प्रकाश 15:1 - राना थारु नयाँ नियम

¹ तओपिच्छु मए बादरमे भओ चमत्कार चिन्हा देखो, जोकी बहुत अचम्मो और बहुत डरौनो रहए। हुवाँ सात स्वर्गदूत रहएं, जो सात अलग-अलग मेलके बिपत्ति लए रहएं। बे बिपत्ति अन्तिम हएं, काहेकी जब बे खतम हुइजामंगी, तओ परमेश्वरको क्रोध अन्त हुइ जाबैगो।

परमेस्वर को सच्चो वचन

¹ फिर मैं आसमान मैं एक महान और अदभुत रहस्यमयी चिन्ह देखो, मतलब सात स्वर्गदूत जिनके पास सातौ आखरी बिपत्ति रहैं, काहैकि उनके हुई जान मैं परमेस्वर के गुस्सा को अंत है।

प्रकाश 15:1 交叉參考

प्रकाश 10:3

बो स्वर्गदूत जोडसे चिल्लाई, और बोको अबाज बघटा कता रहए। जब बो चिल्लाई, तओ सात तेज अबाज बोके उत्तर दइं, जो गर्जनको अबाज कता रहएं।

प्रकाश 11:14

जा दुस्री बिपत्ति बितिगइ; अब तिस्रो बिपत्ति जल्दी आएरहो हए।

प्रकाश 14:10

बिनके परमेश्वर बहुत दण्ड देबैगो। जा अइसो हए जैसेकी, परमेश्वर बेहीं आदमीनके बहुत करुवान बारो चीज पिबानके देबैगो जोमे कोइ मिसावट नाए होबैगो, परमेश्वर बे आदमीनके पबित्र स्वर्गदूत और थुमाके अग्गु आगी और गन्धकमे कष्ट देबैगो।

प्रकाश 14:19

तओ स्वर्गदूत पृथ्वीमे भओ अंगुरको झोँथा अपनो हँसियासे काटके जमा करी। अंगुरके एक ठाउँमे जमा करोगओ, ताकी बिनके पेरपाबए। जाको मतलब जा हए, कि परमेश्वर कडा सजाय देबैगो। अंगुर सहरके बाहिर परेगए रहएं। हुवँए, जहाँ अंगुरके पेरेगए रहएं हुवाँसे जो खुन निक्रो, बो एक इत्नो गहिरो धार कता बहो, कि घोडाको लगाम तक पुग्गओ, और तीन सओ किलोमिटर तक फैलीगओ।

प्रकाश 16:1

तओपिछु मए मन्दिर मैसे एक बडो अबाज सुनो, जौन सात स्वर्गदूतनसे कही, “जाओ, संसारके आदमीनमे परमेश्वरके तरफको बो सजाय अख्नाओ जो सात कटोरामे हएं।”

प्रकाश 17:1

बे सात कटोरा लेन बारे स्वर्गदूत मैसे एक जनै मेरे ठिन आएके कही, “इतए आ, मए तोके दिखामंगो कि परमेश्वर कैसे बो महा वेश्याके दण्ड देबैगो, जो एक अइसो ठिहामे बैठतहए जहाँ बहुत नदिया हएं।”

प्रकाश 19:15

बाको मुँहुँमे एक पैनो तरबार निक्रो रहए, जोसे बा सब जाति-जातिनके हराए देहए। बा एक लोहाको डण्डा लैके सब आदमीनके उपर राज करैगो। और जो बाको अधिकारके स्वीकार नाए करैगो, बा उनके पुरा रुपमे दण्ड देहए। बा सर्बशक्तिमान परमेश्वरको डरौनो प्रकोपके उइसीयए छोड देबैगो, जैसे एक रसको कुण्डा मैसे अंगुरको रसा बहात हए।

प्रकाश 21:9

और फिर बे सात स्वर्गदूत मैसे एक जनै, जौन आदमीनके उपर सात अन्तिम बिपत्ति भरेभए सात कटोरा अख्नाइ रहएं, उन मैसे एक आएके मोसे बात करी और अइसे कही, “आ, मए तोके दुलहीन दिखामंगो जौननको जल्दीए थुमासे बेहा होबैगो।”

प्रकाश 8:13

जब मए फिरसे देखो, तओ बादरमे एक चिल्हरियाके बहुत उपर उणत और उँचो अबाजसे अइसे कहात सुनो, “बे दुष्ट आदमीनके परमेश्वर दण्ड देहए जो पृथ्वीमे रहात हएं, काहेकी जब बाँकी रहेभए तीन स्वर्गदूतके उनके दओगओ तुरहीके फुँकंगे, तओ संसारमे सब आदमीनमे आन बारो बिपत्ति एकदम डर लागन बारो हुइहए।”

प्रकाश 8:2

और मए बे सात स्वर्गदूतनके देखो जो परमेश्वरके अग्गु ठाणे रहात हएं, और उन्हएं सात तुरही दओगओ।

प्रकाश 8:6

और बे सात तुरही होन बारे सातौ स्वर्गदूत तुरही फुँकन तयार भए।

प्रकाश 9:20

और बाँकीके आदमी, जो बे हानिकारक घोडनके द्वारा नाए मारे गए, बे अपनी सोनो, चाँदी, पितर, पत्थर और लकणीकी मूर्तिके पुजा करनके नाए छोडीं, जो बे बनाइ रहएं। जे मूर्ति नए देख पातहएं, नए सुनपात हएं और नए नेँगपात हएं। बे भुतनके फिरसे आराधना करनके नाए छोडीं।