प्रकाश 2:3 - राना थारु नयाँ नियम

³ मए जानत हओं, कि तए मोएमे बिश्वास करेके कारणसे धर्यपुर्वक कष्ट सहो हए, तहुँफिर मिरमे तिर बिश्वास मजबुत हए।

परमेस्वर को सच्चो वचन

³ तुम धीरज रखथौ, तुम लोग मेरे नाओं से कितनो दुख उठाए हौ, और तुम हार नाय माने हौ।

प्रकाश 2:3 交叉參考

मर्कूस 15:21

जब बे सहरसे बाहिर जात रहएं, तओ सिमोन नाउँको एक आदमी सिमोन कुरेनी सहरको इलाकासे यरूशलेम सहरमे आत रहए। और बो अलेक्जेन्डर और रुफसको दौवा रहए, सैनिक बोके हुकुम दइं, कि बो क्रूसके उठाएके बो ठिहातक लैजए जहाँ येशूके क्रूसमे चढामंगे।

लूका 14:27

और जौन मिर अनुसरण नाए करैगो और मिर ताहीं अपनो क्रूस नाए उठाबैगो और मरनके ताहीं तयार नाए होबैगो; बो मिर चेला नाए हुइपए हए।

लूका 18:1

हमेसा परमेश्वरसे प्राथना करन पणतहए और दुखी नाए होन पणत हए कहिके येशू अपन चेलनके बुझानके ताहीं अइसे कहानी कही:

लूका 21:19

तुम परमेश्वरमे बिश्वासयोग्य रहाबैगे कहेसे परमेश्वर तुमर जीबनके बचाबैगो।”

लूका 5:5

पर सिमोन येशूसे कही, “हे महान गुरु, हम सारी रात मेहेनत करके फिर कुछु नाए पकणपाए। तहुँफिर, तुम अइसे कहात हओ तओ मए जार डारंगो।”

लूका 8:15

पर अच्छी जमिनमे पणन बारे बेही हएं, जौन बचन सुनके अच्छो मन और भलो ह्रदयमे बाके बचाए रहतहएं, और धैर्यसाथ फरा फरातहएं।

यूहन्ना 15:21

पर जे सब कुछ, आदमी तुमके मेरे चेला होनेके कारण सतामंगे, काहेकी बे मोके पठान बारो परमेश्वरके नाए चिन्त हएं।

रोमियों 12:12

तुमर ठिन जो आसरा हए बोमे तुमके खुसी होन चाहो, दुखमे धैर्य करओ, और लगातार प्राथना करतए रहाओ।

रोमियों 16:12

बहिनीया त्रुफेना और त्रोफोसाके, जो प्रभुमे मेहेनत करत हएं, उनके नमस्कार हए। प्यारी बहिनीया परसीसके, जो प्रभुमे बहुत मेहेनत करी, बोके नमस्कार हए।

रोमियों 2:7

जौन असल काममे स्थिर रहिके महिमा, आदर और अमरकी खोजिमे हए, उनके परमेश्वर कभी फिर नाश नाए होन बारो जीबन देबैगो;

रोमियों 8:25

पर हमके कुछ अइसो पानको आसरा हए जो हमर ठिन अभए तक नैयाँ, जहेमारे हम धर्यसे तबतक आसरा करत हएं जब तक हम बोके प्राप्त नाए करलेमएं।

1 कोरिन्थी 13:7

प्रेम करन बारे कभी हार नाए मन्त हएं, सब बातको आसरा करत हएं, बे हमएं परमेश्वरमे अपनो बिश्वास बनाए रहानमे सक्षम बनात हएं, कठिनाइ और पीडासे होतए धैर्यसे स्थिर रहात हएं।

1 कोरिन्थी 16:16

जहेमारे मए तुमसे बिन्ती करत हओं कि अपनएके समर्पित करओ, और हर एकको बात मानओ जो कडा परिश्रम करत हए और जो जहे कता सच्चो भक्तिके साथ सेवा करत हए।

