प्रकाश 4:8 - राना थारु नयाँ नियम

⁸ बे चारौ जिन्दा प्राणीनके छय-छय पखना रहएं और बे पखनाके बाहेर और भितर दुनौ घेन आँखीसे भरे रहएं। रातदिन बे अइसे कहातए गात रहात रहएं, “पबित्र, पबित्र, पबित्र परमप्रभु सर्बशक्तिमान परमेश्वर, बा बहे परमेश्वर हए जो समयकी सुरुवातसे लैके अबतक और हमेसाके ताहीं नाए बद्लत हए।”

परमेस्वर को सच्चो वचन

⁸ और चारौ जीव के छै-छै पंख हैं, चारौ तरफ और भीतर आँखी ही आँखी हैं; और बे रात-दिन बगैर सैंताए जौ कहते रहथैं, “पवित्र, पवित्र, पवित्र, सर्वसक्तिमान प्रभु परमेस्वर, जो रहै, और जो है, और जो आनबारो है।”

प्रकाश 4:8 交叉參考

प्रेरित 20:31

जहेमारे जा सम्झके होसियार हुइयओ, कि तीन वर्षतक दिनरात आँसु बहात हरेक आदमीनके मए चेतावनी देत रहो।

2 कोरिन्थी 6:18

मए तुमर दौवा होमंगो, और तुम मिर लौंणालौंणीया होबैगे; जा सर्बशक्तिमान परमप्रभु परमेश्वरको बचन हए।”

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

1 तिमोथी 4:16

जाके बारेमे होसियार रहो, कि तए कैसे रहात हए, और का सिखात हए। जे बातनमे स्थिर रहो, काहेकी अगर अइसो करतए रहो, तओ तेरे द्वारा परमेश्वर अपनए तोके और तेरे बात सुनन बारेनके फिर न्यायसे बचाबैगो।

2 तिमोथी 4:2

कि तए परमेश्वरको बचनको परचार कर; चहुँ परिस्थिति अच्छो होए या खराब होए, सब परिस्थितिमे परमेश्वरको परचार करन मत् छोड। तोके बे आदमीको करोभओ गलत कामके दिखान पणैगो और डाँटन पणैगो। बिनके शिक्षा देत पेती शान्तिसे सम्झैए और हौसला दिए।

हिब्रू 13:8

येशू ख्रीष्ट आज, कल और रोजए दिन एकए हानी होतहए। बा कभी फिर नाए बदल्थए।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,

प्रकाश 1:8

प्रभु परमेश्वर कहात हए, “महीँ हओं जौन सब चिजनको सुरुवात करो, और महीँ हओं जो सब चीजके खतम करंगो। मए बहे हओं, जो समयकी सुरुवातसे लैके अबतक और हमेसएके ताहीं नाए बद्लत हओं, मए सर्बशक्तिमान परमेश्वर हओं।”

प्रकाश 11:17

और कहान लागे, “हे सर्बशक्तिमान परमप्रभु परमेश्वर, सुरुवातसे लैके अबतक और कभी फिर नाए बद्लन बारो, हम नेहात्तओ तुमके धन्यबाद देत हएं काहेकी तुम अब अपनो महान शक्ति दिखाए हओ और तुम अब पृथ्वीमे अपनो राज्य सुरु करदए हओ।

प्रकाश 14:11

आगीसे निक्रन बारो धुवाँ जौन बिनके दुख देबैगो बो हमेसा बादर घेन उणतए रहाबैगो। रातदिन बिनके सताओ जएहए, काहेकी बे राक्षसको और बोको मूर्तिको आराधना करीं और बे बो राक्षसको नाउँको छाप लैं।”

प्रकाश 14:3

एक लाख चवालीस हजार आदमी सिंहासनके अग्गु, चार जिन्दा प्राणी और धर्मगुरुनके अग्गु बे एक नयाँ गीत गानडटे रहएं जो गीत बेहीं इकल्ले सिखपात रहएं। बेहीं हएं जौनके परमेश्वर पृथ्वीमे रहान बारे आदमीनके बीचसे छुणाइ रहए।

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 15:7

और फिर चार जिन्दा प्राणीन मैसे एक प्राणी हर एक स्वर्गदूतके, परमेश्वरके घेनसे जो हमेसा जीवित हए, क्रोधसे भरो भओ एक-एक सोनोको कटोरा दइ।

प्रकाश 16:14

तीन भुतके सँग अचम्मो काम करन क्षमता रहए और बे जा संसारके सब देशमे शासन करन बारेनके जमा करीं, ताकी बे सर्बशक्तिमान प्रभु परमेश्वरको महान दिनमे बाके बिरुद्धमे लणाइ लणन जाए पामएं।

