प्रकाश 3:1 - राना थारु नयाँ नियम

¹ येशू मोसे अइसेफिर कही, “सार्डिस सहरके मण्डलीके स्वर्गदूतके जा सन्देश लिख: मए बहे हओं जौन अपनो हातमे सात तारा पक्णे हओं और जौन परमेश्वरको सात आत्माके बाहिर पठातहए। बा अइसे कहान डटो हए: मोके पता हए, कि तए कैसो कडा मेहेनत करत हए। तए मोके बिश्वास करो कता करत हए पर खासमे तए नेहात्तओक तए मिर अनुसरण नाए करत हए।

परमेस्वर को सच्चो वचन

¹ “सरदीस नाओं की कलीसिया के दूत कै जौ लिख: जोके पास परमेस्वर की सात आत्मा और सात तारा हैं, बाके घाँईं से जौ संदेस है। मोकै मालुम है कि तुम का कर रै हौ; मैं जानथौं कि तुम मरे भै होत भै भी जिंदो होन की सोच रखथौ!

प्रकाश 3:1 交叉參考

लूका 15:24

काहेकी जा मिर लौंणा मरो कता रहए, पर फिर जिन्दा भओ हए, हरानो रहए अब मिलिगओ हए।’ तओ बे आनन्द मनानलागे।”

लूका 15:32

पर अब आनन्द करन और खुसी होनचाहो काहेकी जो तेरो भइया मरो जैसो रहए, बो जिन्दा भओ हए, हरानो रहए पर अब मिलिगओ हए।’”

यूहन्ना 1:16

पर बाको अनुग्रहको पूर्णतासे हम एक अनुग्रह उपर दुस्रो अनुग्रह पाएहएं।

यूहन्ना 1:33

और बा ख्रीष्ट रहए कहिके मए बाके नाए चिनो रहओं, पर जौन मोके पानीको बप्तिस्मा देनके पठाइ, बहे मोसे कही, ‘जौन आदमी उपर तुम पबित्र आत्मा आत और बैठत देखैगे, बहे पबित्र आत्माको बप्तिस्मा देन बारो हए।’

यूहन्ना 20:22

इतका कहिके येशू चेलनके उपर अपनो साँस फुक्के कही, “पबित्र आत्मा लेओ।

यूहन्ना 3:34

काहेकी जौनके परमेश्वर पठाइ हए, बा परमेश्वरको बात बत्कात हए: काहेकी परमेश्वर, पुरा रुपसे पबित्र आत्मा देतहए।

प्रेरित 2:33

अब बा स्वर्गमे परमेश्वरको दहिना हात घेन सबसे बडो सम्मानको ठाउँमे बिराजमान हए। और दौवा जैसे बाके बाचा करी रहए, उइसियए बाके पबित्र आत्मा दइ और बो पबित्र आत्मा हमके दइ हए, जैसेकी तुम आजकाल देख रहेहओ और सुनरहे हओ।

इफिसियों 2:1

पहिले जब तुम ख्रीष्टमे बिश्वास नाए करे रहओ, बो समयमे तुम मरे आदमीन कता रहओ। तुमर ठिन बो जीबन नाए रहए, जौन जीबन परमेश्वरके घेनसे मिलत हए। काहेकी तुम पाप करे और परमेश्वरके आज्ञाके पालन नाए करे।

इफिसियों 2:5

हम खराब काम और पापनके कारण मरे रहएं, बा ख्रीष्टके सँग हमर सम्बन्धके कारण हमके आत्मिक जीबन प्राप्त करनको लायक बनाइ हए और परमेश्वरको अनुग्रहएसे तुमर उद्धार भओ हए।

कलस्सी 2:13

और तुम फिर अपन अपराध और अपन पापी स्वभाबको शक्तिसे स्वतन्त्र नाए रहओ। तओ परमेश्वर तुमके ख्रीष्ट सँग जीइबाइ, और हमर सब अपराधके माफ करी।

1 तिमोथी 5:6

बे बिधुवा जो अपने सारा समय सुख-सुबिधामे बितात हएं, बे एक मरे भए आदमीके हानी हएं। बे शारीरिक रुपसे जिन्दा हएं, पर आत्मिक रुपसे मरे भए हएं।

याकूब 2:26

जैसे शरीर साँस बिना मरो होतहए, उइसीयए बिश्वास फिर भले काम बिना मरो होतहए।

1 पतरस 1:11

ख्रीष्टको आत्मा बिनमे रहए और बिनसे कही, कि ख्रीष्ट कैसे कष्ट भोगैगो और पिच्छु बडो सम्मान मिलैगो। बहेमारे बे, सचमे ख्रीष्ट कौन होबैगो और जा कब होबैगो कहिके पत्ता लगान ढुँणीं।

