प्रकाश 17:17 - राना थारु नयाँ नियम

^17-18 बो बैयर जोके तए देखो रहए, बो एक बहुत बडो सहर हए जो पृथ्वीमे सब राजनमे शासन करत हए। जे सब चीज बो बैयरके भओ रहए, काहेकी परमेश्वर अपने उदेश्य पुरा करनके ताहीं उनको मनके निर्देशन करीहए। जहे कारण हए, कि बा अपनो अधिकार राक्षसके दइदइ हए ताकी बो शासन करए, जबतककी बो सब पुरा नाए हुइजाए जो परमेश्वर कही रहए।”

परमेस्वर को सच्चो वचन

¹⁷ काहैकि परमेस्वर उनके मन मैं जौ डारैगो कि बे बाकी मनसा पूरी करैं; और जबले परमेस्वर के बचन पूरे ना हुई लेमैं, तब तक एक मन हुईकै अपनो-अपनो राज्य जानवर कै दे दियैं।”

प्रकाश 17:17 交叉參考

लूका 22:22

काहेकी मए आदमीको लौंणाके ता, पबित्र-बचनमे कहाओगओ अनुसार जानए पणैगो। पर बो आदमीके डर लागन बारो सजाय होबैगो, जौन मोके पकणबाए देहए।”

लूका 22:3

और बहे बेरा बाह्र चेला मैसे यहूदा इस्करियोत कहान बारोके भितर शैतान घुसिगओ।

लूका 22:37

काहेकी मए तुमसे कहात हओं, पबित्र-शास्त्रमे लिखो भओ ‘बाके अपराधीनके सँग गिनोगओ’ बात मोएमे पुरा होन पणैगो। काहेकी मिर बारेमे जो बचन लिखो हए, बो नेहात्तओ पुरा होनडटो हए।”

यूहन्ना 10:35

और तुम जानत हओ, कि पबित्र-शास्त्रके बदलाओ नाए जाए सकत हए। जहेमारे अगर बाके आदमीके अगुवनके ‘ईश्वर’ कहोगओ। जब मए जा कहात हओं, ‘मए परमेश्वरको लौंणा हओं’ तओ तुम मोसे का कहात हओ? ‘तए परमेश्वरको बदनाम करत हए।’ मए बहे हओं जौनके दौवा अलग करी हए और मोके संसारमे पठाइ।

यूहन्ना 13:18

येशू कही, “मए तुम सबके बारेमे नाए कहो हओं? जौनके मए चुनो हओं बोके मए चिन्त हओं, पर जा जहेमारे हुइ रहो हए ताकी पबित्र-शास्त्रमे लिखो भओ बचनमे जो लिखो हए बो पुरा होबए, ‘जौन मेरे सँग रोटी खाइ बहे मोके धोखा देहए।’

यूहन्ना 13:2

येशू और बाके चेला संझाके खानु खात रहएं। शैतान पहिलीयएसे येशूके पकणबाए, देनके ताहीं सिमोन इस्करियोतको लौंणा यहूदा इस्करियोतको मनके उस्काए दइ।

यूहन्ना 19:24

सिपाही एक-दुस्रे कहीं, “जाके नाए फारएं, पर चदराके ताहीं चिट्टा डारएं, कि जा कौनको हुइहए।” जा जहेमारे भओ। “बे मिर कुर्ता अपनए-अपनामे बाँटीं, और बाहिरको चदराके चिट्टा डारीं” कहिके पबित्र-शास्त्रमे लिखो भओ बचन पुरा होन आओ।

यूहन्ना 19:28

अब मिर सब काम निभटिगओ हए कहिके येशू जानी, और पबित्र-शास्त्रमे लिखो भओ बचन एक-एक करके सच साबित होबए कहिके येशू “मोके प्यास लागो हए” कहिके कही।

2 कोरिन्थी 8:16

मए परमेश्वरके धन्यबाद देत हओं, जौन तीतसको हृदयमे तुमर ताहीं बहे चिन्ता डारदइ, जैसे मए तुमर ताहीं करेकर्त हओं।

प्रकाश 10:7

तओ औ देर नाए होबैगी। जैसीए बो सातौँ स्वर्गदूत अपनी तुरही फुँकैगो, बो तुरन्त काम करैगो। परमेश्वर अपनी गुप्त योजनाके पुरा करैगो, जैसेकी बा अपने सेवक अगमबक्तनके जाकी अच्छो समाचार परचार करी रहए।

प्रकाश 15:1

तओपिच्छु मए बादरमे भओ चमत्कार चिन्हा देखो, जोकी बहुत अचम्मो और बहुत डरौनो रहए। हुवाँ सात स्वर्गदूत रहएं, जो सात अलग-अलग मेलके बिपत्ति लए रहएं। बे बिपत्ति अन्तिम हएं, काहेकी जब बे खतम हुइजामंगी, तओ परमेश्वरको क्रोध अन्त हुइ जाबैगो।

प्रकाश 17:13

जे दश राजनको एकए उदेश्य हए, और बे अपनो शक्ति और अधिकार राक्षसके देमंगे।

प्रकाश 19:9

तओ बो स्वर्गदूत मोसे कही, “जा लिख, थुमाको बेहाको भोजमे निउतो पान बारे धन्यके हएं।” बो मोसे फिरसे कही, “जे बात जो परमेश्वर कही हए, सत्य हएं।”

प्रकाश 6:11

उन मैसे सबएके सेतो लत्ता दओगओ। और परमेश्वर उनसे कही, “अभएके ताहीं अराम करओ, काहेकी अभौफिर तुमर कुछ सहकर्मी और बिश्वासी ददाभइया हएं जौननके तुमही कता मारडारे जएहएं। जब मारेजान बारेनकी संख्या पुरी हुइजएहए, तब्ही इकल्लो मए बदला लेमंगो।”