2 कोरिन्थी 10:15

हम सिमा नाँघके दुस्रेनको मेहेनतमे गर्ब नाए करत हएं, पर हमर आसरा जा हए, कि तुमर बिश्वास बढतए जात पेती तुमर बीचमे हमर काम और जद्धा बढतए जाबैगो।

2 कोरिन्थी 11:23

का बे ख्रीष्टके सेवक हएं? मए ख्रीष्टको औ अच्छो सेवक हओं। पागल कता मए बत्कात रहत हओं। मए उनसे कहुँ जद्धा बन्दी बनाओ गओ हओं, अनगिन्ती पिटो गओ हओं, अक्सर मेरे प्राण संकटमे पणे हएं।

2 कोरिन्थी 4:1

जहेमारे परमेश्वरको कृपा द्वारा हमर सँग परमेश्वरको बचन परचार करन बारो सेवा भओके कारणसे हम हरेस नाए खात हएं।

2 कोरिन्थी 4:16

जहेमारे हम हरेस नाए खात हएं। हमर बाहिरी मनुष्यत्व नाश होतए जातहए, तहुँफिर हमर आत्मा दिनए-दिन नयाँ होत जातहए।

2 कोरिन्थी 5:9

जहेमारे चहुँ हम बाके सँग स्वर्गमे होमएं, चहुँ हम जा धर्तीमे होमएं, बाके प्रसन्न करन हमर लक्ष्य होत हए।

2 कोरिन्थी 6:5

कुटाइ-चुटाइमे, कैदमे, हुलदङमे, मेहेनतमे, निँधानोमे, भुँखेमे,

गलातियों 6:2

हम मैसे जो फिर दु:खमे होए, तओ एक-दुस्रेके मदत करन चाहो, और अइसियए हम ख्रीष्टको नियम कानुनके पालन करत हएं।

गलातियों 6:9

हम भले काम करनमे निरास नाए होमएं, अगर हम कभी हार नाए मानंगे तओ परमेश्वरके समयमे इनाम पामंगे।

फिलिप्पी 2:16

और तुम जीबनको अच्छो समाचारके मजबुतसे पकणे रहाबओ। अइसो करे कहेसे जब ख्रीष्ट फिरसे आबैगो, तओ मिर दौड और मेहेनत बेकामको नाए गओ हए कहिके मए घमण्ड कर पामंगो।

फिलिप्पी 4:3

मेरे सँग सच्चो सेवामे मदत करन बारो, मए तोसे फिर बिन्ती करत हओं, कि तए बे बैयरनके मेलमिलाप करनमे मदत कर, काहेकी बे मेरे सँग अच्छो समाचार फैलानमे, क्लेमेस और बाँकी मेरे सँग सेवामे मदत करन बारे समेत मेहेनत करीं, जौनन्को नाउँ जीबनको किताबमे लिखेहएं।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

1 थेसलोनिकी 1:3

जब हम अपनो दौवा परमेश्वरसे प्राथना करत हएं, तओ हम बे कामके याद करत हएं जो तुम बिश्वासके कारण करत हओ। और दुस्रेनके उपर प्रेम दिखानके ताहीं जो कडी मेहेनत तुम करत हओ, और तुम सतावट सहे करत हओ काहेकी तुम प्रभु येशू ख्रीष्टको लौटनको आसरा कर रहेहओ।

1 थेसलोनिकी 2:9

हे मेरे बिश्वासी ददाभइयओ, हम रातदिन कामधन्दा करतए तुमर बीचमे परमेश्वरको अच्छो समाचार परचार करे। ताकी हमसे जो जरुरत हए बोके पुरा करनके ताहीं तुमके कुछ देनके जरुरी नाए पणए कहिके हम मेहेनत और दुख करे कहान बारी बातके तुम सम्झत हओ।

1 थेसलोनिकी 5:12

हे मेरे बिश्वासी ददाभइयओ, हम तुमसे बिन्ती करत हएं, कि जौन तुमर ताहीं बहुत मेहेनत करत हएं, और प्रभुमे तुमर अगुवा हएं, और तुमके सल्लाह देत हएं, उनके आदर करओ।

