प्रकाश 19:12 - राना थारु नयाँ नियम

¹² बाकी आँखी आगिको ज्वाला कता उजियारो रहए, और बा बहुत मुकुट लगाए रहए। बामे एक नाउँ लिखो रहए, पर बाके इकल्लो बो नाउँको अर्थ पता रहए।

परमेस्वर को सच्चो वचन

¹² बाकी आँखी आगी की लपट के तराहनी रहैं, और बाकी मुड़िया मैं भौत से राजमुकुट रहैं। और बामै एक नाओं लिखो रहै, लेकिन बाकै छोड़ और कोई नाय जानत रहै बौ का है।

प्रकाश 19:12 交叉參考

मत्ती 11:27

मिर दौवा मोके सब कुछको जिम्मा दइ हए। केबल बहे इकल्लो हए जो लौंणाके चिन्हत हए, और बे आदमी चिन्हत हएं, जो लौंणा दौवाके देखन चाँहत हए।

मत्ती 21:5

“सियोनकी लौंणीयासे कहाओ, देखओ, तुमर राजा तुमर ठिन, बिनम्र हुइके गदहाको एक बछ्रक उपर बैठके आएरहो हए।”

मत्ती 28:18

तओ येशू बिनके ठिन आएके कही, “स्वर्ग और पृथ्वीको सब अधिकार मोके दओगओ हए।

लूका 10:22

मिर दौवा सब कुछको जिम्मा दइ हए। लौंणा कौन हए करके दौवा बाहेक कोइ नाए जानत हए। दौवा कौन हए करके लौंणा बाहेक औ कोइ लौंणा बाके नाए जानत हएं। और जौनकमे बा लौंणाके दिखानके चाहैगो, और जौन आदमीमे, लौंणा अपन दौवाके दिखान चाहैगो, बो फिर परमेश्वरके जानत हए।”

यूहन्ना 17:11

“अब मए संसारमे नाए रएहओं, मए तुमर ठिन आएरहो हओं, पर मेरे चेला अभौफिर संसारमे हएं। हे पबित्र दौवा, अपने नाउँको सामर्थसे उनको रक्षा करओ, जो तुम मोके दएहओ, कि जैसे मए और तुम, एक मन और एक उदेश्यमे हएं, उइसीयए मए प्राथना करत हओं, कि हमर चेला फिर उसीए होमएं।

यूहन्ना 17:12

जब मए बिनके सँग रहओं, तओ मए तुमर नाउँसे, जो शक्ति तुम मोके दएहओ, मए उनको रक्षा और रेखदेख करो। और बो आदमी जौन खोइगए रहएं, बिन मैसे मए कोइके नाश नाए होन दओ, जाकेमारे कि पबित्र-शास्त्रमे लिखो भओ बचन पुरा होबए।”

इफिसियों 1:21

बो ठाउँमे सब मेलके शासन, अधिकार, शक्ति और राज्य उपर, और जा युगको इकल्लो नाए पर आन बारे युगके फिर जित्ने नाउँ हएं, बे सबके उपर अधिकार करनके ताहीं ख्रीष्टके धरी।

हिब्रू 2:9

पर सच्चाई जा हए, कि कुछ समयके ताहीं, येशू स्वर्गदूतसे कुछ छोटो करोगओ। परमेश्वरको अनुग्रहसे येशू संसारके सब आदमीनके ताहीं कष्ट भोगी और मरो। जहेमारे परमेश्वर येशूके महिमा और आदर दइ।

प्रकाश 1:14

बाको मुणको बार, रुवा या हिउँ कता बहुत सेतो रहए। बाकी आँखी आगीको ज्वाला कता रहए।

प्रकाश 12:3

बादरमे एक और चिन्हा दिखाइ दइ, एक बहुत बडो अजिंगर रहए, जो शैतान हए। जौनके सात मुण और दश सिंग रहएं, और बक मुणमे सात मुकुट रहएं।

प्रकाश 13:1

मए एक राक्षसके समुन्दर मैसे निक्रत देखो, जौनके सात मुण और दश सिंग रहएं। और बक हर सिंगमे एक मुकुट रहए और बक हर मुणमे परमेश्वरके बिरुद्धमे बदनामको नाउँ रहएं।

प्रकाश 19:16

बाको लत्ता और दहिना जाँघमे “राजनको फिर राजा और प्रभुनको फिर प्रभु” लिखो हए।

प्रकाश 3:12

जौन आदमी बुराइके हराए देबैगो, बे परमेश्वरके बे महापबित्र ठाउँके खम्बा कता होमंगे, जौनको मए सेवा करत हओं और बे जाके कब्ही नाए छोडंगे। मए हुवाँ बक शरीरमे परमेश्वरको नाउँ लिखंगो। और परमेश्वरको सहरको नाउँ लिखंगो जौनके स्वर्गको यरूशलेम कहोजात हए। जा बो सहर हए, जो स्वर्गसे, अर्थात्, मिर परमेश्वरसे तरे आत हए। मए हुवाँ बक् शरीरमे मिर नयाँ नाउँ फिर लिखंगो।

प्रकाश 6:2

तओ मए एक सेतो घोडा देखो, और बोमे चढन बारे आदमी धनुस लए रहएं: और बोके एक मुकुट दओगओ, और बो स्वर्गसे बाहिर पृथ्वीमे चलो आओ, बहे कता जो पहिलीएसे जितिगओ हए, और फिरसे जीत जाबैगो।