प्रकाश 2:23 - राना थारु नयाँ नियम

²³ मए बक शिक्षाके मानन बारेनके मारदेहओं। और सब मण्डली पता पएहएं, कि मए बहे हओं जौन सबको मन और ह्रदय जाँच करत हए, और मए तुम सबके तुमर करोभओ काम अनुसार प्रतिफल देहओं।

परमेस्वर को सच्चो वचन

²³ मैं बाके अनुसरँड़ करन बारेन कै मार डारंगो, तौ सब कलीसिया जानंगी कि मैं बहे हौं जो सबन के मन और इच्छा कै जानथौं। और मैं ही तुमकै बाके कामन के हिसाब से बदला दुंगो।

प्रकाश 2:23 交叉參考

मत्ती 16:27

काहेकी आदमीको लौंणा अपन दौवाके महिमामे अपन स्वर्गदूत सँग अएहए, और बो बेरा बा हरएक आदमीनके बोको काम अनुसार प्रतिफल देहए।

लूका 16:15

येशू बिनसे कही, “तुम अपनएके आदमीनके अग्गु सही दिखातहओ, पर परमेश्वर तुमर मनके जानत हए, काहेकी जो चीज आदमीनको नजरमे खास मानो जाबैगो, बो चीज परमेश्वरको नजरमे तुच्छ मानो जाबैगो।

यूहन्ना 21:17

येशू फिर बासे तिसरो चोटी कही, “ए सिमोन, यूहन्नाको लौंणा, का तुम मोके प्रेम करत हओ।” पत्रुस दुखित हुइगओ, काहेकी बा तिसरो चोटी फिर बोसे अइसे पुँछी, “का तुम मोके प्रेम करत हओ?” और बो बासे कही, “हे प्रभु, तुम सब कुछ जानत हओ कि मए तुमसे प्रेम करत हओं।” येशू बोसे कही, “मिर भेंणनके रेखदेख कर।

यूहन्ना 4:16

येशू बोसे कही, “जा अपन लोगाके बुलाएके हियाँ लिया।”

प्रेरित 1:24

बे अइसे प्राथना करीं, “सब आदमीको ह्रदयको बात जानन बारो प्रभु, जे दुई मैसे तुम कौनके चुनेहओ सो हमके दिखाएदेओ,

रोमियों 14:12

उइसो हए कहेसे, हम मैसे सबएके अपने-अपने कामको लेखा परमेश्वरके देन पणैगो।

रोमियों 8:27

परमेश्वर, जो आदमीनको हृदय जानन बारो हए, बा पबित्र आत्माको बिचार फिर जानत हए, काहेकी बा पबित्र आदमीनके ताहीं परमेश्वरके इच्छाके अनुसार पुकारा करत हए।

2 कोरिन्थी 5:10

काहेकी हम सब एक दिन ख्रीष्टको न्याय-आसनके अग्गु खडा होन पणैगो। सब जनै जा शरीरमे होत पेती अच्छो या खराब, जो-जैसो काम करी हएं, बहे अनुसारको फल पामंगे।

गलातियों 6:5

काहेकी हम मैसे सब जनै अपनो ब्यबहारको जिम्मेदार अपनए हएं।

हिब्रू 4:13

परमेश्वरके नजरमे कोइ आदमी नाए लुको हए। और बाके हम, अपनो जीबनभर करोभओ कामको लेखा देन पणैगो। बाके अग्गु सब चीज स्‍पष्‍ट और खुल्ला हए।

1 पतरस 1:17

परमेश्वर सब आदमीनको करोभओ कामके बारेमे जानत हए। और बा सबए जनैके बिना पक्षपात करे न्याय करत हए। जब तुम परमेश्वरसे प्राथना करत हओ, तओ तुम बासे दौवा कहात हओ। अइसो हए कहेसे सदादीन बाको आदर करओ। जब तक तुम जा धर्तीमे परदेशीन कता अपरिचित कता रहाबैगे।

प्रकाश 2:11

हर कोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए। ‘बे आदमी जो बुराइके हराए देत हएं, उनके बो दण्डमे सामिल नाए करोजाबैगो जोकी दुस्रो मृत्यु हए।’”

प्रकाश 2:7

हरकोइ, जो मिर सन्देशके सम्झन चाँहत हए, बोके बे बातके ध्यानसे सुनन पणो जो परमेश्वरको पबित्र आत्मा मण्डलीनसे कहात हए: ‘बे आदमी जो बुराइके हराए देत हएं, उनके मए जीबन देन बारो पेणसे फल खानको अधिकार देमंगो, जो पेण परमेश्वरको स्वर्गको बगियामे हए।’”

प्रकाश 20:12

और मरे भए आदमीनके सिंहासनके अग्गु ठाणे देखो, अथवा बे, जो साधारण और महत्त्वपूर्ण रहएं। बे, जो समुन्दरमे डुबके मरे रहएं, और पाताल फिर चिहानमे भए सबए मरे भए आदमी, और बे सब जो मरे भए आदमीनके ठिहामे रहएं, बे सब बो सिंहासनके अग्गु ठाणे। बो जीबनको किताब खुलोगओ जोमे बे आदमीनको नाउँ लिखो रहए, जोके सँग कभी फिर अन्त नाए होन बारो जीबन रहए। बो जीबनको किताब फिरसे खुलोगओ जोमे आदमी जो-जो काम करी रहएं बो लिखो रहए। और हर आदमी जो करी रहएं, बोके अनुसार उनको न्याय करोगओ, जो बो किताबमे लिखो रहए।

प्रकाश 22:12

तओ प्रभु येशू कही, “देख, मए जल्दीए आमंगो। आदमीको करोभओ काम अनुसार इनाम या दण्ड देनके ताहीं मए आएरहो हओं।

प्रकाश 6:8

तओ मए एक पेरो घोडा देखो; और घोडामे सवार करन बारेनके मृत्यु कहोजात रहए और पाताल फिर जाके पिच्छु लागो रहए। और उन्हएं पृथ्वीमे रहान बारे हर चार आदमी मैसे एकके मारनको अधिकार प्राप्त भओ। बे उन्हएं तरबारसे मारडारीं, बे उन्हएं भुखसे मारडारीं, बे उन्हएं खराब-खराब बिमारीनसे मारडारीं, और बे उन्हएं जंगली जानबरसे फिर मर्बाए डारीं।