प्रकाश 17:1 - राना थारु नयाँ नियम

¹ बे सात कटोरा लेन बारे स्वर्गदूत मैसे एक जनै मेरे ठिन आएके कही, “इतए आ, मए तोके दिखामंगो कि परमेश्वर कैसे बो महा वेश्याके दण्ड देबैगो, जो एक अइसो ठिहामे बैठतहए जहाँ बहुत नदिया हएं।”

परमेस्वर को सच्चो वचन

¹ फिर सात स्वर्गदूतन के पास बे सात कटोरा रहैं, उनमैं से एक मेरे झोने आओ और मोसे जौ कही, “इतै आ, मैं तोकै दिखांगो कि नामी वैस्या को न्याय कैसे होगो, बौ महान सहर जो कई नदियन के किनारे बनो हैं।

प्रकाश 17:1 交叉參考

लूका 24:32

बे आपसमे कहीं, “जब येशू डगरमे हमके सम्झात रहए, और पबित्र-शास्त्रको अर्थ हमके सम्झात रहए, तओ हमर मन उत्सहा और आसरासे भरो रहए।”

लूका 9:30

तओ येशूसे दुई आदमी बात चित करत रहएं, बे मोशा और एलिया रहएं।

प्रकाश 1:1

परमेश्वर येशू ख्रीष्टके बे गुप्त बात बताइ जो बहुत जल्दी होन बारे हएं, ताकी बा उन्हएं अपनो सेवकनके अग्गु प्रकट करपाबए। बा अपनो स्वर्गदूतके बो सन्देश सँग बाको दास यूहन्ना ठिन पठाइ।

प्रकाश 15:1

तओपिच्छु मए बादरमे भओ चमत्कार चिन्हा देखो, जोकी बहुत अचम्मो और बहुत डरौनो रहए। हुवाँ सात स्वर्गदूत रहएं, जो सात अलग-अलग मेलके बिपत्ति लए रहएं। बे बिपत्ति अन्तिम हएं, काहेकी जब बे खतम हुइजामंगी, तओ परमेश्वरको क्रोध अन्त हुइ जाबैगो।

प्रकाश 16:19

बेबिलोनको बडो सहर तीन भागमे अलग हुइगओ, और जाति-जातिके आदमीनको सहर नष्ट भए। काहेकी परमेश्वर बो पुरा करी, जौनके बा बेबिलोनके आदमीनके दण्ड देनके बारेमे प्रतिज्ञा करी रहए। जाके परमेश्वरके तरफसे बडो दण्ड दओ जाबैगो। जा अइसियए होबैगो, जैसे बे बिना पानी मिलाओ भओ दारु पिलैहएं। जौनके परमेश्वर अपनए बो कटोरासे अख्नाइ हए, जो बाको क्रोधके जनात हए।

प्रकाश 18:1

तओपिच्छु मए एक औ स्वर्गदूतके स्वर्गसे तरे आत देखो। बोके ठिन बडो अधिकार रहए और बोको बडो महिमामय ज्योतिके कारण जम्मए पृथ्वी उजियारो भओ।

प्रकाश 19:2

बाको प्रसंसा करओ काहेकी बाके सब इन्साफ सत्य हएं। बा महा वेश्याके दण्ड दइ हए, काहेकी बो संसारके आदमीनके पाप करन लगाइ, और फिर परमेश्वर बोको खुनको बद्ला लइ, काहेकी बाके दास बो बैयर द्वारा मारे गए।”

प्रकाश 19:9

तओ बो स्वर्गदूत मोसे कही, “जा लिख, थुमाको बेहाको भोजमे निउतो पान बारे धन्यके हएं।” बो मोसे फिरसे कही, “जे बात जो परमेश्वर कही हए, सत्य हएं।”

प्रकाश 21:15

बो स्वर्गदूत, जौन मोसे बात करनडटो रहए बोके सँग सहर और बोको फाटक और दिबाल नापनके एक सोनोको नापन बारो लग्घा रहए।

प्रकाश 21:9

और फिर बे सात स्वर्गदूत मैसे एक जनै, जौन आदमीनके उपर सात अन्तिम बिपत्ति भरेभए सात कटोरा अख्नाइ रहएं, उन मैसे एक आएके मोसे बात करी और अइसे कही, “आ, मए तोके दुलहीन दिखामंगो जौननको जल्दीए थुमासे बेहा होबैगो।”

प्रकाश 4:1

जे सब घटना होनके बाद मए, यूहन्ना देखो, कि स्वर्गमे एक फाटक खुलो रहए। तओ मए फिर बहे अबाज सुनो जो तुरहीको अबाज कता मोसे मस्कनडटो रहए। बो मोसे कही: “मेरे ठिन हियाँ उपर आ, और अब जाके पच्छु जो होबैगो बहे मए तोके दिखामंगो।”