प्रकाश 16:7

फिरसे मए बेदीसे कोइके मस्कत सुनो, “हाँ, सर्बशक्तिमान परमप्रभु परमेश्वर, नेहात्तओ तुमर आदमीनको सजाय देन बारो तरिका ठिक और सत्य हए।”

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 19:4

और बे चौबिसौ धर्मगुरु और बे चार जिन्दा प्राणी घुपटा पणके, सिंहासनमे बिराजमान भओ परमेश्वरके अइसे कहिके दण्‍डवत्‌ करीं, “आमेन, हल्लेलूयाह!”

प्रकाश 21:22

मए कोइ मन्दिर नाएदेखो काहेकी सर्बशक्तिमान परमेश्वर और थुमा बो सहरमे हएं। जहेमारे हुवाँ मन्दिरको कोइ जरुरत नाए हए।

प्रकाश 3:7

येशू मोसे जा फिर कही, “फिलाडेल्फिया सहरके मण्डलीके स्वर्गदूतके जा सन्देश लिख: मए बहे हओं जो पबित्र और सत्य हए, जोके सँग राजा दाऊदको चाभी हए, जब मए बो चभीसे ढोका खोलंगो, बोके कोइ फिर बन्द नाए कर्पएहए और जब मए चाभीसे बन्द करंगो बोके कोइ फिर नाए खोल पएहए। जो मए तोसे कहात हओं बोके सुन:

प्रकाश 4:4

बो सिंहासनके आसपिस औ चौबीस सिंहासन रहएं और मुणमे सोनोको मुकुट और सेतो लत्ता लगाएभए चौबिस जनै धर्मगुरु बो सिंहासनमे बैठे मए देखो।

प्रकाश 4:6

बो सिंहासनके अग्गु समुन्दर कता चौँडो कुछ रहए। जो सिसा कता स्पष्ट रहए। सिंहासनके चारौ किनारे जिन्दा प्राणी रहएं, जौनको शरीर आँखीसे पुरए तुपो रहए।

प्रकाश 4:9

जो सिंहासनमे बैठो हए, बा बहे हए जो सदादिन जिन्दा रहात हए। जब फिर चार जिन्दा प्राणी बाके महिमा, आदर और धन्यबाद देत हएं, तओ चौबिस धर्मगुरु बाके अग्गु घुपटा पणतहएं, और बाकी आराधना करत हएं। बे अइसे कहात सिंहासनके अग्गु अपने-अपने मुकुट धरदेत हएं:

प्रकाश 5:6

फिर मए चार जिन्दा प्राणीनके और चौबिस धर्मगुरुनके बीच सिंहासनके ढिँगै एक थुमाके ठाणो देखो, थुमामे बलिदानको चिन्हा रहए। बक सात सिंग और सात आँखी रहएं; जे परमेश्वरके सात आत्मा हएं जो पुरो पृथ्वीमे पठाए गए हएं।

प्रकाश 6:1

फिर मए देखो, कि थुमा बे सात मोहर मैसे एकके खोली; और मए चार जिन्दा प्राणीन मैसे एकके बुलात सुनो। बोको अबाज गर्जन कता तेज रहए। बो कही, “अब जा, अग्गु बढ।”

प्रकाश 6:6

मए सुनो, कि बे चार जिन्दा प्राणीनके बीचसे कोइ मस्कत रहए, जो एक आदमी कता रहए: “भबिष्यमे पृथ्वीमे एक दिन अकाल होइगो और जहेमारे एक दिनको देहाणी सिरफ एक किलो गेहुँ या सिरफ तीन किलो जव इकल्लो किननके ताहीं पुगैगो। पर जैतूनको तेल और अंगुरको रसाको कमी नाए होबैगो।”

प्रकाश 7:11

सब स्वर्गदूत सिंहासनके चारौ घेन और धर्मगुरुनके और चार जिन्दा प्राणीनके चारौ घेन ठाणे रहएं। बे सब सिंहासनके अग्गु घुपटा पणे और परमेश्वरके आराधना करीं। बे कहीं,

प्रकाश 7:15

जहेमारे, “बे परमेश्वरको सिंहासनके अग्गु ठाणे हएं, और बे हर समय दिनरात परमेश्वरके महापबित्र ठाउँमे बाकी सेवा करत हएं। और बिनको सुरक्षा बाके द्वारा करोजात हए, जो सिंहासनमे बैठो हए, काहेकी बा हुवाँ उनके सँग हए।