प्रकाश 14:12 - राना थारु नयाँ नियम

¹² तभीमारे जा जरुरी हए, कि परमेश्वरके पबित्र आदमीके जीबनमे आन बारे सबएके दुख सहान पणतए हए। बे परमेश्वरको आज्ञापालन करत हएं। और बिनके येशूमे बिश्वास करन नाए छोडन हए।

परमेस्वर को सच्चो वचन

¹² जौ परमेस्वर के पवित्र लोगन के घाँईं से धीरज धरन कि माँग करथै, जो परमेस्वर की आग्यन कै मानथै, और ईसु के प्रति भरोसेमंद हैं।

प्रकाश 14:12 交叉參考

2 तिमोथी 4:7

जैसे एक अच्छो सिपाही युद्धमे कभी फिर हार नाए मानत हए उइसीयए मए फिर ख्रीष्टके ताहीं कर्रो मेहेनत करनके कभु नाए छोडो, मए सब काम पुरा करडारो हओं जौन काम करनके ताहीं येशू ख्रीष्ट मोके दइ रहए। ख्रीष्ट उपरको मिर बिश्वास कभु फिर नाए बदलैगो।

1 यूहन्ना 2:3

अगर हम परमेश्वरको आज्ञाके मानंगे, तओ जासे हम जानलेमंगे, कि परमेश्वरके सँग हमर संगती हए।

प्रकाश 12:17

परिमाण स्वरूप, अजिंगर बो बैयरसे बहुत गुस्साइगओ। जहेमारे बो बैयर सन्ताननके बिरुद्ध युद्धको घोषणा करदइ। अर्थात् बे आदमीनके बिरुद्ध, जो परमेश्वरकी प्रतिज्ञानके पालन करत हएं और येशूके द्वारा सिखाओ गओ सच्चो शिक्षाके पालन करनमे मजबुत बने रहात हएं।

प्रकाश 13:10

जौन आदमीनके जेलमे डारो जानके ताहीं फैसला हए, बे पक्कए फिर जेलमे डारे जामंगे, और अन्य आदमीनके ताहीं तरबारसे मारो जानके ताहीं फैसला हए, बे पक्कए फिर मारे जामंगे। जहेमारे नेहात्तओ, कि परमेश्वरके आदमी बे कठिनाइके सहाएं जौननको बे अनुभव करत हएं और बे बिश्वास करनमे पक्के हएं।

प्रकाश 2:13

मए जानत हओं, कि तए शैतानको सिंहासनके अधिनमे हए, पर अइसो होतए-होत तए मोएमे अपनो बिश्वासके मजबुत करो हए, और तए मिर शिक्षनके नाए छोडो हए। हियाँतककी, तहुँफिर नाए छोडो, जब बहुत समय पहिले एन्टिपासको हत्या करोगओ रहए। बो मिर बचनके परचार करनमे बिश्वासयोग्य रहए, जहेमारे बोके तेरे सहरमे मारडारीं जो शैतानके अधिनमे हए।

प्रकाश 3:10

तए मेरे सन्देशके पालन करो ताकी जब तए दुख उठाबए तओ बोके धैर्य साथ सहिपाबए। जहेमारे, मए तोके बडी परीक्षाके समयमे रक्षा करंगो। परीक्षाको जा समय संसारके सब आदमीनमे आबैगो।

प्रकाश 3:8

मोके पता हए तए कैसो कडा मेहेनत करत हए। मोए पता हए, कि तेरे सँग थोरीए शक्ति हए, तहुँफिर मए तोसे कहीभइ बात तए पालन करो हए। तए मोएमे लगातार बिश्वास करेपणे हए, जहेमारे मए तेरे ताहीं एक ढोका खोलंगो जोके कोइ फिर बन्द नाए कर्पएहए।