प्रकाश 14:4 - राना थारु नयाँ नियम

⁴ बिनको जीबन पबित्र हए। बे बेहीं लोग कता हएं जौन कभी फिर व्यभिचार नाए करी हएं, जौन कभी फिर आराधना नाए करी हएं, बे थुमाको इकल्लो आराधना करत हएं। जहाँ थुमा जातहए, हुवाँ बेहुँ जात हएं, बे आदमी बेहीं हएं जौननके पृथ्वीके सबए आदमीनके बीचसे छुटावगओ हए। आदमी अपनो फसलको पहिलो फल परमेश्वरके चढाओकता, बे परमेश्वर और थुमाके पहिलो भेँटीके रुपमे चढाएगए हएं।

परमेस्वर को सच्चो वचन

⁴ जे बे आदमी हैं जो बईंय्यरन के संग गलत सम्बंध न रखकै अपने आपकै असुद्धता से पवित्र रखीं हैं; बे कुँवारे हैं। बे मेम्ना को अनुसरँड़ करथैं। जहाँ भी बे जाथैं उन्हैं बचे भै इंसान की जाति से मोल लौ गौ है और बे परमेस्वर और मेम्ना कै सौंपे जान बारे पहले लोग हैं।

प्रकाश 14:4 交叉參考

मत्ती 19:12

काहेकी कोइ नपुंसक अइसे होत हएं, जौन जनमसे पैदा भए और कुछ नपुंसक अइसे हएं, जौनके आदमी नपुंसक बनाइं; और कुछ नपुंसक अइसे हएं जौनके स्वर्गके राज्यके ताहीं अपने आपके नपुंसक बनात हएं, बे जौन समझनमे सक्षम हएं।”

मत्ती 25:1

फिर येशू अपने चेलनसे कही, जब मए, आदमीको लौंणा घुमके आमंगो, तओ स्वर्गको राज्य अइसो होबैगो: बे दश कन्या रहएं, जौन अपने दिया लैके दुलहाके भेँट करनके निक्रीं।

मत्ती 8:19

जैसी बे जानके ताहीं तयार होत रहएं। तओ मोशाको नियम कानुन सिखान बारो येशूके ठिन आओ, और येशूसे कही, “गुरु, तए जहाँ जएहए मए तुमर चेला बननके ताहीं तुमर पिच्छु-पिच्छु जामंगो।”

यूहन्ना 10:27

“जैसेकी भेंणा अपनो अच्छो बकरेहेराको अबाज चिनजात हएं, उइसीयए मेरे आदमी मिर बातमे ध्यान देत हएं। मए उनके जानत हओं, और बे मेरे चेला बननके ताहीं मेरे पिच्छु लाग्गए हएं।

यूहन्ना 12:26

कोइ मिर सेवा करहए कहेसे बो मिर चेला बननके ताहीं मिर पिच्छु लागए, तओ जहाँ मए हओं हुवाँ मिर चेला फिर हुइहए। अगर कोइ मिर सेवा करहए कहेसे दौवा परमेश्वर बोके आदर करैगो।

यूहन्ना 13:37

पत्रुस येशूसे कही, “हे प्रभु, मए हबए तुमर पिच्छु काहे नाए आए पएहओं? तुमर ताहीं मए मरनके फिर तयार हओं।”

यूहन्ना 8:12

येशू फिरसे आदमीनके शिक्षा देतए कही, “मए बहे हओं, जो संसारके उजियारो देत हए। मेरे पिच्छु लगन बारेनके कभु फिर अँध्यारोमे नेगन नाए पणैगो, बल्कि बे बो उज्यारोके पामंगे जौन जीबन देतहए।”

प्रेरित 20:28

तुम अपन ताहीं और अपने पुरा समुहके ताहीं साबधान रहियओ। पबित्र आत्मा तुमके समुहको मण्डलीको अगुवा बनानके कारणसे तुम, ख्रीष्टको अप्नो खुनसे किन भओ परमेश्वरको मण्डलीको रेखदेख तुम करओ।

1 कोरिन्थी 16:15

हे मेरे बिश्वासी ददाभइयओ, तुम स्तिफनास और बोको परिवारके जानत हओ, कि बे अखैया परदेशके पहिलो आदमी रहएं जो ख्रीष्टमे बिश्वासी बने; और परमेश्वरके पबित्र आदमीनके मदत करनके ताहीं तयार रहात हएं।

1 कोरिन्थी 6:20

परमेश्वर तुमके किमतके रुपमे अपनो जीबन दइके तुमके छुटकारा करीहए, जहेमारे अपने शरीरके द्वारा परमेश्वरके महिमा करओ।

