प्रकाश 18:6 - राना थारु नयाँ नियम

⁶ जहेमारे मए कहात हओं, बो सहरके फिर उइसिए करओ, जैसे बो दुस्रे आदमीनके सँग करीहए। बोको सब बुरे कामनके ताहीं बक दुई गुणा जद्धा लौटाए दे। बो सहरके ताहीं दुई गुणा शक्तिशाली दुखकी तयारी कर, जैसो दुखसे बो दुस्रे आदमीनके सँग अत्याचार करी रहए।

परमेस्वर को सच्चो वचन

⁶ बाके संग बैसोई व्यवहार करौ जैसो बौ तुमरे संग करी; बौ जो कछु भी करी होबै बदले मैं बाकै दुई गुना देबौ। जो कटोरा मैं बौ भर दई रहै बहे मैं बाके ताहीं दुई गुना भर दियौ।

प्रकाश 18:6 交叉參考

2 तिमोथी 4:14

अलेक्जेन्डर जो लोहोरा रहए बो मोके बहुत तरिकासे मोके चोट पुगाइ हए। प्रभु बोके बोको दुष्ट कामके अनुसार बदला देबैगो।

प्रकाश 13:10

जौन आदमीनके जेलमे डारो जानके ताहीं फैसला हए, बे पक्कए फिर जेलमे डारे जामंगे, और अन्य आदमीनके ताहीं तरबारसे मारो जानके ताहीं फैसला हए, बे पक्कए फिर मारे जामंगे। जहेमारे नेहात्तओ, कि परमेश्वरके आदमी बे कठिनाइके सहाएं जौननको बे अनुभव करत हएं और बे बिश्वास करनमे पक्के हएं।

प्रकाश 14:10

बिनके परमेश्वर बहुत दण्ड देबैगो। जा अइसो हए जैसेकी, परमेश्वर बेहीं आदमीनके बहुत करुवान बारो चीज पिबानके देबैगो जोमे कोइ मिसावट नाए होबैगो, परमेश्वर बे आदमीनके पबित्र स्वर्गदूत और थुमाके अग्गु आगी और गन्धकमे कष्ट देबैगो।

प्रकाश 16:19

बेबिलोनको बडो सहर तीन भागमे अलग हुइगओ, और जाति-जातिके आदमीनको सहर नष्ट भए। काहेकी परमेश्वर बो पुरा करी, जौनके बा बेबिलोनके आदमीनके दण्ड देनके बारेमे प्रतिज्ञा करी रहए। जाके परमेश्वरके तरफसे बडो दण्ड दओ जाबैगो। जा अइसियए होबैगो, जैसे बे बिना पानी मिलाओ भओ दारु पिलैहएं। जौनके परमेश्वर अपनए बो कटोरासे अख्नाइ हए, जो बाको क्रोधके जनात हए।

प्रकाश 17:2

बोके सँग पृथ्वीके राजा व्यभिचार करी रहएं और बो सारा मानब जातिनके अपन जाण-दारुमे दरोहा बनाए दइ। जोको मतलब जा हए, कि बोको ब्यबहार गजब खराब हए, जौन ब्यबहार बो सरा मानब जातिनके सिखाइ हए।

प्रकाश 17:4

बो बैयर बैजनी और लाल रंगको चमकन बारो कपडा लागए रहए। बो अपनी शरीरके सोनोको गहना, महिंगो पत्थर और महिंगो मोतिसे सजाए रहए। अपने दहिना हातमे बो दारुसे भरो भओ एक सोनोको कटोरा पक्णे रहए, जो घिनौनो काम और खराब यौन ब्यवहारके जनात हएं।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”