प्रकाश 22:7 - राना थारु नयाँ नियम

⁷ “देखओ, मए जल्दीए आएरहो हओं। जा किताबमे लिखो भओ अगमबाणीको बचन पालन करन बारे धन्यके हएं।”

परमेस्वर को सच्चो वचन

⁷ “सुनौ! ईसु कहथै। मैं जल्दिये आए रहो हौं! धन्य हैं बे जो जौ किताब की भविस्यवाँड़ी की बात मानथै!”

प्रकाश 22:7 交叉參考

प्रकाश 1:11

“तए जो कुछ देखत हए, बोके एक खलरीको चिट्ठीमे लिख्, और जाके सात मण्डलीनके पठा, जो जे सहरमे हएं: एफिसस सहर, स्मुर्ना सहर, पर्गामम सहर, थिआटीरा सहर, सार्डिस सहर, फिलाडेल्फिया सहर, और लाउडिकिया सहर।”

प्रकाश 1:3

परमेश्वर हर बो आदमीके आशिष देबैगो जौन जा अगमबाणीके दुस्रेनके पढके सुनात हए, और बा हर बो आदमीके आशिष देबैगो जौन जाके सुनत हए और जाके पालन करत हए। काहेकी जे चीज जल्दीय होमंगे।

प्रकाश 16:15

दुष्ट आत्मा सासकनके और उनको फौजनके बहे ठिहामे इकट्ठा करी जौनके हिब्रू भाषामे आर-मागेड्डोन कहोजात हए। जहेमारे प्रभु येशू कही, “जा बात सुन, मिर आगमन एक चुट्टा कता इक्बरी हुइहए। बो आदमी धन्यको हए, जो मिर आगमनके बेरामे जग्तए रहात हए, और अपनो कपडा तयार करे रहात हए। अगर बे अइसे करहएं, तओ बे नङ्गा नाए होमंगे और कोइ फिर उनके सरममे नाए करैगो, चहुँ बे बाहिर बहुत आदमीनके बीचमे चले जाएं।”

प्रकाश 2:16

जहेमारे पाप करन छोडके परमेश्वर घेन घुम, अगर तए अइसो काम करन बन्द नाए करैगो, तओ मए जल्दीए आमंगो और बे आदमीनके बिरुद्ध बो तरबारसे लडंगो, जो मिर मुँहुँसे निक्रत हएं, जो मिर बचन हए।

प्रकाश 22:12

तओ प्रभु येशू कही, “देख, मए जल्दीए आमंगो। आदमीको करोभओ काम अनुसार इनाम या दण्ड देनके ताहीं मए आएरहो हओं।

प्रकाश 22:18

मए यूहन्ना हओं, मए तुम सबके जा चेतावनी दइ रहो हओं। जौन सुनीहएं, कि जा अगमबाणीको किताबमे का लिखो हए: अगर कोइ जा पुस्तकमे कुछु थपी कहेसे परमेश्वर बोको दण्ड थप्देबैगो। जौन दण्डके बारेमे जा पुस्तकमे बताओ गओ हए।

प्रकाश 22:19

अगर कोइ अइसो आदमी हए, जो जा पुस्तकमे भबिष्यबाणी करीभइ बात मैसे कुछ हटाइ कहेसे, तओ परमेश्वर फिर बो पेणसे फरा खानको अधिकारके हटाए देहए जो जीबन देतहए। और बोको पबित्र सहरमे रहानको अधिकार फिर हटाए देबैगो, जोके बारेमे जा किताबमे बताओ गओ हए।

प्रकाश 22:20

येशू जे सब बचनको गवाही देतहए, और बा कहात हए, “नेहात्तओ, मए जल्दीए आएरहो हओं।” मए यूहन्ना जबाफ दओ “आमेन! हे प्रभु येशू आबओ।”

प्रकाश 22:21

मए प्राथना करत हओं, कि हमर प्रभु येशू ख्रीष्ट पबित्र आदमीनके अनुग्रह करतए रहाबए। आमेन।

प्रकाश 3:11

मए जल्दी आएरहो हओं। बहेमारे तोके मोएमे मजबुत हुइके बिश्वास करे रहान पणैगो, ताकी कोइ तेरो जितको इनामके पानेसे रोकनाए पाबए, जो एक मुकुट कता हए।

प्रकाश 3:3

तए पहिले सुनो भओ और बिश्वास करोभओ शिक्षाके याद कर। तोके जो सिखाओ गओ रहए बोके पालन कर, तेरो गलत कामसे पाप करन छोडके परमेश्वर घेन घुम। अगर तए गलत काम करन नाए छोडो कहेसे, मिर आगमन एक चुट्टा कता इक्बरी हुइहए, और तोके बो बेरा फिर पता नाए हुइहए, कि जब मए तोके सजाए देन आमंगो।