प्रकाश 14:6 - राना थारु नयाँ नियम

⁶ और मए दुस्रो स्वर्गदूतके बादर उपर उणनडटो फिर देखो। बो स्वर्गदूत अच्छो समाचार लाइ जो कब्ही नाए बदलत हए। बो स्वर्गदूत संसारमे भए आदमीनके, हर जाति, कुल, भाषा, और राष्ट्रके आदमीनके परचार करी।

परमेस्वर को सच्चो वचन

⁶ फिर मैं एक स्‍वर्गदूत कै आसमान के बीच ब्यार मैं ऊँची उड़ान भरत भै देखो, जामैं पृथ्वी के लोग, हर एक जाति, जनजाति, भासा, देस और रास्ट्र के ताहीं सुसमाचार को अनंत संदेस रहै।

प्रकाश 14:6 交叉參考

मत्ती 10:27

जो कुछ फिर मए अँध्यारोमे कहात हओं, बहे बातके तुम उजियारेमे नाए डराएके बताए देओ, चुप्पए कोनेसे कही बात घरके छानीसे परचार करओ।

मर्कूस 16:15

तओ येशू उनसे कही, “संसारमे हर ठिहामे जाओ और सब आदमीनके बीच अच्छो समाचार परचार करओ।

रोमियों 16:25

अब उनके, जौन तुमके मिर परचार करन बारो अच्छो समाचार और येशू ख्रीष्टके बारेमे परचार करे अनुसार तुमके बिश्वासमे मजबुत करन सिकैगो, बो रहस्यको प्रकाश बमोजिम, जो युग-युगसे गुप्तमे रहए।

कलस्सी 1:23

तुमर बिश्वास ख्रीष्टमे मजबुत होन पणैगो, जैसेकी एक घर बलियो जगमे बनो होतहए। जो हमरे सँग आसरा हए, और जो अच्छो समाचारमे हम बिश्वास करत हएं, बो आसराके मत् छोडओ, जौनके बारेमे बादरके तरे भए सबके परचार करोगओ हए, और मए पावल, जहे अच्छो समाचार सुनान बारो सेवक भओ हओं।

2 थेसलोनिकी 2:16

हम अपनए हमर प्रभु येशू ख्रीष्टसे और हमर दौवा परमेश्वरसे प्राथना करत हएं, जो हमसे प्रेम करत हएं, और जौन अपनो अनुग्रहसे हमके कभी फिर अन्त नाए होन बारो प्रोत्सहान और मजबुत आसरा दइ हए।

हिब्रू 13:20

और अब, शान्तिको परमेश्वरको अनुग्रह, जो प्रभु येशूके मरो मैसे जिन्दा करी। बाको इच्छा पुरा करनके ताहीं तुमके चाहन बारो सब चीजसे सजाबैगो। बाके मन पणन बारो सब चीज येशू ख्रीष्टको शक्तिसे तुममे उत्पन्न करबाबैगो। येशूए भेंणनको बहुत अच्छो बकरेहेरा हए कहान बारी बात सदाकालको प्रतिज्ञाको चिन्हा बाको खुनसे दिखात हए। बाके सदासर्वदा महिमा मिलए। आमेन।

1 पतरस 1:25

पर प्रभुको बचन सदासर्वदा रहो रहात हए।” और तुमके परचार करो भओ अच्छो समाचारको बचन जहेहए।

प्रकाश 10:11

तओ मोसे जा कहोगओ, “अलग-अलग जाति और देशके आदमी, अलग-अलग भाषा मस्कन बारे आदमीनके और राजनके एकचोटी फिरसे बता, जो परमेश्वर तोके बतानके ताहीं कहात हए।”

प्रकाश 10:7

तओ औ देर नाए होबैगी। जैसीए बो सातौँ स्वर्गदूत अपनी तुरही फुँकैगो, बो तुरन्त काम करैगो। परमेश्वर अपनी गुप्त योजनाके पुरा करैगो, जैसेकी बा अपने सेवक अगमबक्तनके जाकी अच्छो समाचार परचार करी रहए।

प्रकाश 13:7

राक्षसके अपने बारेमे घमण्डको बात करनको अधिकार दओगओ, ताकी पबित्र आदमीनसे लडए, और उन्हएं हराए देबए। और बोके संसारके हर जाति, कुल, राष्ट्र और भाषाके आदमीनमे अधिकार दओगओ।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।

प्रकाश 8:13

जब मए फिरसे देखो, तओ बादरमे एक चिल्हरियाके बहुत उपर उणत और उँचो अबाजसे अइसे कहात सुनो, “बे दुष्ट आदमीनके परमेश्वर दण्ड देहए जो पृथ्वीमे रहात हएं, काहेकी जब बाँकी रहेभए तीन स्वर्गदूतके उनके दओगओ तुरहीके फुँकंगे, तओ संसारमे सब आदमीनमे आन बारो बिपत्ति एकदम डर लागन बारो हुइहए।”