प्रकाश 6:2 - राना थारु नयाँ नियम

² तओ मए एक सेतो घोडा देखो, और बोमे चढन बारे आदमी धनुस लए रहएं: और बोके एक मुकुट दओगओ, और बो स्वर्गसे बाहिर पृथ्वीमे चलो आओ, बहे कता जो पहिलीएसे जितिगओ हए, और फिरसे जीत जाबैगो।

परमेस्वर को सच्चो वचन

² मैं देखो, एक सफेद घोड़ा है, और बामै सवार धनुस लै भै है, और बाकै एक मुकुट दौ गौ। और बौ जीतन के ताहीं एक विजेता के हानी बाहर निकरो है।

प्रकाश 6:2 交叉參考

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

1 कोरिन्थी 15:25

काहेकी ख्रीष्टके राजाके रुपमे शासन करन चाहो। जबतककी परमेश्वर बाके सब शत्रुन्के बाके अधिनमे नाए करदेए।

प्रकाश 11:15

जब सातौँ स्वर्गदूत अपन तुरही फुँकी, तओ मए स्वर्गमे बडो अबाजके पुकारत सुनो: “संसारमे अब औ कोइ नाए हए, जो राज्य करए। सिरफ हमर प्रभु परमेश्वर और बाको चुनो भओ ख्रीष्ट हए। और बा हमेसा-हमेसाके ताहीं राज्य करैगो।”

प्रकाश 11:18

बे गैर-यहूदी बहुत गुस्साने हएं जो तुमर उपर बिश्वास नाए करत हएं, अब समय आइगओ हए, कि तुम अपनो गुस्सा दिखाबओ और बे सबको न्याय करनको समय आइगओ हए, जो मरिगए हएं। अब बो समय फिर हए जब तुम बे अगमबक्तनके प्रतिफल देबैगे जो तुमर सेवा करत हएं और बे सब आदमीनके जो तुमर सम्मान करत हएं, जो कमजोर हएं और जो शक्तिशाली हएं और उनके जौननके महत्त्वपूर्ण मानो जातहए और जौननके महत्त्वपूर्ण नाए मानो जातहए, जब बहे समय तुम उनके नाश करदेबैगे जौन पृथ्वीमे बिनाश करीहए।”

प्रकाश 14:14

तओ मए सेतो बादर देखो, और आदमीको लौंणा कता एक जनैके बो बादर उपर बैठो देखो। और बाको मुणमे सोनोको मुकुट रहए और बाको हातमे एक पैनो हँसिया रहए।

प्रकाश 15:2

तओ मए कुछ देखो, जो समुन्दर कता दिखात रहए, जो फुलको बर्तन कता चम्कनडटो रहए और बोमे आगी फिर मिलो रहए। मए बे आदमीनके फिर देखो, जो राक्षससे जिते रहएं। बे राक्षसको और बोको मूर्तिको आराधना नाए करी रहएं, और उनमे राक्षसको नाउँको संख्याको छाप नाए लगाओगओ रहए। हुवाँ बे, बो समुन्दर किनारे ठाणे रहएं, और बे सब एक बिणा पक्णे रहएं जो परमेश्वर उन्हएं दइ रहए।

प्रकाश 17:14

बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

प्रकाश 19:14

स्वर्गके बहुत सेना बाके पिच्छु-पिच्छु लागे रहएं। बे फिर सेतो घोडामे सवार रहएं और बे सेतो मलमलको कपडा लगाए रहएं, जोमे एकौ दाग नाए रहए।

प्रकाश 3:21

जौन आदमी बुराइके हराए देबैगो, बे मेरे सँग मेरे सिंहासनमे बैठंगे जैसे मए जितो और मिर दौवा सँग बाको सिंहासनमे बैठो हओं।

प्रकाश 9:7

जे टिंण्हा घोडा कता दिखात रहएं, जो युद्धमे जानके ताहीं तयार रहएं। बे अपने मुणमे कुछ पैँधे रहएं जो सोनोको मुकुट जैसो दिखात रहए। उनको मुँहुँ आदमीनको मुँहुँ कता रहएं।