1 कोरिन्थी 7:28

पर अगर तुमर बेहा हुइ फिर जएहए तओ पाप नाए हए; और बेहा नाए करेभए बैयर बेहा करहएं तहुँफिर कोइ पाप नाए हए; पर बिबाहित आदमी जा संसारमे अपने जीबनमे अप्रिय चिजनको अनुभव करंगे और मए चाहंगो, कि तुम अइसे परेसानीनसे मुक्त रहाओ।

2 कोरिन्थी 11:2

मए तुमसे उइसी प्रेम करत हओं, और तुम्रो चिन्ता करत हओं जैसे परमेश्वर करत हए। मए तुमके तुमर एकए इकल्लो लोगाके रुपमे रहो ख्रीष्टमे सौँपनको बाचा करो हओं। मए तुमके बाको पबित्र लुल्हीनके रुपमे देन चाँहत हओं।

इफिसियों 1:14

काहेकी परमेश्वर हमके पबित्र आत्मा दइ हए। हम जा बातसे पक्का हुइपात हएं, कि परमेश्वर हमके उद्धारके ताहीं बो उत्तराधिकार देबैगो जो बा देनको प्रतिज्ञा करीहए और जा फिर कि बा हमके अपने आदमीनके रुपमे खरिदी हए ताकी बाको महिमाको स्तुति होबए।

इफिसियों 5:27

बा अपनी मण्डलीनके ताहीं फिर मरिगओ ताकी बा अपने सब आदमीनके सिद्ध बनाए पाबए और बे सबके अपने उपस्थितिमे लाए पाबए, जौनन्मे कोइ दोष या पाप या कोइ औ खराब बात नाए हुइहए; बल्कि, बे पबित्र और सिद्ध होमंगे।

1 तिमोथी 4:3

बे झुठे आदमी सिखात हएं, कि बेहा करनो और कोइ-कोइ मेलको खानु खान गलत हए। पर परमेश्वर जा सब खानु बिश्वासीनके ताहीं बनाइ हए, जो परमेश्वरके धन्यबाद दइके खानु खानको सच्चो सन्देशके जानत हएं।

हिब्रू 12:23

तुम परमेश्वरको सबसे बडो सन्तानको मण्डलीके सभामे आए हओ, जौननको नाउँ स्वर्गमे लिखेहएं। बे स्वर्गमे रहान बारे बेहीं धर्मी आदमीनको आत्मा हएं जौननके अब सिद्ध बनाओ गओ हए। तुम अपनए परमेश्वरके ठिन आए हओ, जो सब चिजनके उपर न्यायी हए।

याकूब 1:18

परमेश्वर अपनी इच्छासे हमके सच्चाईको बचनसे नयाँ जीबन दइहए, ताकी परमेश्वरको सृष्टि करोभओ सब चीजमे हम सबसे महत्वपूर्ण हुइ पामएं, जैसेकी फसलको पहिलो हिस्सा सबसे खास हिस्सा होतहए।

1 पतरस 2:9

पर तुम उइसे नाए हओ, काहेकी तुम परमेश्वरके चुनेभए आदमी हओ, तुम परमेश्वरके पुजारी हओ, जो राजा हए। तुम परमेश्वरको सेवा करन समर्पित भए आदमी और परमेश्वरके निजी प्रजा हओ। बा तुमके अंधियारोसे अपनो अदभुत ज्योतिमे लाइ हए, ताकी तुम परमेश्वरके अचम्मे कामको घोषणा करपाबओ।

प्रकाश 17:14

बे थुमाके बिरुद्धमे युद्ध करंगे, पर थुमा उनके हराए देबैगो, काहेकी बा प्रभुनको प्रभु और राजनको फिर राजा हए। बा अपनो बुलाएभए, चुनेभए और विश्वासयोग्य आदमीनके सँग बिनके हराए देबैगो।”

प्रकाश 21:22

मए कोइ मन्दिर नाएदेखो काहेकी सर्बशक्तिमान परमेश्वर और थुमा बो सहरमे हएं। जहेमारे हुवाँ मन्दिरको कोइ जरुरत नाए हए।

प्रकाश 21:23

हुवाँ सूर्य और जोनीको चमकको जरुरी नाए हए। काहेकी बो सहर परमेश्वर और थुमाको महिमामय दियासे चम्को हए।

प्रकाश 3:4

पर तेरे बीचमे सार्डिस सहरमे कुछ आदमी हएं, जौन पापसे अशुद्ध नाएभए हएं, बे मेरे सँग शुद्ध सेतो कुर्ता लगाएके नेँगङ्गे, काहेकी बे लायकके हएं।

प्रकाश 5:9

और बे अइसे करके थुमा अर्थात् येशू ख्रीष्टके बारेमे गान लागे, “तुम जा खलरीको चिट्ठीको मोहरके तोणन और जाके खोलनके लायक हओ। काहेकी तुमके मारडारोगओ रहए और अपनो मृत्युके खुनसे तुम संसारके हर कुल, भाषा, आदमी और जातिसे परमेश्वरके ताहीं आदमीनके छुटकारा दए।