यहूदा 1:12

जब जे आदमी प्रभुको प्रेम याद करके तुमर भोजमे तुमर सँग खात हएं, बे डर लगन बारो चट्टान कता हएं जो समुन्दर भितर लुके होत हएं और बे तुमके डुबान सिकत हएं। बे सरम नाएभए बक्रेहेरा कता हएं, जौन अपनो इकल्लो ख्याल करत हएं। बे बो बद्रि कता हएं, जौन सुखो जमिनमे बिना बर्षे ब्यार उणाएके लैजात हए। बे फरन बारे बे रुखा कता हएं, जो दुई चोटी मरचिके होत हएं, काहेकी बे कोइ फरा नाए देत हएं और जरएसे उख्डे रहात हएं। बो कहोक, बे पुरो मुस्किलमे हएं।

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 1:16

बाको दाहिना हात, सात तारनके पक्णे रहए, और बाको मुँहुँसे दुनौ घेन पैनो धार बारो तरबार निक्रो रहए। बाको अनुहार दुपहारको उजियारो कता रहए जैसे सूर्य चम्कत हए।

प्रकाश 1:20

अब मए बतामंगो, कि मेरे दाहिना हातके सात ताराको अर्थ का हए, और सोनोके सात दियाको अर्थ का हए, जोकी पहिले कोइके पता नाए रहए। जाको अर्थ जा हए: सात दिया सात मण्डली हएं, और बे सात तारा सात मण्डलीक स्वर्गदूत हएं।

प्रकाश 1:4

जा चिट्ठी यूहन्नाके घेनसे एशिया परदेशमे भए सात मण्डलीनके लिखरहो हओं: मए प्राथना करत हओं, कि तुमके परमेश्वरके घेनसे अनुग्रह और शान्ति प्राप्त होबए; बा बहे परमेश्वर हए जो समयकी सुरुवातसे लैके अबतक और हमेसएके ताहीं नाए बद्लत हए। और बे सात आत्मा हएं, जो परमेश्वरको सिंहासनके अग्गु हएं,

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 2:19

मए पता हए, कि तए कैसे कडा मेहेनत करत हए, तए एकदुस्रेनके प्रेम करत हए और तिर बिश्वास मोएमे मजबुत हए। और मोके पता हए, कि तए एकदुस्रेनके कैसे मदत करत हए, तोएमे सहानको क्षमता हए। मोके पता हए, कि तए पहिले मोएमे बिश्वास करो समयसे अभए जे अच्छे काम करनडटो हए।

प्रकाश 2:2

मए जान्त हओं, कि तए का करत हए, तए कैसे कडा मेहेनत करत हए और कभी हार नाए मानत हए। और मए जा फिर जान्त हओं, कि तए बुरे आदमीनको झुठी शिक्षनके नाए सहिपात हए। तए बे आदमीनके जाँचो हए जो कहात हएं, कि बे चुनेभए चेला हएं। पर बास्ताबमे बे नाए हएं, और तए जानो, कि बे झुठे हएं।

प्रकाश 2:9

मए जानत हओं, कि तोके सतावगओ हए और तए गरीब हए। पर आत्मिक मामलामे तए बहुत धनवान हए। मए बे आदमीनके बारेमे जान्त हओं, जो दाबि करत हएं कि बे यहूदी हएं, पर बे सच्चे यहूदी नाए हएं। बे तेरे बातके बदनाम करत हएं, पर बास्ताबमे बे बहे समुहके सदस्य हएं जो शैतानको हए।

प्रकाश 3:15

मोके पता हए तए कैसो कडा मेहेनत करत हए, तए बहे पानी कता हए जो नए तत्तो नए ठन्डो हए। मए चाँहत हओं, कि अगर तए मेरे पिच्छु नेँगैगो कहेसे, नेहात्तओक नेँग, अगर नाए निँगेहए कहेसे पिच्छु मतलग।

प्रकाश 3:2

जहेमारे जगो रहो, मोएमे तिर बिश्वासके मजबुत बना, ताकी जा सब पुरा रुपमे खतम नाए होए, काहेकी तिर कुछ बिश्वास बाँकी हए। मोके पता हए, कि तए सिद्ध नाए हए काहेकी तए जो करनडटो हए बोसे परमेश्वर खुसी नाए हए।

प्रकाश 3:8

मोके पता हए तए कैसो कडा मेहेनत करत हए। मोए पता हए, कि तेरे सँग थोरीए शक्ति हए, तहुँफिर मए तोसे कहीभइ बात तए पालन करो हए। तए मोएमे लगातार बिश्वास करेपणे हए, जहेमारे मए तेरे ताहीं एक ढोका खोलंगो जोके कोइ फिर बन्द नाए कर्पएहए।

प्रकाश 4:5

बो सिंहासनसे बिजुली, अबाज और गर्जन निक्रत रहए और बो सिंहासनके अग्गु सात बत्ति पज्रे रहएं जे परमेश्वरके सात आत्मा हएं।

प्रकाश 5:6

फिर मए चार जिन्दा प्राणीनके और चौबिस धर्मगुरुनके बीच सिंहासनके ढिँगै एक थुमाके ठाणो देखो, थुमामे बलिदानको चिन्हा रहए। बक सात सिंग और सात आँखी रहएं; जे परमेश्वरके सात आत्मा हएं जो पुरो पृथ्वीमे पठाए गए हएं।