभुके चेलनके मजबुत बनात बिश्वासमे रहिरहानके हौसला दइं। “परमेश्वरको राज्यमे पुगनसे पहिले हम दुख और कष्ट सहान पणैगो,” कहान बारी बात सिखाइ।

रोमियों 5:3

इतकए इकल्लो नाए हए, पर जब हम परेसानीमे होत हएं तहुँफिर आनन्दित होत हएं। काहेकी हमके पातहए, कि हम समस्यामे होत पेती, हम सहनसील होन सिखत हएं।

1 कोरिन्थी 6:11

पहिले तुम मैसे कुछ उइसीयए ब्यबहार करत रहओ, पर तुम प्रभु येशू ख्रीष्टके नाउँसे और हमरे परमेश्वरको आत्मा तुमर पापनके धोए दइ, और तुमके पबित्र बनाइ और तुमके धर्मी बनाइ।

2 थेसलोनिकी 1:4

जहेमारे हम परमेश्वरको मण्डलीमे तुमर बारेमे घमण्ड करत हएं। अइसियए, तुम परीक्षासे हुइके जातहओ, तहुँफिर तुम धिरजसे सहात रहात हओ और तुम अभौफिर येशू ख्रीष्टमे बिश्वास करत हओ।

हिब्रू 13:12

जहेमारे, येशू फिर आदमीनके अपने खुन द्वारा पबित्र करनके ताहीं यरूशलेम सहरके बाहेर बो दुख उठाइ और मरो।

हिब्रू 9:14

जा सोँचओ, कि मृत्यु घेन लैजान बारो कामसे ख्रीष्टको खुन हमर हृदयके त झन् कित्तो अच्छेसे शुद्ध बनाए सकत हए, ताकी हम जिन्दा परमेश्वरको आराधना कर पामएं। काहेकी अनन्त आत्माको शक्तिसे ख्रीष्ट हमके हमर पापके ताहीं एक सिद्ध बलिके रुपमे परमेश्वरके चढाइ।

1 पतरस 1:19

पर ख्रीष्टको बहुमोल खुनसे किनेगए हओ, जो निर्दोष और निष्खोट भेंणा कता रहए।

1 यूहन्ना 1:7

बहे करएं, जो अच्छो हए, जैसे परमेश्वर सिद्ध रुपमे बहुत अच्छो हए उइसियए हम फिर अच्छो जीबन जीइके, परमेश्वर और औरे आदमीनके सँग संगती करएं, तओ बाको लौंणा येशू ख्रीष्टको खुनसे हमके सब पापसे शुद्ध करैगो।

प्रकाश 1:5

और येशू ख्रीष्टके घेनसे जौनको बचनमे भरोसा करोजाए सकत हए। बहे हए जो मरनके बाद फिरसे जिन्दा हुइगओ हए और बो जा संसारके सब राजनको सासक हए। बा हमसे प्रेम करत हए और बा हमके बचात हए, बाको खुन हमके हमर पापसे बचात हए।

प्रकाश 12:11

और हमर बिश्वासी, शैतानके हराए दइ हएं। बे, बोके थुमाको खुनको शक्तिसे हराए दइ हएं, जो उन्हएं उनको पापनके छुणानके ताहीं मरोगओ रहए। बे बोके हराए दइं, काहेकी बे जा स्वीकार करतए रहे, कि थुमा उनको परमेश्वर रहए। हियाँतककी, उन्हएं सतावगओ और मारोगओ, पर बे अपनो बो स्वीकारसे पिच्छु नाए हटे।

प्रकाश 15:2

तओ मए कुछ देखो, जो समुन्दर कता दिखात रहए, जो फुलको बर्तन कता चम्कनडटो रहए और बोमे आगी फिर मिलो रहए। मए बे आदमीनके फिर देखो, जो राक्षससे जिते रहएं। बे राक्षसको और बोको मूर्तिको आराधना नाए करी रहएं, और उनमे राक्षसको नाउँको संख्याको छाप नाए लगाओगओ रहए। हुवाँ बे, बो समुन्दर किनारे ठाणे रहएं, और बे सब एक बिणा पक्णे रहएं जो परमेश्वर उन्हएं दइ रहए।

प्रकाश 17:6

और मए देखो, कि बो बैयर परमेश्वरके पबित्र आदमीनको खुन पिइके दर्हुया कता नसा हुइगइ रहए। काहेकी बे येशूमे बिश्वासयोग्यतासे येशूको अनुशरण करे रहएं। जा देखके मोके बहुत अचम्मो लागो।

प्रकाश 2:9

मए जानत हओं, कि तोके सतावगओ हए और तए गरीब हए। पर आत्मिक मामलामे तए बहुत धनवान हए। मए बे आदमीनके बारेमे जान्त हओं, जो दाबि करत हएं कि बे यहूदी हएं, पर बे सच्चे यहूदी नाए हएं। बे तेरे बातके बदनाम करत हएं, पर बास्ताबमे बे बहे समुहके सदस्य हएं जो शैतानको हए।

प्रकाश 22:14

अपनो लत्ता धोएके, सफा करके धरन बारे धन्यके हएं। काहेकी बिनके बहे सहरको फाटकसे घुसन अधिकार दओ जाबैगो। और उन्हएं बो पेणको फरा फिर खानके अधिकार दओ जाबैगो जो जीबन देतहए।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

प्रकाश 7:9

जाके पच्छु मए देखो, कि आदमीनको एक इतनी बणी भिड रहए, कि कोइ फिर बे सबके नाए गिनपैतो। बे संसारके हर जाति, कुल, राष्ट्र और भाषासे रहएं। बे सिंहासन और थुमाके ठिन ठाणे रहएं। बे सेतो लत्ता पैँधे रहएं और सबए आदमी अपने-अपने हातमे, खजुरिक हँगा पक्णे रहएं, जोकी सम्मानको चिन्हा रहए।