2 थेसलोनिकी 3:13

और हे मेरे बिश्वासी ददाभइया, काहेकी तुम थकगए हओ तभीमारे जो सही हए बो करनके बन्द मत् करओ।

2 थेसलोनिकी 3:5

हम प्राथना करत हएं, कि प्रभु येशू ख्रीष्ट तुमके जा सम्झनको लायक बनाबए, कि परमेश्वर तुमके कित्नो प्रेम करत हए। और तुम अइसे सहाओ, जैसे येशू ख्रीष्ट सही।

2 थेसलोनिकी 3:8

हम कोइकी रोटी सेतएमे नाए खाए। पर मेहेनत और कष्टसे रातदिन काम धन्धा करत रहएं, ताकी हमके जो चीजको जरुरत होए, बोके पुरा करनके ताहीं तुम मैसे कोइमे निर्भर नाए पणएं।

1 तिमोथी 4:10

हम जा जीबन पानके ताहीं संघर्ष करत हएं और कडी मेहेनत करत हएं काहेकी हम जिन्दा परमेश्वरमे आसरा करत हएं जो सब आदमीनको मुक्तिदाता हए, और खास करके उनको मुक्तिदाता हए, जो बामे बिश्वास करत हएं।

1 तिमोथी 5:17

कोइ फिर मण्डलीके अगुवनके ठिक सम्मान देन पणत हए, जौन अपन कामके अच्छेसे करत हएं। और खास करके उनके, जो परमेश्वरको सन्देशके सिखानके ताहीं और परचार करनके ताहीं कर्रो मेहेनत करत हएं।

हिब्रू 10:36

तुमके बिश्वासमे स्थिर रहिके आसरा देखन जरुरी हए। तओ तुम परमेश्वरको इच्छा पुरा करपाबैगे और परमेश्वरसे प्रतिज्ञा करेभए सबए चीज पाबैगे।

हिब्रू 12:1

हमर आसपिस अइसे बहुत आदमी हएं, जौनको जीबन हमके बिश्वासको अर्थ बतात हए। बहेमारे हमर डगरमे आन बारे बाधा और हमके फसान बारो पापके हम हटामएं और हमर दौडके धैर्यसाथ दौरएं।

हिब्रू 13:13

जहेमारे आबओ, बलिदानकी रिति-रिबाजके छोड देओ ताकी येशूके ठिन जाए पामएं। और जैसे बा बेज्जत सहो, उइसीयए हम फिर बेज्जत सहिके आदमी बैठन बारे ठाउँसे बाहिर बाके ठिन जाएं।

हिब्रू 6:10

जैसी तुम अच्छो काम करेहओ और अब परमेश्वरको नाउँमे, परमेश्वरके आदमीनके ताहीं प्रेमसे सेवाको काम करत हओ, परमेश्वर तुमके भुलैगो नाए। काहेकी बा धर्मी हए।

हिब्रू 6:15

अब्राहाम धैर्यसे लम्बो समय तक आसरा लगो। और बो, परमेश्वर प्रतिज्ञा करो भओ आशिष पाइ।

2 पतरस 1:6

तुमके जहे इकल्लो जाननके नाए कि, समझदारीसे कैसे ब्यबहार करनके हए, बल्कि तुम बे बुरे कामनके फिर नाए करनके हए जो तुम करन चाँहत हओ। तुमके अच्छे कामनमे इकल्लो नाए, बल्कि तुमके कठिनाइमे फिर स्थिर होन पणो। तुमके स्थिर इकल्लो नाए होन हए, बल्कि तुमके अइसे जीइनके हए जोके द्वारा परमेश्वरको प्रसंसा होबए।

प्रकाश 1:9

मए यूहन्ना, तुमर सँगी बिश्वासी हओं, और येशूसे मिर एकता भओके कारण मए तुमर सँग परमेश्वरको राज्यमे, सरे दुखमे और उनके सहानकी शक्तिमे सहभागी हओं, मोके पत्मोस टापूमे पठाओ गओ रहए, काहेकी मए परमेश्वरके बचनके और येशू द्वारा प्रकट करोगओ सच्चाईके परचार करत रहओं।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।